ព័ត៌មានអន្ដរជាតិ
តម្លៃប្រេងអន្តរជាតិបន្តហក់ឡើង ជុំវិញទណ្ឌកម្មរបស់អាមេរិកលើការផ្គត់ផ្គង់ប្រេងរុស្ស៊ី
តម្លៃប្រេងនៅលើទីផ្សារអន្តរជាតិ បានបន្តហក់ឡើងសម្រាប់ការជួញដូរនៅថ្ងៃចន្ទដើមសប្ដាហ៍នេះ ដែលជំរុញដោយទណ្ឌកម្មរបស់សហរដ្ឋអាមេរិកលើការផ្គត់ផ្គង់ប្រេងរបស់រុស្ស៊ី ដោយរំពឹងថានឹងប៉ះពាល់ខ្លាំងដល់ការនាំចូលប្រេងរបស់ឥណ្ឌា និងចិន។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
តម្លៃប្រេងឆៅនាពេលអនាគត ម៉ាក Brent បានកើនឡើង ១,៤៨ ដុល្លារ ឬ ១,៨៦ ភាគរយ ដោយជួញដូរនៅតម្លៃ ៨១,២៤ ដុល្លារ/បារ៉ែល ដែលនេះជាតម្លៃខ្ពស់បំផុតរាប់តាំងពីចុងខែសីហា ឆ្នាំមុន។ ចំណែកឯតម្លៃប្រេងឆៅអាមេរិក ម៉ាក West Texas Intermediate (WTI) វិញ បានកើនឡើង ១,៥៣ ដុល្លារ ឬ ២ ភាគរយ ដោយជួញដូរនៅតម្លៃ ៧៨,១០ ដុល្លារ/បារ៉ែល ខ្ពស់បំផុតរាប់តាំងពីដើមខែតុលា។
តម្លៃប្រេងទាំង២ បានកើនឡើងជាង ៦ ភាគរយ រាប់តាំងពីថ្ងៃទី៨ ខែមករា និងហក់ឡើងខ្ពស់ក្រោយសហរដ្ឋអាមេរិកប្រកាសពីជុំថ្មីនៃទណ្ឌកម្មទ្រង់ទ្រាយធំលើវិស័យប្រេងកាតរបស់រុស្ស៊ីកាលពីថ្ងៃសុក្រ (១០ មករា) ដោយរំពឹងថានឹងកាត់ផ្ដាច់ចំណូល ដែលរុស្ស៊ីយកទៅប្រើសម្រាប់ប្រតិបត្តិការឈ្លានពានអ៊ុយក្រែន។
ខណៈរុស្ស៊ីប្រកាសថានឹងបន្តផលិតកម្មប្រេងរបស់ខ្លួន ទណ្ឌកម្មរបស់អាមេរិករំពឹងថានឹងប៉ះពាល់ដល់ការផ្គត់ផ្គង់ប្រេងរបស់រុស្ស៊ីសម្រាប់ប្រទេសអតិថិជនធំៗរួមមានចិន និងឥណ្ឌា ដែលតម្រូវឱ្យប្រទេសទាំង២ងាកទៅរកអ្នកផ្គត់ផ្គង់ជំនួសពីមជ្ឈិមបូព៌ា អាហ្វ្រិក ឬអាមេរិកខាងត្បូងជាដើម។
អ្នកវិភាគ និងអ្នកជំនាញផ្នែកពាណិជ្ជកម្មប្រេង បានលើកឡើងថា ការណ៍នេះបង្កជាហានិភ័យសម្រាប់ការផ្គត់ផ្គង់ ដែលនឹងធ្វើឱ្យតម្លៃប្រេងបន្តហក់ឡើង៕
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១៩ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង