Connect with us

សេដ្ឋកិច្ច

វៀតណាម នឹងបន្ថយការនាំចេញអង្ករ ដើម្បីផ្ដោតសំខាន់លើគុណភាព

បានផុស

នៅ

​រដ្ឋាភិបាលវៀតណាមនឹងកាត់បន្ថយការនាំចេញអង្កររបស់ខ្លួនរហូតដល់ទៅ ៤៤ ភាគរយ​ ពោលត្រឹមតែ​ ៤ លានតោនប៉ុណ្ណោះ​នៅឆ្នាំ ២០៣០ ដើម្បីផ្តោតសំខាន់លើគុណភាព ខណៈកាលពីឆ្នាំមុនមានការនាំចេញ​ដល់ទៅ ៧.១ លានតោន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមឯកសារ​របស់រដ្ឋាភិបាលបានឲ្យដឹងថា ការកាត់បន្ថយរបស់វៀតណាមដែលជាប្រទេសនាំ​ចេញ​អង្ករ​ធំ​ទី​ ៣ ​របស់​ពិភពលោក បន្ទាប់​ពី​​ឥណ្ឌា និង​ថៃ គឺដើម្បីជំរុញការនាំចេញអង្ករដែលមានគុណភាពខ្ពស់ ធានាសន្តិសុខស្បៀងក្នុងស្រុក ការការពារបរិស្ថាន និងការសម្របខ្លួនទៅនឹងការប្រែប្រួលអាកាសធាតុ ។

រដ្ឋាភិបាលបាននិយាយថា វៀតណាមនឹងផ្តោតលើការផលិតអង្ករក្រអូប និងអង្ករដំណើបដែលមានគុណភាពខ្ពស់ ខណៈវៀតណាមក៏កាត់បន្ថយការផលិតគ្រាប់ធញ្ញជាតិ ដែលមានគុណភាពទាបមកត្រឹមតែ ១៥ ភាគរយនៃទិន្នផលសរុបនៅឆ្នាំ ២០២៥ និងដល់ ១០ ភាគរយនៅឆ្នាំ ២០៣០ ។

ទន្ទឹមនោះ ការកាត់បន្ថយនេះ នឹងធ្វើឲ្យប្រាក់ចំណូលដែលបានពីការនាំចេញអង្ករ ធ្លាក់ចុះមកនៅត្រឹមតែ ២.៦២ ពាន់លានដុល្លារនៅឆ្នាំ ២០៣០ ពោលធ្លាក់ចុះពី ៣.៤២ ពាន់លានដុល្លារក្នុងឆ្នាំ ២០២២ ។

បន្ថែមពីនេះ ក្នុងឯកសារក៏បានបង្ហាញដែរថា ចំណែកនៅឆ្នាំ ២០២៥ ការនាំចេញអង្កររបស់វៀតណាមប្រមាណ ៦០ ភាគរយ នឹងត្រូវបញ្ជូនទៅទីផ្សារអាស៊ី, ២២ ភាគរយទៅអាហ្វ្រិក, ៧ ភាគរយទៅសហរដ្ឋអាមេរិក, ៤ ភាគរយទៅមជ្ឈិមបូព៌ា និង ៣ ភាគរយទៅទីផ្សារអឺរ៉ុប ។

គួរឲ្យដឹងថា សម្រាប់រយៈពេល ៤ ខែដំបូងក្នុងឆ្នាំនេះ ការនាំចេញអង្ករវៀតណាមបានកើនឡើង ៤០.៧ ភាគរយ បើប្រៀបធៀបនឹងឆ្នាំមុនដល់ ២.៩ លានតោន ៕

ប្រែសម្រួល ៖ នាង រតនៈ

ប្រភព ៖ Tuoi Tre

ចុចអាន ៖ រលកកម្តៅ វិលមកវាយប្រហារប្រទេសវៀតណាម ជាថ្មី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ ម៉ោង មុន

រដ្ឋបាលខេត្ត​ត្បូង​ឃ្មុំ ប្រារព្ធ​ទិវា​ជាតិ​ប្រយុទ្ធ​ប្រឆាំង​គ្រឿងញៀន ឆ្នាំ​២០២៤ និង​ដុត​កម្ទេច​គ្រឿងញៀន ជាង​០៥​គីឡូក្រាម ដែល​បង្ក្រាបបាន

ព័ត៌មានជាតិ៩ ម៉ោង មុន

តុលាការបញ្ជាឃុំខ្លួននគរបាល២រូប និងបក្សពួក ក្រោយលួចធ្វើអត្តសញ្ញាណប័ណ្ណឱ្យជនជាតិវៀតណាម

ព័ត៌មានជាតិ១០ ម៉ោង មុន

អាជ្ញាធរខេត្ត​ព្រះសីហនុ បង្ហាញ​វត្ថុតាង​គ្រឿងញៀន​ជិត​២​តោន ដែល​សមត្ថកិច្ច​ចម្រុះ​បង្ក្រាប​រឹបអូស មុននឹង​យកទៅ​ដុត​កម្ទេចចោល

ព័ត៌មានជាតិ១១ ម៉ោង មុន

ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា

សេចក្ដីជូនដំណឹង១១ ម៉ោង មុន

សិន​ជូ​រី ផ្លា​ហ្សា​ ៖ មជ្ឈមណ្ឌល​ផ្សារ​ទំនើប​លក់ដុំ និង​រាយ​ភ្នំពេញ​ ទីតាំង​សម្គាល់​ថ្មី​នៃ​ឧត្តមភាព​សហគមន៍

Sokha Hotels

ព័ត៌មានពេញនិយម