អគ្គទេសាភិបាលធនាគារជាតិកម្ពុជាលោកស្រី ជា សិរី ថាធនាគារកណ្ដាលកម្ពុជាមិនអាចអន្តរាគមន៍លើអត្រាការប្រាក់លើកម្ចីជាដុល្លារនោះទេ ដោយសារផលប៉ះពាល់នៃអត្រាការប្រាក់នេះកើតពីគោលនយោបាយអាមេរិកដែលបានតម្លើងដោយធនាគារកណ្ដាលប្រទេសនោះ។
សម្ដេចធិបតី ហ៊ុន ម៉ាណែត បញ្ជាទៅទីស្ដីការគណៈរដ្ឋមន្ត្រីធ្វើការសហការជាមួយថ្នាក់ក្រោមជាតិដើម្បីស្រង់ឈ្មោះមន្ត្រីដែលធ្វើការយ៉ាងតិច១០ឆ្នាំឡើងហើយមិនដែលបានមេដាយសោះ ដើម្បីឱ្យរដ្ឋមានគោលការណ៍ផ្ដល់មេដាយជូន។
ក្រសួងការពារជាតិគ្រោងសម្ពោធដាក់ឱ្យប្រើប្រាស់មូលដ្ឋានសមុទ្ររាមនៅដើមខែមេសាខាងមុខ ៣ឆ្នាំបន្ទាប់ពីបានបើកការដ្ឋានសាងសង់កាលពីខែមិថុនា ឆ្នាំ២០២២។
ប្រធានគណបក្សប្រជាជនកម្ពុជា សម្ដេចតេជោ ហ៊ុន សែន និងជួបពិសាអាហារសាមគ្គីថ្ងៃត្រង់ជាមួយសម្ព័ន្ធគណបក្សនយោបាយទាំង២៧ នៅថ្ងៃទី២៧ ខែមីនា ឆ្នាំ២០២៥ខាងមុខនេះ។
សម្ដេចតេជោ ហ៊ុន សែន បានប្រាប់កុងស៊ុលកិត្តិយសអឺរ៉ុបប្រចាំនៅកម្ពុជាពីបំណងរបស់កម្ពុជាក្នុងការពង្រឹងគុណភាពធនធានមនុស្សឱ្យកាន់តែច្រើន។ សម្ដេចថ្លែងបែបនេះក្នុងជំនួបជាមួយប្រតិភូបណ្ដាកុងស៊ុលកិត្តយសអឺរ៉ុបចំនួន១១ប្រទេសនៅព្រឹកថ្ងៃទី១៨ ខែមីនា ឆ្នាំ២០២៥នេះ។
អ្នកនាំពាក្យរដ្ឋមន្ត្រីមហាផ្ទៃលោក រ៉េន រតនៈ បានឱ្យដឹងថាឧបនាយករដ្ឋមន្ត្រី រដ្ឋមន្ត្រីមហាផ្ទៃលោក ស សុខា បានផ្ដល់ការណែនាំឱ្យបញ្ជូនមន្ត្រីនគរបាលរូបណាដែលប្រព្រឹត្តិល្មើសវិន័យទៅធ្វើការនៅព្រំដែន ចាប់ពី៣ទៅ៦ខែ ដើម្បីកែខ្លួន។
នាយឧត្តមសេនីយ៍ ឈុំ សុជាតិ បានច្រានចោលព័ត៌មានដែលថាមានយន្តហោះចម្បាំងរបស់កងទ័ពថៃហោះចូលដែនអាកាសកម្ពុជាកាលពីចុងសប្ដាហ៍មុន។ លោកថាការព្យាយាមបង្កើតព័ត៌មានមិនពិតដើម្បីវាយប្រហាររដ្ឋាភិបាលគឺជាការញុះញង់ និងមិនបានផ្ដល់ផលជូនជាតិ និងប្រជាជននោះទេ។