វប្បធម៌ ជំនឿ

ចៀសវាងនាំរឿងមិនល្អ ដើមឈើក្នុងផ្ទះ មិនត្រូវដាំផ្ដេសផ្ដាស

បានផុស

២ years មុន

នៅ

ថ្ងៃពុធ ២២ មិថុនា ២០២២

ដោយ

ការដាក់ដាំដើមឈើក្នុងគេហដ្ឋាន មិនមែនធ្វើតាមតែអារម្មណ៍ចង់នោះទេ ព្រោះប្រសិនបើយើងរើសរុក្ខជាតិមិនត្រូវនឹងធាតុរបស់ផ្ទះ ឬសមាជិកគ្រួសារ អាចនាំមកនូវបញ្ហាទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីជាការងាយស្រួល សម្រាប់អ្នកដែលមានបំណងចង់ដាំដើមឈើ គ្រូ ណុប នឹងបង្ហាញពីគន្លឹះដាំរុក្ខជាតិក្នុងផ្ទះ ឬនៅជុំវិញផ្ទះ តើដើមឈើប្រភេទណាដែលគួរចៀសវាង មិនត្រូវដាំ ហើយប្រភេទដើមឈើណា ដែលអាចជួយពង្រឹងហុងស៊ុយក្នុងផ្ទះឲ្យកាន់តែល្អ។

សូមធ្វើការជ្រើសរើសរុក្ខជាតិដែលមានស្លឹកធំ ស្លឹកបៃតង និងដើមមានពណ៌ត្នោតស្រាល។ មួយវិញទៀត ដើមឈើដែលមានបន្លា ឬដើមឈើដែលមុត ឬមានស្លឹកចង្អុល ក៏ត្រូវបានគេជឿថាមិនមានសុវត្ថិភាព នាំរឿងអាក្រក់ចូលមកក្នុងផ្ទះ ឬមនុស្សនៅក្នុងផ្ទះនឹងចាក់គ្នាទៅវិញទៅមក។

លើសពីនេះ ដើមឈើដែលមានរូបរាងចម្លែក អាក្រក់ មានក្លិនមិនល្អ ឬដើមឈើដែលមានស្លឹកជ្រុះច្រើន ក៏មិនអាចដាំក្នុងផ្ទះបានដែរ។ ចំណែកដើមឈើដែលស័ក្ដិសម សម្រាប់ដាំក្នុងផ្ទះ គឺដើមពន្លឺព្រះច័ន្ទ ដែលមានស្លឹកធំគួរសម ទន់ ដើមមានពណ៌មិនខ្មៅពេក ដើមផ្កាម្លិះ ដើមកែវ ដែលរីកដោយផ្កាពណ៌សក្រអូប ត្រូវបានគេជឿថា ជាដើមឈើដែលអញ្ជើញទេវតាចូលផ្ទះ និងដើម្បីលើកកម្ពស់ការងារកាន់តែរីកចម្រើន។ ជាពិសេស ប្រសិនបើដាំនៅជុំវិញតំបន់ទីសក្ការ នោះនឹងជួយឲ្យជីវិតកាន់តែប្រសើរលើសមុន៕

គ្រូ ណុប

ចុចអាន៖ប្រជ្រុយលើផ្ទៃមុខ នឹងដៅជោគវាសនាថា ជាមនុស្សមានអត្តចរិតបែបណា

ចុចអាន៖វត្ថុតុបតែងគេហដ្ឋាន ៥ យ៉ាង ជួយបង្កើនហុងស៊ុយ និងនាំភាពត្រជាក់ត្រជំ ដល់ម្ចាស់ផ្ទះ