Connect with us

សេដ្ឋកិច្ច

វៀតណាម ប្រកាសបើកការិយាល័យផ្សព្វផ្សាយទេសចរណ៍អន្តរជាតិទី១ នៅ ឡាវ

បានផុស

នៅ

ការិយាល័យផ្សព្វផ្សាយទេសចរណ៍អន្តរជាតិដំបូងបង្អស់របស់វៀតណាម នឹងបើកនៅប្រទេសឡាវ ដែលនេះជាផ្នែកមួយនៃផែនការ ដើម្បីលើកកម្ពស់វិស័យទេសចរណ៍របស់ខ្លួន។ នេះបើតាមការបញ្ជាក់ពីប្រធានអាជ្ញាធរជាតិទេសចរណ៍វៀតណាម លោក Nguyen Trung Khanh។

(រូបថត៖ VOV)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសិក្ខាសាលាក្រោមប្រធានបទ “ដំណោះស្រាយឆ្ពោះទៅរកការជំរុញវិស័យទេសចរណ៍” ដែលរៀបចំដោយកាសែត Nguii Lao Dong ក្នុងទីក្រុងហូជីមិញកាលពីថ្ងៃអង្គារទី១២ខែមីនា លោក Khanh និយាយថា វៀតណាម បានកំណត់គោលដៅពោរពេញដោយមហិច្ឆិតា ដើម្បីស្វាគមន៍ភ្ញៀវទេសចរអន្តរជាតិពី ១៧ទៅ១៨លាននាក់ និងភ្ញៀវទេសចរក្នុងស្រុកចំនួន១១០លាននាក់នៅឆ្នាំនេះ ហើយដើម្បីសម្រេចបានគោលដៅ អាជ្ញាធរបានបញ្ចប់ផែនការទេសចរណ៍ឆ្នាំ ២០២៥-៣០ ជាមួយនឹងចក្ខុវិស័យដល់ឆ្នាំ២០៤៥។

លោកកត់សម្គាល់ថា ដំណោះស្រាយដែលអាចធ្វើទៅបាន គឺត្រូវបង្កើតការិយាល័យផ្សព្វផ្សាយទេសចរណ៍នៅបរទេស ហើយការិយាល័យ​នៅ​ឡាវ ​នឹង​ជួយ​ទាក់ទាញ​ភ្ញៀវ​ទេសចរមក​ពី​ប្រទេស​​កម្ពុជានិងថៃ។

ប្រធានអាជ្ញាធរជាតិទេសចរណ៍វៀតណាម លោក Nguyen Trung Khanh (រូបថត៖ VNAT)

ស្របពេលជាមួយគ្នានោះ លោក Nguyen Quoc Ky ប្រធានក្រុមហ៊ុនទេសចរណ៍ Vietravel Holdings បានលើកឡើងថា តាមរយៈការបង្កើតការិយាល័យផ្សព្វផ្សាយទេសចរណ៍របស់វៀតណាមនៅក្រៅប្រទេស, ក្រុមហ៊ុនអាចទាញយកអត្ថប្រយោជន៍ពីការិយាល័យតំណាងសហគ្រាស ដែលមានស្រាប់នៅក្នុងប្រទេសផ្សេងៗ។

សូមបញ្ជាក់ វៀតណាមបានស្វាគមន៍ភ្ញៀវទេសចរអន្តរជាតិជាង៣លាននាក់ ក្នុងរយៈពេលពីរខែដំបូងនៃឆ្នាំនេះ ពោលគឺកើនឡើង៦៨.៧% បើធៀបនឹងឆ្នាំមុន និងស្មើ៩៨.៥%នៃតួលេខក្នុងរយៈពេលដូចគ្នានៅឆ្នាំ២០១៩ ពេលជំងឺរាតត្បាតកូវីដ១៩ វាយប្រហារ៕

អត្ថបទ៖ សុខ សុវណ្ណ

ចុចអាន៖ សេវាជួលរថយន្តនៅ វៀតណាម ត្រូវប៉ាន់ខ្លាំង ក្រោយចប់ចូលឆ្នាំថ្មី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ២ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ២ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៤ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម