ព័ត៌មានអន្ដរជាតិ
មកដឹងលក្ខណៈពិសេសៗដែលភ្ញៀវទេសចរបរទេសតែងពេញនិយមទៅលេងនៅ ថៃ
វិស័យទេសចរណ៍ គឺជាឧស្សាហកម្មគ្មានផ្សែងមួយប្រភេទ និងជាផ្នែកមួយដ៏សំខាន់ផងដែរសម្រាប់ការគាំទ្រទៅដល់សេដ្ឋកិច្ចជាតិរបស់ប្រទេសនីមួយៗ ។ ចំណែកនៅក្នុងតំបន់អាស៊ាន ថៃត្រូវបានគេចាត់ទុកជាប្រទេសដែលទទួលបានទេសចរអន្តរជាតិច្រើនជាងគេពីមួយឆ្នាំទៅមួយឆ្នាំ ហើយគិតត្រឹមឆមាសទី ១ នៃឆ្នាំ ២០២៣ នេះ ថៃទទួលបានជាង ១១.៤ លាននាក់ ។
ចំពោះមូលហេតុនាំឲ្យថៃទទួលបានទេសចរអន្តរជាតិច្រើនបែបនេះ គឺដោយសារតែគោលនយោបាយទិដ្ឋាការមានភាពងាយស្រួល និងសេវាកម្មកម្សាន្តចម្រុះ ទើបទាក់ទាញភ្ញៀវបរទេសឲ្យកាន់តែចូលចិត្តទៅសម្រាកលំហែកាយយ៉ាងដូច្នេះ ។
ភ្ញៀវទេសចរបរទេសជាច្រើនបានបញ្ជាក់ដូចៗគ្នាថា នៅប្រទេសថៃ ការផ្តល់សេវាកម្មដល់ភ្ញៀវគឺមានភាពល្អប្រសើរខ្លាំងមែនទែន ជាពិសេសការដើរទិញទំនិញ និងម្ហូបអាហារ គឺមានភាពសម្បូរបែបយ៉ាងខ្លាំង រួមជាមួយតម្លៃក៏ធូរថ្លៃផងដែរ ។
ចំណែកនៅពេលរាត្រី ទីក្រុងរបស់ថៃមានភាពអ៊ូអរចម្រុះដោយភ្លើងពណ៌ដ៏សែនស៊ីវិល័យ ជាពិសេសនៅតំបន់បារក្នុងទីក្រុងបាងកក ហើយកាន់តែទាក់ទាញបំផុតទៀតនោះគឺនៅតំបន់ផាតាយ៉ា ។
ស្របពេលជាមួយគ្នានេះ ក្រៅពីភ្លើងពណ៌ពេលរាត្រីដ៏សែនឆើតឆាយហើយ ក្នុងនោះមធ្យោបាយធ្វើដំណើរក៏មានភាពងាយស្រួល សម្បូរបែប មានច្រើនជម្រើសផងដែរ ដូចជា ម៉ូតូកង់បី សេវាតាក់ស៊ី រថភ្លើងក្រោមដី និងលើអាកាស ក៏ដូចជាម៉ូតូឌុបជាដើម ដោយក្នុងនោះការធ្វើដំណើរពីអាកាសយានដ្ឋានសុវណ្ណភូមិ ដើម្បីទៅដល់ទីប្រជុំជនក្នុងទីក្រុងបាងកក អ្នកទេសចរអាចជិះរថភ្លើងក្នុងតម្លៃត្រឹមតែ ១ ដុល្លារប៉ុណ្ណោះ ។
ងាកចេញពីទីក្រុងបាងកក ថៃនៅមានកន្លែងកម្សាន្តតាមបែបធម្មជាតិជាច្រើនផ្សេងៗទៀតផងដែរ ដូចជានៅ ភូកេត ផាតាយ៉ា ឧទ្យានជាតិ ឈៀងម៉ៃ ជាដើម សុទ្ធសឹងតែជាតំបន់លំដាប់ដែលភ្ញៀវទេចរអន្តរជាតិមិនអាចរំលងបាន ។
អ្វីដែលកាន់តែពិសេសទៀតនោះ បច្ចុប្បន្នថៃក៏បានផ្តល់ការលើកលែងទិដ្ឋាការសម្រាប់ប្រទេសជាង ៥០ រួមទាំងសហរដ្ឋអាមេរិក និងបណ្តាប្រទេសនៅអឺរ៉ុបផងដែរ សម្រាប់ការស្នាក់នៅរហូតដល់ ៤៥ ថ្ងៃ ។
គួរបញ្ជាក់ថា នៅក្នុងឆ្នាំនេះ ប្រទសថៃបានដាក់ចេញគោលដៅស្រូបយកភ្ញៀវទេសចរអន្តរជាតិជាង ៣០ លាននាក់ ខណៈគោលដៅរហូតដល់ឆ្នាំ ២០២៨ នឹងអូសទាញអ្នកទេសចរឲ្យបានចំនួន ៦៨ លាននាក់ ៕
ប្រែសម្រួល ៖ នាង រតនៈ
ប្រភព៖ VN Express
ចុចអាន ៖ ភឿថៃ ចាប់ដៃគូជាមួយបក្សឈ្នះឆ្នោតលំដាប់ទី ៣ ដើម្បីបង្កើតរដ្ឋាភិបាលថ្មី
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង