សេដ្ឋកិច្ច
ធនាគារជាតិកម្ពុជា ព្យាករថា អតិផរណានឹងថយចុះនៅឆមាសទី២ ឆ្នាំនេះ
ធនាគារជាតិនៃកម្ពុជា បានព្យាករថា ស្ថានភាពអតិផរណានៅកម្ពុជា នឹងថយចុះនៅឆមាសទី ២ឆ្នាំនេះ ប្រសិនបើសម្ពាធនៃការឡើងថ្លៃប្រេងឥន្ធនៈអាចគ្រប់គ្រងបាន ឬអាចត្រូវបានកាត់បន្ថយ។ ផ្អែកតាមការព្យាករដោយសុទិដ្ឋិនិយម អតិផរណានៅឆមាសទី២ឆ្នាំនេះ នឹងមានកម្រិតជាមធ្យមប្រមាណ ៣,២ភាគរយ និងអតិផរណាប្រចាំឆ្នាំ ២០២២ អាចមានកម្រិតជាមធ្យមប្រមាណ ៤,៨ភាគរយ។
សូមរំលឹកថា យោងតាមរបាយការណ៍ធនាគារជាតិនៃកម្ពុជា បានបង្ហាញពីកំណើនអតិផរណានៅកម្ពុជា ជាមធ្យមក្នុងកម្រិត ៦,៥% នៅឆមាសទី ១ ឆ្នាំ ២០២២ ដែលខ្ពស់ជាងអតិផរណាឆមាសទី១ និងឆមាសទី ២ឆ្នាំ ២០២១ មានកម្រិត ២,៥ភាគរយ និង៣,៤ភាគរយ រៀងគ្នា។
របាយការណ៍ដដែល បានបង្ហាញទៀតថា ការកើនឡើងនៃអតិផរណា នៅក្នុងឆមាសទី១ឆ្នាំនេះ ដោយសារការកើនឡើងនៃថ្លៃប្រេងឥន្ធនៈ ការរអាក់រអួលនៃខ្សែច្រវ៉ាក់ផ្គត់ផ្គង់សកល និងការងើបឡើងវិញនៃតម្រូវការក្នុងស្រុក។
សូមជម្រាបថា ថ្លៃក្រុមទំនិញ និងសេវាពាក់ព័ន្ធនឹងប្រេងឥន្ធនៈ បានបន្តកើនឡើង ១៨,២ភាគរយ នៅឆមាសទី១ឆ្នាំនេះ (១២% នៅឆមាសទី ២ឆ្នាំ ២០២១ និង៥,៥% នៅឆមាសទី១ឆ្នាំ ២០២១) ស្របតាមនិន្នាការថ្លៃប្រេងឆៅពិភពលោក ដោយការផ្គត់ផ្គង់ប្រេងពិភពលោក ទទួលរងឥទ្ធិពលពីភាពតានតឹងភូមិសាស្ត្រនយោបាយ គួបផ្សំនឹងការងើបឡើងវិញនៃតម្រូវការពិភពលោក។
ថ្លៃក្រុមម្ហូបអាហារ បានកើនដល់ ៥,៥ភាគរយ (២,៧% នៅឆមាសទី ២ឆ្នាំ ២០២១ និង២,៨% នៅឆមាសទី ១ឆ្នាំ ២០២១) ដែលបណ្តាលមកពីការផ្គត់ផ្គង់ ការកើនឡើងថ្លៃជីកសិកម្ម និងឥទ្ធិពលការឡើងថ្លៃប្រេងឥន្ធនៈ។
សម្រាប់ឆ្នាំ ២០២៣ កំណើនសេដ្ឋកិច្ចកម្ពុជា ត្រូវបានព្យាករថា នឹងបន្តសម្រេចបានក្នុងអត្រាខ្ពស់ ៦,៦% ជាមួយនឹងអតិផរណាក្នុងអត្រាប្រមាណ ២,៥ភាគរយ គាំទ្រដោយការបន្តកើនឡើងនូវតម្រូវការសកល និងនិន្នាការកាន់តែល្អប្រសើរនៃទំនុកចិត្តរបស់វិនិយោគិនបរទេស ការបន្តអនុវត្តនូវក្របខណ្ឌយុទ្ធសាស្រ្ត កម្មវិធីស្តារ និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយកូវីដ-១៩ តាមគន្លងប្រក្រតីភាពថ្មី សម្រាប់ឆ្នាំ ២០២១-២០២៣។ នេះជាការបញ្ជាក់របស់លោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកចិ្ច និងហិរញ្ញវត្ថុ នាពេលថ្មីៗនេះ៕
-
ព័ត៌មានជាតិ១ សប្តាហ៍ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
សេដ្ឋកិច្ច៤ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៤ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ១ សប្តាហ៍ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានជាតិ១ សប្តាហ៍ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
ជីវិតកម្សាន្ដ១ សប្តាហ៍ ago
តារាចម្រៀងហុងកុង Steven Cheung ធ្លាក់ខ្លួនខ្លាំង សូម្បីលុយបង់ភ្លើងក៏គ្មានផង
-
ព័ត៌មានអន្ដរជាតិ១ សប្តាហ៍ ago
ត្រីនៅ វៀតណាម ងាប់អណ្ដែតត្រៀបត្រាពេញផ្ទៃទឹក ខណៈរលកកម្ដៅកំពុងអុកឡុកខ្លាំង
-
ជីវិតកម្សាន្ដ៤ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV