Connect with us

ព័ត៌មានជាតិ

កម្ពុជាបញ្ជូននិស្សិត ២៥០នាក់ទៀត​ទៅសិក្សាបច្ចេកទេស​ផ្នែក​កសិកម្មថ្មីៗនៅ​ប្រទេសអ៊ីស្រាអែល

បានផុស

នៅ

កម្ពុជានឹងបញ្ជួននិស្សិតចំនួន ២៥០នាក់បន្ថែមទៀតទៅចុះកម្មសិក្សារៀនសូត្រពីបច្ចេកទេសផ្នែកកសិកម្មថ្មីៗ​ និងទំនើបនៅប្រទេសអ៊ីស្រាអែល។

​និស្សិតទាំង ២៥០នាក់នឹងត្រូវចេញដំណើរទៅធ្វើកម្មសិក្សារយៈពេល ១១ខែ សម្រាប់ឆ្នាំសិក្សា​២០២២-២០២៣ ជំនាន់ទី ១៥ ក្នុងនោះមកពីសាកលវិទ្យាល័យភូមិន្ទកសិកម្ម ២១២នាក់ស្រី៣៤នាក់ វិទ្យាស្ថានជាតិកសិកម្មកំពង់ចាម ១៣នាក់ សាកលវិទ្យាល័យ ហេង សំរិន ត្បូងឃ្មុំ ១៣នាក់ សាកលវិទ្យាល័យស្វាយរៀង ៦នាក់ និងសាកលវិទ្យាល័យគ្រប់គ្រង និងសេដ្ឋកិច្ចខេត្ត បាត់ដំបង ៦នាក់។ ​ដោយឡែក វិទ្យាស្ថានជាតិកសិកម្មព្រែកលៀបមានចំនួន៨៥នាក់ស្រីនារី ៤៣នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរយៈពេល ១១ខែនិស្សិតត្រូវធ្វើការសិក្សានៅក្នុងថ្នាក់មានទ្រឹស្តី និងការងារស្រាវជ្រាវ ព្រមទាំងការអនុវត្តផ្ទាល់នៅក្នុងកសិដ្ឋាន។ ​

ចំពោះមុខវិជ្ជាដែលត្រូវការសិក្សារួមមាន៖ ស្តង់ដារកសិកម្មអន្តរជាតិ, សេដ្ឋកិច្ចកសិកម្ម, ការការពារដំណាំ, គម្រោងស្រាវជ្រាវ, អភិរក្សធនធានដី, មូលដ្ឋានគ្រឹះនៃប្រព័ន្ធស្រោចស្រពបែបទំនើប, បច្ចេកទេសក្រោយពេលប្រមូលផលបន្លែ និងផ្លែឈើ, ការធ្វើកសិកម្មឈើហូបផ្លែ និងនិរន្តរភាពកសិកម្ម។

ចំណែកឯជំនាញដែលបានអនុវត្តនៅកសិដ្ឋានរួមមាន៖ ការចិញ្ចឹមមាន់ សាកវប្បកម្ម ការប្រមូលផល និងការវេចខ្ចប់ ដំណាំផ្កា ការបណ្តុះផ្សិត។

ថ្លែងនៅក្នុងពិធីសំណេះសំណាលជាមួយនិស្សិតត្រៀមចេញទៅកម្មសិក្សានៅប្រទេសអ៊ីស្រាអែលកាលពីរសៀលថ្ងៃទី ១៦ កញ្ញានៅទីស្តីការក្រសួង លោក វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទបានផ្តាំផ្ញើរដល់និស្សិតត្រូវខិតខំរៀនសូត្រទាំងទ្រឹស្តី និងប្រតិបត្តិ ចែករំលែកបទពិសោធន៍ ប្រកាន់ខ្ជាប់នូវក្បួនច្បាប់ វិន័យ សីលធម៌ វប្បធម៌ ប្រពៃណី ទំនៀម ទម្លាប់ ត្រូវមានអំណត់ អត់ធន់ដើម្បីអភិវឌ្ឍ និងកសាងខ្លួនឯងឲ្យក្លាយជានិស្សិតឆ្នើម និងមាន តម្លៃរួចបំពេញប្រយោជន៍ឲ្យខ្លួនឯង ជាពិសេសសង្គមជាតិក្រោយពីត្រឡប់មកមាតុភូមិវិញ។

