ថៃ និងវៀតណាម នាំគ្នាសម្រុកប្រមូលទិញស្រូវពីប្រជាកសិករ

ក្រុមហ៊ុននាំចេញអង្ករថៃ និងវៀតណាម​​ នាំគ្នា​ចរចាលើកុងត្រាតម្លៃអង្ករឡើងវិញ​ ដោយសារតែគ្រោងនាំចេញ​ប្រហែលជាងកន្លះលានតោននៅក្នុងខែសីហានេះ ជាពិសេសថែមទាំងនាំគ្នាសម្រុកប្រមូលទិញអង្ករ​យ៉ាងច្រើនពីប្រជាកសិករ សម្រាប់នាំចេញទៅកាន់ទីផ្សារពិភពលោកផងដែរ ។

​ពាណិជ្ជករនៅសិង្ហបុរី បានលើកឡើងថា តម្លៃអង្ករពិភពលោកបាននិងកំពុងតែឡើងថ្លៃ​ ដោយសារតែឥទ្ធិពលឥណ្ឌាផ្អាកការនាំចេញអង្កររបស់ខ្លួនក្នុងបរិមាណដ៏ច្រើនបំផុត ជាហេតុនាំឲ្យក្រុមហ៊ុននាំចេញពិបាកក្នុងការផ្គត់ផ្គង់ក្នុងតម្លៃទាប ។

ពាក់ព័ន្ធនឹងបញ្ហានេះដែរ វៀតណាម និងថៃ ដែលជាប្រទេសផ្គត់ផ្គង់អង្ករលំដាប់លេខ ២ និងលេខ ៣ ត្រូវបានគេរំពឹងថា នឹងដើរតូនាទី​ដ៏សំខាន់ក្នុងការជំនួសតំណែងប្រទេសឥណ្ឌា សម្រាប់ការផ្គត់ផ្គត់អង្ករ​ក្នុងបរិមាណច្រើនជាង ១ លានតោន នៅក្នុងខែសីហានេះ ។

គួរបញ្ជាក់ថា បន្ទាប់ពីឥណ្ឌា​ប្រកាសផ្អាក តម្លៃអង្ករលើពិភពលោកបានឡើងថ្លៃជាង ៨០ ដុល្លារក្នុងមួយតោន ។ ចំពោះអង្ករថៃបានឡើងដល់ ៥ ភាគរយ មានតម្លៃ ៦២៥ ដុល្លារក្នុងមួយតោន ហើយបើ​ធៀបនឹងតម្លៃមុន លក់ត្រឹមតែ ៥៤៥ ដុល្លារប៉ុណ្ណោះ ខណៈវៀតណាមវិញឡើងដល់ ៥៩០ ដុល្លារក្នុងមួយតោន ដោយតម្លៃកាលពីពេលមុនគឺ ៥១៥ ទៅ ៥២៥ ដុល្លារក្នុងមួយតោន ៕

ប្រែសម្រួល ៖ នាង រតនៈ

ប្រភព ៖ Bangkok Post

​ចុចអាន ៖ បើជាប់ជានាយករដ្ឋមន្ត្រី បក្សភឿថៃ នឹងលើកយកបញ្ហាចម្បងចំនួន ២ មកដោះស្រាយមុនគេ