ក្រុមហ៊ុនអភិវឌ្ឍន៍អចលនទ្រព្យ Aldar ប្រកាសពីកំណើនប្រាក់ចំណូល៨៨%ក្នុងត្រីមាសទី១ ​

ទីក្រុងឌូបៃ៖​ក្រុមហ៊ុនអភិវឌ្ឍន៍ដ៏ធំបំផុតនៅក្នុងទីក្រុងឌូបៃ​ គឺក្រុមហ៊ុនAldar Properties បានប្រកាសពីការកើនឡើង ៨៨ភាគរយនៃប្រាក់ចំណេញសុទ្ធនៅត្រីមាសទីមួយកាលពីថ្ងៃចន្ទ ដែលគាំទ្រដោយកំណើនប្រាក់ចំណូលដ៏រឹងមាំ។

ទិន្នន័យរបស់ LSEG បានបង្ហាញថា ប្រាក់ចំណេញសុទ្ធបានកើនឡើងដល់៥៨១,៣ ​លានដា​ លានដុល្លារសិង្ហបុរី​ ដែលលើសពីការរំពឹងទុករបស់អ្នកវិភាគ​។

ប្រាក់ចំណូលសម្រាប់ត្រីមាសមានចំនួនសរុប៥,៦ ​ពាន់លាន dirhams (ប្រាក់អារ៉ាប់)​កើនឡើង ៨៣ភាគរយពីធៀបទៅឆ្នាំមុន។​

នាយកប្រតិបត្តិលោក Talal Al Dhiyebi បាននិយាយនៅក្នុងសេចក្តីថ្លែងការណ៍របស់ក្រុមហ៊ុនថា លទ្ធផលនេះបានឆ្លុះបញ្ចាំងពីទីផ្សារអចលនទ្រព្យរបស់ប្រទេសអារ៉ាប់រួម ជាពិសេសនៅទីក្រុងឌូបៃ។

អ្នកអភិវឌ្ឍន៍បាននិយាយកាលពីខែកុម្ភៈថា ខ្លួននឹងវិនិយោគ ៥ ពាន់លាន dirhams ដើម្បីសាងសង់អគារការិយាល័យថ្មី កន្លែងលក់រាយ និងបដិសណ្ឋារកិច្ចនៅ​ត្រឹមឆ្នាំ ២០២៧ រួមទាំងការពង្រីកទីក្រុងតំបន់ហិរញ្ញវត្ថុរបស់រដ្ឋធានីអារ៉ាប់រួម​ផងដែរ។

តំបន់ហិរញ្ញវត្ថុរបស់ទីក្រុងឌូបៃគ្រោងពង្រីកដប់ដងដោយបន្ថែមកោះ al-Reem ទៅកាន់ទីតាំងបច្ចុប្បន្នរបស់ខ្លួននៅលើកោះ al-Maryah នេះបើយោងតាមសារព័ត៌មាន ​​Reuters បានរាយការណ៍កាលពីខែកញ្ញា៕