វប្បធម៌ ជំនឿ

សុបិនឃើញអង្ករ ប្រផ្នូលនៃការមានកូន ឯទ្រព្យសម្បត្តិហូរចូលឥតខ្វះ

បានផុស

២ ខែ មុន

នៅ

ថ្ងៃអង្គារ ២២ សីហា ២០២៣

ដោយ

Sonya

បើតាមជំនឿបុរាណ អង្ករត្រូវបានគេជឿថា ជានិមិត្តរូបនៃការមានកូន ទ្រព្យសម្បត្តិ ការកសាងគ្រួសារថ្មី និងភាពជោគជ័យ។ នៅពេលណាដែលសុបិនឃើញអង្ករច្រើនបាវ ឬអង្ករប្រភេទផ្សេងៗគ្នា នឹងត្រូវបកស្រាយទាក់ទងនឹងអប្បិយជំនឿដូចខាងក្រោម៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុបិនឃើញអង្កររាយប៉ាយ វាជានិមិត្តរូបនៃការជួបស្គាល់មិត្តថ្មី រួមទាំងទទួលបានដំណឹងល្អពីញាតិមិត្តដែលឃ្លាតឆ្ងាយពីគ្នាជាយូរមកហើយ។ ទោះកំពុងប្រឈមមុខនឹងបញ្ហានឹងមានមនុស្សត្រៀមខ្លួនផ្តល់ជំនួយ។

សុបិនឃើញគំនរអង្ករ ម្ចាស់សុបិននឹងទទួលបានលាភសំណាង ឬដំណឹងល្អក្នុងពេលឆាប់ៗ ព្រោះអង្ករជានិមិត្តរូបនៃការមានកូន និងភាពពេញលេញ ទោះបីជាមានឧបសគ្គខ្លះក៏ដោយ ក៏នឹងត្រូវបានមនុស្សជុំវិញខ្លួនតាមជួយជ្រោមជ្រែងដែរ។

សុបិនឃើញគ្រាប់អង្ករល្អៗ ទស្សន៍ទាយថា អ្នកនឹងទទួលបានលាភសំណាងពីអំពើល្អរបស់អ្នក ហើយស្ថានភាពជីវិតកំពុងភព្វប្រសព្វនឹងរឿងជោគជ័យ ។

សុបិនឃើញអង្ករច្រកថង់ អ្នកនឹងទទួលបានដំណឹងល្អពីការងារ ឬមានការចម្រើនលូតលាស់ខាងមុខរបរផ្ទាល់ខ្លួន។ ទន្ទឹមនឹងនេះអ្នកអាចនឹងទទួលបានដំណឹងល្អក្នុងវិស័យការងារ ដោយអាចត្រូវតំឡើងឋានៈទៀតផង។

សុបិនឃើញអង្ករពេញបាវ ក្នុងអំឡុងពេលនេះអ្នកនឹងទទួលបានលាភសំណាងពីលុយកាក់ ឬការចែករំលែកការងារ ខណៈការវិនិយោគនឹងទទួលបានជោគជ័យ។

សុបិនឃើញផ្ទះពោរពេញដោយអង្ករ បើកំពុងជួបរឿងអាក្រក់ វាជាប្រផ្នូលឱ្យដឹងថា អ្វីៗនឹងចាប់ផ្ដើមធូរស្រាលពីពេលនេះទៅ។ សំណាងអាក្រក់រលាយរលត់ អ្នកនឹងមានសេចក្តីសុខក្នុងជីវិតពិត៕

អត្ថបទ៖ សន្យា

ចុចអាន៖ សុបិនឃើញទាហាន ជាប្រផ្នូលគួរសប្បាយចិត្ត