សេដ្ឋកិច្ច

កោះបាលី នឹងយកពន្ធពីទេសចរបរទេសក្នុងម្នាក់ ១០ ដុល្លារនៅឆ្នាំក្រោយ

បានផុស

៣ years មុន

នៅ

ថ្ងៃពុធ ៣០ សីហា ២០២៣

ដោយ

អជ្ញាធរកោះបាលីនៃប្រទេសឥណ្ឌូណេស៊ី នឹងផ្តើមយកពន្ធពីទេសចរបរទេសក្នុងម្នាក់ ១០ដុល្លារ ចាប់ពីខែកុម្ភៈ ឆ្នាំ២០២៤ តទៅ ខណៈការយកពន្ធនេះ ដើម្បីការពារធនធានធម្មជាតិ និងបេតិកភណ្ឌវប្បធម៌ដែលមាននៅលើកោះ ។

អភិបាលកោះបាលីនិយាយថា ប្រាក់នេះនឹងត្រូវប្រើប្រាស់សម្រាប់កែលម្អហេដ្ឋារចនាសម្ព័ន្ធ ដើម្បីទាក់ទាញទេសចរណ៍នាពេលអនាគត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្ន ចំនួនភ្ញៀវបរទេសមកកាន់កោះនេះ កំពុងតែងើបឡើងវិញ បន្ទាប់ពីការធ្លាក់ចុះយ៉ាងខ្លាំង អំឡុងពេលមានជំងឺរាតត្បាតកូវីដ ១៩ ខណៈមានទេសចរជាង ២ លាននាក់បានទៅកម្សាន្តនៅឆមាសទីមួយនៃឆ្នាំនេះ ។

តាមរយៈពន្ធថ្មីនេះដែរ ឥណ្ឌូណេស៊ីបញ្ជាក់ថា នឹងមិនរំខានដល់ការទាក់ទាញទេសចរបរទេសឡើយ ដោយសារជនបរទេសបានធ្វើការដើម្បីបរិស្ថាន និងទេសចរណ៍ប្រកបដោយនិរន្តរភាពរបស់កោះបាលីកាលពីពេលកន្លងមករួចហើយ ។

គួរបញ្ជាក់ថា កោះបាលី គឺជាតំបន់ដ៏ពិសិដ្ឋមួយរបស់ប្រជាជនឥណ្ឌូណេស៊ី ហើយរដ្ឋាភិបាលក្នុងតំបន់ក៏បានចេញច្បាប់ឲ្យប្រជាពលរដ្ឋយល់ដឹងពីអ្វីដែលគួរធ្វើ និងមិនគួរធ្វើសម្រាប់អ្នកទេសចរផងដែរ ដើម្បីលើកកម្ពស់ការយល់ដឹងអំពីតម្លៃក្នុងតំបន់ ៕

ប្រែសម្រួល៖ នាង រតនៈ

ប្រភព៖ NHK