ព័ត៌មានអន្ដរជាតិ
ចិនបង្កើនមូលនិធិសម្រាប់គម្រោងលំនៅដ្ឋាន ដើម្បីជំរុញវិស័យអចលនទ្រព្យ ដែលជាប់គាំង
មន្រ្តីរដ្ឋាភិបាលចិនបានឱ្យដឹងនាថ្ងៃព្រហស្បតិ៍នេះថា ប្រទេសចិននឹងពង្រីក «បញ្ជីស» នៃគម្រោងលំនៅដ្ឋានដែលមានសិទ្ធិទទួលបានហិរញ្ញប្បទាន និងបង្កើនការផ្តល់ប្រាក់កម្ចីពីធនាគារសម្រាប់គម្រោងអភិវឌ្ឍន៍បែបនេះ ដល់ ៤ ទ្រីលានយន់ (៥៦២ ប៊ីលានដុល្លារ) ដើម្បីជំរុញវិស័យអចលនទ្រព្យដែលបន្តជាប់គាំង។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
រដ្ឋមន្ត្រីក្រសួងអភិវឌ្ឍន៍លំនៅដ្ឋាន និងក្រុងជនបទចិន លោក Ni Hong បានថ្លែងក្នុងសន្និសីទកាសែតថា វិធានការរកប្រាក់ ក៏នឹងត្រូវបានអនុវត្តសម្រាប់គម្រោងនគរូបនីយកម្មផងដែរ ដោយភូមិរស់នៅរបស់ប្រជាជន ១ លានភូមិ នឹងត្រូវដាក់បញ្ចូលទៅក្នុងផែនការបែបនេះ។
កាលពីខែមករា ចិនបានប្រកាសផែនការ «បញ្ជីស» នៃគម្រោងដែលអាចទទួលបានហិរញ្ញប្បទាន ដើម្បីធានាថា ក្រុមហ៊ុនអភិវឌ្ឍន៍អាចបញ្ចប់ការសាងសង់ និងប្រគល់ផ្ទះទៅឱ្យអ្នកទិញ។ គិតត្រឹមដំណាច់ត្រីមាសទី ៣ ធនាគារចិនបានអនុម័តគម្រោងបែបនេះចំនួន ៥ ៣៩២ ជាមួយនឹងការផ្តល់ហិរញ្ញប្បទានដល់ទៅជិត ១,៤ ទ្រីលានយន់។
នាយករងនៃរដ្ឋបាលនិយតកម្មហិរញ្ញវត្ថុរដ្ឋចិន លោក Xiao Yuanqi បាននិយាយក្នុងសន្និសីទកាសែតជាមួយ លោក Ni Hong ថា ប្រាក់កម្ចីដែលបានអនុម័តសម្រាប់គម្រោង «បញ្ជីស» បានកើនឡើងដល់ ២,២៣ ទ្រីលានយន់ គិតត្រឹមថ្ងៃទី ១៦ ខែតុលា។
តាមការចុះផ្សាយរបស់រ៉យទ័រ ការសន្យាផ្តល់ហិរញ្ញប្បទានបន្ថែមសម្រាប់ក្រុមហ៊ុនអភិវឌ្ឍន៍ និងគម្រោងអភិវឌ្ឍន៍ទីក្រុង ដែលជាប់គាំងដោយសារសាច់ប្រាក់ គឺជាផ្នែកមួយនៃវិធានការជាបន្តបន្ទាប់ដែលរដ្ឋាភិបាលចិនបានប្រកាសក្នុងរយៈពេលប៉ុន្មានសប្តាហ៍ថ្មីៗនេះ ចំពេលដែលវិស័យអចលនទ្រព្យ បន្តអូសបន្លាយក្នុងវិបត្តិជាប់គាំងរាប់តាំងពីឆ្នាំ ២០២១ ហើយមានផលប៉ះពាល់ខ្លាំងលើសេដ្ឋកិច្ចចិន។
កាលពីថ្ងៃសៅរ៍ មន្ត្រីក្រសួងហិរញ្ញវត្ថុចិន ក៏បានប្រកាសផងដែរពីវិធានការដើម្បីជំរុញវិស័យអចលនទ្រព្យ ដោយអនុញ្ញាតឱ្យរដ្ឋាភិបាលក្នុងតំបន់ប្រើមូលនិធិពីមូលបត្របំណុលពិសេស ដើម្បីទិញផ្ទះដែលមិនបានលក់ និងដីទំនេរ។
នៅចុងខែកញ្ញា ធនាគារកណ្តាលបានប្រកាសពីវិធានការនានា រួមទាំងការកាត់បន្ថយអត្រាទូទាត់បង់រំលោះអចលនទ្រព្យរហូតដល់ ១៥ ភាគរយ សម្រាប់អ្នកទិញទាំងអស់៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម