អ្នកមានខែកំណើតទាំង​នេះ ហោរាសាស្ត្រ ការងារ លុយកាក់ ស្នេហា ល្អបំផុត

ហោរាសាស្ត្រចុងខែវិច្ឆិកាដល់ដើមខែធ្នូ ​សម្រាប់​រាសីចក្រនៃមនុស្សដែលមានកំណើតក្នុងខែទាំង ៣ខាងក្រោម ​​នឹង​មាន​លាភ​សំណាង​​គ្រប់​វិស័យ មិនថាការងារ ហិរញ្ញវត្ថុ ឬស្នេហាឡើយ៖

មេសា

វឌ្ឍនភាពអាជីព និងការងារ សម្រាប់ខែមេសា មានសញ្ញារាសីប្រកបដោយការរីកចម្រើនគ្រប់ច្រកល្ហក។ ជាពិសេសទាក់ទងនឹងការងារ រឹតតែមានឱកាសលូតលាស់ ដាក់អ្វី ដុះនោះ តាមបំណង។ ឱ្យតែផ្ដោតការយកចិត្តទុកដាក់ជាងមុនបន្តិច អ្វីៗនឹងរលូនទៅមុខ ព្រមទាំងទទួលបានផ្លែផ្កា គួរជាទីពេញចិត្ត។

សីហា

ខែសីហា មានរាសីល្អ ​​ខាង​ស្នេហា។ មិនថាទៅមកណា អ្នកពេញដោយមន្ត​ស្នេហ៍ មានមនុស្សចិត្ត​ល្អ ស្រឡាញ់ និង​ជួយ​ជ្រោមជ្រែងហូរហែរ។

ជោគ​វាសនាអ្នក ហក់ឡើង​ខ្លាំង ​ក្នុង​អំឡុង​ពេល​នេះ​។ សម្រាប់អ្នក​​រៀបការ​រួច ​នឹងកាន់តែល្អូកល្អឺន យល់ចិត្តគ្នា។ ​វិថីស្នេហារបស់អ្នក មានតែសំណាងល្អ អ្នកនឹងកាន់ដៃគ្នាបង្កើតបានទ្រព្យសម្បត្តិហូរហៀរ នាពេលអនាគត។

ចំណែក​អ្នក​នៅ​លីវ​មានឱកាស​ជួប​មនុស្ស​ល្អ​ចូលមកក្នុងជីវិត។ អ្នកមិនមែនមាន​សំណាង​ត្រឹម​តែ​រឿង​ស្នេហា​នោះ​ទេ ព្រោះ​អ្នកក៏នឹងមានមនុស្សចាំ​ជួយជួយ​ឧបត្ថម្ភគាំទ្រ​ពេលមានបញ្ហា និងជួយជំរុញកិច្ចការនានាឱ្យទទួលជោគជ័យបានលឿនផងដែរ។

ចំណែក​អ្នក​ប្រកប​របរ​រកស៊ី​ជួញដូរ​វិញ ​ក៏​ទាក់ចិត្តអតិថិជនបានខ្លាំង ពោលគឺលក់ដូរ ​ដាច់​ដូចទឹកហូរ។

កុម្ភៈ

អ្នកមានរាសីខ្ពស់ខាងហិរញ្ញវត្ថុ ​ត្បិតទ្រព្យសម្បត្តិនឹងកើនឡើង។ ប្រាក់ហូរចូល សឹងស្មានមិនដល់​ ពោលគឺ​មាន​លាភ​សំណាង​គ្រប់​រឿងតែម្ដង។ ចំណែកជីវិតទូទៅកាន់តែប្រសើរ ជាពិសេសរឿងលុយកាក់ និងចំណូល​ចូល​មក​ឥត​ឈប់ឈរ ទ្រព្យសម្បត្តិ​ពេញ​បរិបូរណ៍៕

អត្ថបទ៖ សន្យា

ចុចអាន៖ ហោរាសាស្ត្រ ឆ្នាំទាំង ១២ ចន្លោះពីថ្ងៃទី ២១-២៧ ខែ វិច្ឆិកា ឆ្នាំ ២០២១ (ពីជូត -ម្សាញ់)

ចុចអាន៖ ហោរាសាស្ត្រ ឆ្នាំទាំង ១២ ចន្លោះពីថ្ងៃទី ២១-២៧ ខែ វិច្ឆិកា ឆ្នាំ ២០២១ (ពីឆ្នាំមមី-កុរ)