អ្នកជំនាញអន្តរជាតិមើលឃើញថា កំណើនសេដ្ឋកិ្ចចិន​នឹងក្លាយជាក្បាលរថភ្លើង​សំខាន់បំផុត​នៅឆ្នាំ ២០២៣

ប្រទេសចិននឹងក្លាយជាក្បាលរថភ្លើង នៃកំណើនសេដ្ឋកិច្ចពិភពលោកដ៏សំខាន់បំផុតនៅឆ្នាំ២០២៣។ ក្នុងរយៈពេល ៥ ឆ្នាំចុងក្រោយនេះ តម្លៃបន្ថែមលើឧស្សាហកម្មផលិតឧបករណ៍ និងបច្ចេកវិទ្យាកម្រិតខ្ពស់ របស់ប្រទេសចិនបានកើន​ឡើងជាមធ្យម ១០.៦ % និង ៧.៩%ក្នុងមួយឆ្នាំៗ ហើយសេដ្ឋកិច្ចឌីជីថលបានបន្តវិវឌ្ឍ។ ការប្រកាន់ខ្ជាប់នូវ​ការអភិវឌ្ឍ​ដែលជំរុញការធ្វើនវានុវត្តន៍ មិនត្រឹមតែជំរុញឱ្យមានការផ្លាស់ប្ដូរ និងធ្វើឱ្យប្រសើរឡើង​នូវសេដ្ឋកិច្ចចិន​ប៉ុណ្ណោះទេ ថែមទាំងបានធ្វើឱ្យប្រសើរឡើងនូវសហគ្រាស ដែលគ្រប់គ្រងដោយបរទេសតាមរយ:ការធ្វើមូលដ្ឋានីយកម្មផងដែរ។ នេះបើតាមការចុះផ្សាយរបស់កាសែត El Mundo របស់អេស្ប៉ាញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពដដែលបន្តថា សេដ្ឋកិច្ចចិនបានបង្ហាញនូវភាពធន់ និងថាមវន្តដែលបង្កើតនូវស្ថានការណ៍ដែលផ្តល់​អត្តប្រយោជន៍​ទៅវិញទៅមកសម្រាប់ក្រុមហ៊ុនចិន និងបរទេសដើម្បីប្រកួតប្រជែង និងឈានទៅមុខជាមួយគ្នា។ ភាពស្វាហាប់​របស់​ប្រទេស​ចិនប្រៀបដូចនឹងទូកប្រណាំងទាំងអស់បានចូលរួមប្រកួត ដោយតភ្ជាប់ទំនាក់ទំនងជាមួយប្រទេស​ផ្សេងទៀត​ជុំវិញ​ពិភពលោក បង្កើតបានជាលំហូរសេដ្ឋកិច្ចដ៏ធំ និងកិច្ចសហប្រតិបត្តិការអន្តរជាតិគ្រប់ទិសទី ដោយបញ្ចូលនូវ​ទំនុកចិត្ត និងកម្លាំងជំរុញកាន់តែច្រើនទៅក្នុងសេដ្ឋកិច្ចពិភពលោកដែលកំពុងធ្លាក់ចុះ។

នៅកិច្ចប្រជុំលើកទី១ នៃមហាសន្និបាតសភាប្រឹក្សានយោបាយប្រជាជនទូទាំងប្រទេសចិន នីតិកាលទី ១៤ កាលពីពេលថ្មីៗ នៅទីក្រុងប៉េកាំង បានបង្ហាញដល់សហគមន៍អន្តរជាតិនូវទំនុកចិត្ត និងភាពក្លាហាន​របស់ប្រទេសចិនក្នុងយុគសម័យថ្មី ដែលបានចាប់ផ្ដើមក្នុងការកសាងប្រទេស និងស្ដារភាពរុង​រឿងរបស់ប្រទេស​ជាតិឡើងវិញ ដើម្បីបង្ហាញឲ្យពិភពលោកឃើញនូវទស្សនវិស័យដ៏អស្ចារ្យនៃការរួម​គ្នាជាមួយរបស់ប្រទេស​ចិនដើម្បីកសាងសន្តិភាព ចែករំលែកការអភិវឌ្ឍ និងឆ្ពោះទៅអនាគតជាមួយគ្នា។

