សេដ្ឋកិច្ច
ក្រុមប្រទេស G7 ដាក់ទណ្ឌកម្មលើ រុស្ស៊ី ឯតម្លៃប្រេងនៅតែបន្តឡើងថ្លៃ
តម្លៃប្រេងនៅតែបន្តកើនឡើងកាលពីថ្ងៃអង្គារ ចំពេលមានការដាក់ទណ្ឌកម្មពីបណ្តាក្រុមប្រទេស G7 លើប្រទេសរុស្ស៊ី ដោយប្រេងឆៅអន្តរជាតិម៉ាក Brent កំពុងជួញដូរនៅតម្លៃ ១១២.៦២ ដុល្លារក្នុងមួយបារ៉ែលពោលកើនឡើង ១.៤៨ ភាគរយ បន្ទាប់ពីតម្លៃជួញដូរពីមុនគឺ ១១០.៩៨ ដុល្លារក្នុងមួយបារ៉ែល ។
ចំណែកក្រុមហ៊ុនប្រេងអាមេរិក West Texas Intermediate (WTI) កំពុងលក់ក្នុងតម្លៃ ១១១.១៥ ដុល្លារក្នុងមួយបារ៉ែលនៅពេលដូចគ្នានេះ ហើយកើនឡើង ១.៤៤ ភាគរយ ខណៈតម្លៃលក់ពីមុនគឺ ១០៩.៥៧ ដុល្លារក្នុងមួយបារ៉ែល ។
ការកើនឡើងតម្លៃប្រេងលើពិភពលោកនេះក៏ដោយសារតែ សហរដ្ឋអាមេរិក និងសហភាពអឺរ៉ុបកាលពីថ្ងៃចន្ទបានព្រមព្រៀងគ្នាបង្កើនកិច្ចសហប្រតិបត្តិការសន្តិសុខថាមពលលើកចុងក្រោយដើម្បីកាត់បន្ថយបន្ថែមទៀតនូវប្រាក់ចំណូលពីប្រេង និងឧស្ម័នរបស់រុស្ស៊ី ។
បច្ចុប្បន្នមេដឹកនាំនៃក្រុមប្រទេស G7 កំពុងពិភាក្សាអំពីការកំណត់តម្លៃលើប្រេងរុស្ស៊ី ដើម្បីដោះស្រាយអតិផរណា និងកាត់បន្ថយការពឹងផ្អែកលើការផ្គត់ផ្គង់របស់រុស្ស៊ី ហើយបណ្តាប្រទេសលោកខាងលិចសង្ឃឹមថា នឹងកាត់បន្ថយប្រាក់ចំណូលរបស់ទីក្រុងមូស្គូ ក៏ដូចជាអនុញ្ញាតឲ្យមានការផ្គត់ផ្គង់ប្រេងកាន់តែច្រើនឡើងដល់ទីផ្សារពិភពលោក ។
ទន្ទឹមនឹងនោះ នៅខាងក្រៅកិច្ចប្រជុំ G7 ប្រទេសបារាំងក៏បានអំពាវនាវឲ្យប្រទេសផលិតប្រេងបង្កើនការផលិតរបស់ពួកគេ ហើយបន្តការចរចាដើម្បីអនុញ្ញាតឲ្យមានការដឹកជញ្ជូនប្រេងពីប្រទេសអ៊ីរ៉ង់ និងវ៉េណេស៊ុយអេឡានៅលើទីផ្សារឡើងវិញ ដើម្បីជំនះវិបត្តិថាមពលនេះ ។
ស្របពេលជាមួយគ្នានេះ ប្រទេសផលិតប្រេងនៃអង្គការប្រទេសនាំចេញប្រេង (OPEC) ដឹកនាំដោយអារ៉ាប៊ីសាអូឌីត រួមជាមួយនឹងសមាជិកមិនមែន OPEC ចំនួន ១០ ផ្សេងទៀត រួមទាំងរុស្ស៊ី ដែលគេស្គាល់ថាជា OPEC+ រំពឹងថានឹងនៅតែបន្តចំពោះផែនការបង្កើនផលិតកម្មប្រេងសម្រាប់ខែសីហា ស្របពេលដែលកិច្ចប្រជុំ OPEC+ នឹងធ្វើឡើងនៅថ្ងៃព្រហស្បតិ៍នេះ ។
គួរបញ្ជាក់ថា នៅក្នុងកិច្ចប្រជុំចុងក្រោយរបស់ខ្លួន ក្រុមប្រទេស OPEC+ បានសម្រេចចិត្តបង្កើនការផលិតប្រេងចំនួន ៦៤៨,០០០ បារ៉ែលក្នុងខែកក្កដា និងសីហាខាងមុខនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ រុស្ស៊ី ព្រមានប្រទេសចង់បានតំបន់ Kaliningrad ប្រយ័ត្នម៉ត់ដូចក្នុងម៉ាស៊ីន កិនសាច់
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល