ដើមលុយ ហុងស៊ុយទាក់ទាញទ្រព្យ នាំលាភចូលផ្ទះនិងការិយាល័យ

ដើមលុយ ជារុក្ខជាតិមួយប្រភេទដែលជនជាតិចិន និងតៃវ៉ាន់មានជំនឿមុតមាំជាយូរលង់មកហើយថាអាចនាំនូវលាភសំណាង ទាក់ទាញទ្រព្យចូលគេហដ្ឋាន និងការិយាល័យយ៉ាងបរិបូណ៌។ បច្ចុប្បន្នប្រជាជនស្រុកយើង ក៏ពេញនិយមដាំរុក្ខជាតិនេះតាមផ្ទះ និងកន្លែងធ្វើការនានាផងដែរ ជាពិសេសអ្នកជាប់ខ្សែស្រឡាយចិន។

ដើមលុយឬភាសាអង់គ្លេស Braided Money Tree Plant ​ ជាប្រភេទរុក្ខជាតិងាយដាំ ងាយថែទាំ និងងាយលូតលាស់។ តាមជំនឿហុងស៊ុយ កាលណាដើមនេះដុះលូតលាស់កាន់តែល្អ ការរកស៊ី រួមទាំងអាជីព នឹងកាន់តែកាក់កបដាក់ចុះដុះឡើង ដូចទៅនឹងដើមរបស់វាអ៊ីចឹង។ ភាគច្រើនគេតែងតែដាំវានៅមាត់ទ្វារចូលនៃអគារ ឬមុខគេហដ្ឋាន។

ដើមលុយជាប្រភេទរុក្ខជាតិដែលគេជឿថា នាំមកនូវភាពរុងរឿង នាំយកលុយកាក់ចូលគ្រួសារ និងលាភសំណាងល្អនៅក្នុងជីវិត។ រុក្ខជាតិមួយប្រភេទនេះជាអំណោយពិសេសសម្រាប់អ្នកធ្វើមុខជំនួញថ្មី គេហដ្ឋានថ្មី ការិយាល័យថ្មី និងសម្រាប់លើកហុងស៊ុយនៅក្នុងផ្ទះ ដើម្បីទាក់ទាញប្រាក់ឱ្យចូលហូរហៀ។

ត្រណម៖  ត្រូវថែទាំធ្វើយ៉ាងណាកុំឱ្យរលួយឫស ដាក់នៅទីតាំងណាដែលមានពន្លឺព្រះអាទិត្យជះចំ និងស្រោចទឹកឱ្យទៀងទាត់ ដើម្បីឱ្យវាលូតលាស់បានល្អ ។ បើសិនការលូតលាស់ស្លឹកមិនបានល្អ វាជាប្រផ្នូលនៃដំណឹងអាក្រក់ និងបាត់បង់លាភសំណាង។

អ្នកគួរដាក់ដើមលុយនៅចំទិសអាគ្នេយ៍ (ខាងត្បូងឈៀងកើត) ឬទិសខាងកើតក្នុងផ្ទះ ហើយហាមដាច់ខាតដាក់ក្នុងឬក្បែរបន្ទប់ទឹកឬបង្គន់៕

ប្រែសម្រួល៖ សន្យា

ប្រភព៖ Culture Guru

ចុចអាន៖ មិនចង់នាំគ្រោះចូលផ្ទះ ហាមដាំប្រទាលពស់ក្រាយនៅ​កន្លែង២នេះដាច់ខាត

ចុចអាន៖ ដើមឈើជុំវិញផ្ទះមិនចេះតែដាំទេ! ទាល់តែត្រូវទិស ទើបអាចនាំសំណាងល្អ