អ្នកសង្កេតការណ៍នៅក្រៅប្រទេសភាគច្រើន បានយល់ឃើញថា អភិបាលកិច្ចសេដ្ឋកិច្ចដ៏រឹងមាំ និងប្រកបដោយ​ស្ថិរភាពរបស់ប្រទេសចិន, ការកំណត់គោលដៅកំណើនសមហេតុផល និងការរំពឹងទុកលើការអភិវឌ្ឍបាន​ផ្តល់នូវទំនុកចិត្តដល់សហគមន៍អន្តរជាតិ ព្រមទាំងនាំយកនូវភាពប្រាកដប្រជាដ៏មានតម្លៃដល់​សេដ្ឋកិច្ចពិភពលោក​ដែលពោរពេញទៅដោយភាពមិនច្បាស់លាស់។

លោក Patrice Talon ប្រធានាធិបតីនៃប្រទេសបេណាំង បានថ្លែងក្នុងបទសម្ភាសន៍មួយថា “ប្រទេសចិនបាន​បង្កើតនូវគំរូ និងបានបំផុសគំនិតជាច្រើនដល់ប្រទេសនានា” ការជ្រើសរើសផ្លូវឯករាជ្យភាព និងកំណើនសេដ្ឋកិច្ចប្រកប​ដោយស្ថិរភាពរបស់ប្រទេសចិន គឺជាការបំផុស និងលើកទឹចិត្តដល់ប្រទេសកំពុងអភិវឌ្ឍន៍ទាំងអស់ ហើយ “គំរូរបស់ចិន” បានបញ្ជាក់ឲ្យ ឃើញថា ប្រទេសនីមួយៗសុទ្ធតែអាចសម្រេចការអភិវឌ្ឍតាមរយ:កិច្ចខិតខំប្រឹងប្រែង។

លោកស្រី Anna Marinbog Uy នាយករងនៃវិទ្យាស្ពាន Asian Century. Philippines Strategic Studies Institute នៅប្រទេសហ្វីលីពីន បានវាយតម្លៃថា អភិបាលកិច្ច និងការអភិវឌ្ឍសេដ្ឋកិច្ចរបស់ប្រទេស​ចិនមានតម្លៃជាសាកលយ៉ាងសំខាន់ មិនត្រឹមតែធានានូវការអភិវឌ្ឍសេដ្ឋកិច្ចប្រកបដោយសុខុមាល​ភាពនៅក្នុងប្រទេស​ចិនប៉ុណ្ណោះទេ ថែមទាំងបង្កើនទំនុកចិត្តដល់ទីផ្សារលើពិភពលោកផងដែរ ក្នុងការរួមចំណែកផ្ដល់​នូវមេរៀនអភិវឌ្ឍន៍សំខាន់ៗ។

លោក Ivan Marambio ប្រធានសមាគមអ្នកនាំចេញរបស់ប្រទេសឈីលីបានលើកឡើងថា ក្នុងរយៈពេលបីឆ្នាំកន្លង​មកនេះ វិនិយោគិនបរទេសពិតជាបានឃើញនូវភាពស្មោះត្រង់ និង ការគោរពពាក្យសន្យារបស់ប្រទេស​ចិនក្នុងការបើក​ចំហភាពស្មោះស្ម័គ្រដើម្បីឈ្នះៗជាមួយពិភពលោក នាំមកនូវកាលានុវត្តន៍​នៃការធ្វើ​សមាហរ​ណកម្មទីផ្សារ​ពីរទាំងក្នុង​ប្រទេស និងអន្តរជាតិ។ ការចូលរួមយ៉ាងសកម្មរបស់ប្រទេស​ចិននៅក្នុងអភិបាលកិច្ច សេដ្ឋកិច្ចពិភពលោក​ដើម្បីនាំមក​នូវកម្លាំងអភិវឌ្ឍន៍ជាមួយនឹងកិច្ចសហប្រតិបត្តិការកាន់តែទូលំទូលាយ៕