លោករដ្ឋមន្ត្រីបានបន្តថា ប្រទេសជាតិត្រូវការធនធានមនុស្សផ្នែកវិស័យកសិកម្មដែលមានសក្តានុពលទាំងចំណេះជំនាញ និងបទពិសោធន៍ដែលបានក្រេបជញ្ជក់ពីប្រទេសអ៊ីស្រាអែល ហើយពិតណាស់ក្មួយៗត្រូវឆ្លៀតយកឱកាសដ៏ល្អនេះ ខិតខំរៀនសូត្រ ស្រូបយកនូវរាល់ចំណេះ ជំនាញដែលជាទុនពុទ្ធិយ៉ាងរឹងមាំ ដើម្បីរួមគ្នាគិតគូដោះ ស្រាយឲ្យបានសមស្រប ទាន់ពេលវេលា និងមានប្រសិទ្ធភាព ឈានឆ្ពោះទៅធ្វើការអភិវឌ្ឍវិស័យកសិកម្មកម្ពុជាជាជំហានៗប្រកបដោយចីរភាព និរន្តរភាព ទំនើបកម្ម ប្រកួតប្រជែង បរិយាប័ន្ន ធន់នឹងការប្រប្រួលអាកាសធាតុ និងនរវានុវត្តន៍ និងជាពិសេសដើម្បីកសាងអនាគតគ្រួសារ ជំរុញកំណើនសេដ្ឋកិច្ចគ្រួសារ និងសេដ្ឋកិច្ចជាតិ។

កម្មវិធីហាត់ការនៅប្រទេសអ៊ីស្រាអែល សាកលវិទ្យាល័យ បានធ្វើសហប្រតិបត្តិការជាមួយក្រុមហ៊ុន Agrostudies លើការបណ្តុះបណ្តាលធនធានមនុស្សផ្នែកកសិកម្មតាំងពីឆ្នាំ២០០៨ ដើម្បីលើកកម្ពស់ការអប់រំទាំងផ្នែកទ្រឹស្តី និងការអនុវត្តផ្ទាល់ដល់និស្សិតសម្រាប់រយៈពេល១១ខែ ហើយកិច្ចសហប្រតិបត្តិការនេះមានអាយុ ១៥ឆ្នាំ មាននិស្សិតចំនួន ១ ៧១៩នាក់ ដែលក្នុងនោះ និស្សិតជំនាន់ទី ១៥ (២០២២-២០២៣) ចំនួន ២៥០ នាក់។

ក្រោមក្របខ័ណ្ឌក្រសួងកសិកម្ម រុក្ខាប្រមាញ់ និងនេសាទ មាននិស្សិតចំនួន ២០៩៧ នាក់ បានចូលរួមកម្មវិធីហាត់ការនៅប្រទេសអ៊ីស្រាអែល៕

អត្ថបទ៖ សំអឿន 

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៤ នាទី មុន

សាលាឧទ្ធរណ៍​តម្កល់​សាលដីកា​ឲ្យ​អតីត​ផ្កាយ​២ សូ​យ ចាន់​សឿន អោយមាន​ទោស​ដដែល

សេដ្ឋកិច្ច១ ម៉ោង មុន

ធនាគារពិភពលោក៖ វិស័យទេសចរណ៍ និងកិច្ចព្រមព្រៀងពាណិជ្ជកម្មថ្មីៗ ជំរុញកំណើនសេដ្ឋកិច្ចកម្ពុជាងើបឡើងជិត ៥%ឆ្នាំនេះ

ព័ត៌មានជាតិ២ ម៉ោង មុន

មេបញ្ជាការ តំបន់​ប្រតិបត្តិការ​សឹក​រង​ឧ​ត្ត​រ​មានជ័យ ចាត់តាំង​កម្លាំង​ចុះ​ជួយ​ធ្វើ​ផ្ទះ​ជូន​គ្រួសារ​អតីតយុទ្ធជន

កីឡា២ ម៉ោង មុន

អបអរសាទរ​ Marcus​ Haber​ ជា​​ម្ចាស់​​ស្បែក​​ជើង​មាស និង​កីឡាករ​ឆ្នើម​​ប្រចាំ​​​លីគ​​កម្ពុជា​​២០២២

ព័ត៌មានជាតិ២ ម៉ោង មុន

ស្រា​បៀរ វឌ្ឍនៈ ប្រារព្ធ​កម្មវិធី Vattanac Sea Festival អបអរ​បុណ្យ​សមុទ្រ​នៅ​ខេត្ត​សីហនុ ជាមួយ​ការប្រគំ​តន្ត្រី​ដ៏​ធំ បោះតង់​តាម​មាត់​ឆ្នេរ បាញ់​ទឹក​កម្សាន្ត រួមទាំង​កម្មវិធី​ប្លែកៗ​ជាច្រើន

Sokha Hotels

ព័ត៌មានពេញនិយម