Connect with us

វប្បធម៌ ជំនឿ

តើគួររៀបចំឥរិយាបថបែបណាក្នុងបរិវេណប្រាសាទអង្គរវត្ត?

បានផុស

នៅ

ប្រាសាទអង្គរវត្ត គឺជាប្រាសាទបុរាណខ្មែរដែលមានកេរ្តិ៍ឈ្មោះល្បីរន្ទឺពាសពេញសកលលោក និងជាទីសក្ការៈដ៏ខ្ពង់ខ្ពស់របស់ប្រជាជនខ្មែរសម្រាប់គោរពបូជា។ ដូច្នេះ ទាំងភ្ញៀវទេសចរជាតិ និងអន្តរជាតិ គួរដឹងពីរបៀបស្លៀកពាក់ និងឥរិយាបថដែលគួរធ្វើនៅប្រាសាទអង្គរវត្តដែលជាកន្លែងប្រវត្តិសាស្ត្រមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមកអាជ្ញាធរអប្សរាបានចេញនូវក្រមប្រតិបត្តិអង្គរ សម្រាប់ឱ្យភ្ញៀវជាតិ និងអន្តរជាតិអនុវត្តតាមនៅពេលទៅកម្សាន្តនៅទីនោះ។ គោលដៅដែលរៀបរៀងក្រមប្រតិបត្តិនេះឡើងមក ដើម្បីធ្វើយ៉ាងណាធានាសុវត្ថិភាពភ្ញៀវ បទពិសោធទស្សនា និងគោរពដល់តំបន់អង្គរវត្ត។ ក្រមប្រតិបត្តិអង្គរនេះ ត្រូវបានតាក់តែងឡើងដោយមានការសហការជាមួយអ្នកស្រុកអង្គរ ភ្ញៀវទេសចរ មគ្គុទេ្ទសក៍ទេសចរណ៍ និងក្រុមការងារជួសជុលប្រាសាទ។

ក្រមប្រតិបត្តិអង្គរ ដែលចេញដោយអាជ្ញាធរអប្សរាមានដូចជា៖

+សម្លៀកបំពាក់៖ នៅក្នុងតំបន់អង្គរត្រូវស្លៀកសម្លៀកបំពាក់ឱ្យបានសមរម្យ។ សម្លៀកបំពាក់ដែលមិនសមរម្យក្នុងវប្បធម៌ខ្មែរត្រូវហាមឃាត់ដាច់ខាតនៅតាមទីសក្ការៈ ដូចជា អាវវាលក្លៀក ចំហដើមទ្រូង ខោ និងសំពត់ខ្លីលើជង្គង់សុទ្ធតែជាសម្លៀកបំពាក់មិនសមរម្យ។

+ប្រាង្គប្រាសាទ៖ ហាមឃាត់ចំពោះការប៉ះពាល់រូបចម្លាក់ ឬ អង្គុយលើកន្លែងដែលមានសភាពទ្រុឌទ្រោម ការផ្អែកលើសំណង់ប្រាសាទ ការផ្លាស់ប្តូរទីតាំង ឬ យកថ្មបុរាណ និងគូសវាសលើថ្មជាដើម។ មិនគួរយកកាបូបស្ពាយក្រោយខ្នង ឆត្រមានដងមុតស្រួច ជើងទ្រម៉ាស៊ីនថត និងស្បែកជើងកែងខ្ពស់ក៏មិនគួរពាក់ចូលប្រាសាទដែរ។

+ទីសក្ការបូជា៖ មិនគួរមានសំឡេងរំខាន និយាយខ្លាំង ឬ ស្រែកឡូឡានៅកន្លែងទីសក្ការបូជា ដែលជាឥរិយាបថផ្ទុយពីវប្បធម៌ខ្មែរ និងរំខានដល់ការទស្សនារបស់ភ្ញៀវដទៃទៀត។ ដូចនេះ គួរទស្សនាដោយភាពស្ងៀមស្ងាត់ និងគោរពដល់ភ្ញៀវដទៃ។

+ទីតាំងហាមឃាត់៖ ដើម្បីសុវត្ថិភាពផ្ទាល់ខ្លួនរបស់ភ្ញៀវទេសចរ និងដើម្បីអភិរក្សតំបន់អង្គរ សូមគោរពស្លាកសញ្ញានៅតាមប្រាសាទ។ នៅពេលទស្សនាសូមប្រយ័ត្ន និងហាមឡើងលើគំនរថ្ម។

+ការពិសារបារី និងចោលរាម៖ នៅឧទ្យានអង្គរហាមមិនឱ្យមានការពិសារបារី ព្រោះអាចរំខានដល់អ្នកដទៃ និងបង្កជាអគ្គីភ័យ។ ដើម្បីចូលរួមការពារ និងថែរក្សាបរិស្ថានកុំពិសារបារី និងចោលសំរាម។

+ការឱ្យស្ករគ្រាប់ ឬ ថវិកាដល់កុមារ៖ មិនគួរឱ្យស្ករគ្រាប់ ឬ លុយទៅកុមារឡើយ ព្រោះជំរុញឱ្យពួកគេឈប់រៀន និងមានទម្លាប់សុំទានភ្ញៀវទេសចរ។ ប្រសិនបើចង់ជួយកុមារ គួរផ្តល់អំណោយដល់អង្គការមនុស្សធម៌ដែលគេទទួលស្គាល់ថាជាអង្គការល្អ។

+ព្រះសង្ឃ៖ នៅកម្ពុជា ព្រះសង្ឃជាបុគ្គលសក្ការៈ ប្រសិនជាចង់ថតរូប ត្រូវសូមការអនុញ្ញាតពីព្រះសង្ឃជាមុន។ ចំពោះស្ត្រីវិញ មិនត្រូវប៉ះ ឈរ ឬ អង្គុយកៀកព្រះសង្ឃឡើយ។

អាជ្ញាធរអប្សរា បានបញ្ជាក់ជារឿយៗថា រាល់ការបង្ហោះ Drone ការថតរូបជាសន្លឹក ឬវីដេអូថើម្បីធ្វើអាជីវកម្មត្រូវសូមការអនុញ្ញាតពីអាជ្ញាធរជាតិអប្សរាជាមុនសិន៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៩ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ៩ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ១០ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ១១ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង១១ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ២២ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង៩ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ១៤ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ២៣ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

ព័ត៌មានជាតិ១៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

Sokha Hotels

ព័ត៌មានពេញនិយម