ព័ត៌មានអន្ដរជាតិ
រលកកម្តៅ វិលមកវាយប្រហារប្រទេសវៀតណាម ជាថ្មី
រលកកម្តៅ បានវិលត្រលប់មកភាគខាងជើង និងកណ្តាលប្រទេសវៀតណាមសាជាថ្មី ចាប់ពីថ្ងៃចន្ទទី២៩ខែឧសភាទៅ ដោយសីតុណ្ហភាពនឹងឡើងដល់៣៨អង្សាសេ។
កាលពីសប្តាហ៍មុន តំបន់ភាគខាងជើងប្រទេសវៀតណាម ហាក់បានធូរស្រាលបន្តិចពីអាកាសធាតុក្តៅ ដោយសារតែឥទ្ធិពលនៃខ្យល់ត្រជាក់ ដែលនាំមកនូវភ្លៀងធ្លាក់។ ប៉ុន្តែចាប់ពីថ្ងៃចន្ទទៅ ព្រោះតែការកើនឡើងនៃតំបន់សម្ពាធទាបពីភាគខាងលិច, កម្តៅនឹងវិលត្រលប់មកខេត្ត Lai Chau, Dien Bien, Son La, Hoa Binh និងតំបន់មួយចំនួននៅភាគឦសាន រួមទាំងទីក្រុងហាណូយផងដែរ។
បើយោងតាមមជ្ឈមណ្ឌលជាតិសម្រាប់ ការព្យាករណ៍ធនធានឧតុនិយម, សីតុណ្ហភាពនឹងឡើងដល់ ៣៥ទៅ៣៧ អង្សាសេ។ មជ្ឈមណ្ឌលនេះបានឲ្យដឹងថា កម្តៅ នឹងបន្តរហូតដល់ចុងសប្តាហ៍ ហើយបើតាមការព្យាករ, ថ្ងៃពុធ និងថ្ងៃព្រហស្បតិ៍ គឺជាថ្ងៃដែលក្តៅខ្លាំងបំផុត។
ទន្ទឹមនោះ សេវាកម្មព្យាករណ៍អាកាសធាតុរបស់សហរដ្ឋអាមេរិក AccuWeather បានឲ្យដឹងថា សីតុណ្ហភាពទីក្រុងហាណូយ នឹងមានកម្រិតពី ២៧ទៅ៣៦ អង្សាសេនៅថ្ងៃចន្ទនិងថ្ងៃអង្គារ មុនពេលកើនឡើងដល់កម្រិតអតិបរមា៣៧អង្សាសេ ចាប់ពីថ្ងៃពុធទៅ។
តំបន់ភាគកណ្តាលនៃប្រទេសវៀតណាម ក៏នឹងកាន់តែក្តៅផងដែរចាប់ពីថ្ងៃចន្ទ ដោយសីតុណ្ហភាពខ្ពស់បំផុតនៅពេលថ្ងៃគឺ ៣៥ទៅ៣៨អង្សាសេ៕
ប្រែសម្រួល៖ Vann Vann
ប្រភព៖ VN Express
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង