នាំលាភចូលផ្ទះ បើប្រើពណ៌កម្រាលតុសែនចូលឆ្នាំចិន ត្រូវតាមប្រភេទទិសផ្ទះ

ពណ៌ក្រហម ត្រូវបានគេដឹងទូទៅថា ជាពណ៌ដែលប្រជាជនចិន ចាត់ទុកជាពណ៌មង្គល និងលាភសំណាងរបស់ពួកគេ ប៉ុន្តែ​ភាគច្រើន​នៃអ្នកដែលមានសែស្រឡាយកាត់ចិនភាគច្រើន មិនសូវជាបានដឹងពីក្បួនហុងស៊ុយប៉ុន្មាននោះទេ ពិសេសសូម្បីតែការរៀបចំពណ៌កម្រាលតុ ឱ្យត្រូវតាមប្រភេទផ្ទះ។

បើតាមប្រភពហុងស៊ុយ បែបវិទ្យាសាស្ត្រ និងហោរាសាស្រ្ត​ បុរាណចិន Master Naly Fengshui បានចែករំលែក ឱ្យដឹងថា ក្បួនសែនយកហេង សូម្បីតែពណ៌កម្រាលតុសែន ក៏ត្រូវប្រើឱ្យត្រូវប្រភេទផ្ទះដែរ។
តាមក្បួនហុងស៊ុយ ផ្ទះដែលបែរមុខទៅទិសត្បូង ត្រូវប្រើ​ពណ៌ក្រហម និងពណ៌លឿង ឯផ្ទះដែលមានមុខ បែរទៅ​ទិសលិច ទិសកើត និងទិសខាងជើង គឺត្រូវប្រើកម្រាលតុពណ៌បៃតង។

គួរបញ្ជាក់ថា ការរៀបចំសែនចូលឆ្នាំចិន មានរបៀបរបបច្រើន និងប្រែប្រួលជានិច្ច តាមហុងស៊ុយឆ្នាំនីមួយៗ ដោយមិនចេះ​តែសែន​តាមរបៀប​ដូចគ្នានោះទេ។ ហើយសូម្បីតែក្បួនឈរអុជធូប ក៏ដូចជា​របៀបដាក់ថូ ដើមរាសីចំនួនប៉ុន្មាន ផ្កាពណ៌អ្វី និង​ទៀនជាដើម-ល-៕