អាជ្ញាធរខេត្តព្រៃវែងសម្រេចបិទខ្ទប់ភូមិចំនួន២ជាបណ្ដោះ​អាសន្ន
Connect with us
Helistar Cambodia - Helicopter Charter Services

កូវីដ-១៩

អាជ្ញាធរខេត្តព្រៃវែងសម្រេចបិទខ្ទប់ភូមិចំនួន២ជាបណ្ដោះ​អាសន្ន

បានផុស

នៅ


អាជ្ញាធរខេត្តព្រៃវែងបានសម្រេចផ្អាកបណ្ដោះអាសន្ន ការធ្វើចរាចរណ៍ចេញចូលក្នុងភូមិសាស្ត្រភូមិត្រពាំងធំ និងភូមិឆ្អឹងពស់ ឃុំពានរោង ស្រុកស្វាយអន្ទរ ខេត្តព្រៃវែង ជាបណ្តោះអាសន្នក្រោយរកឃើញមានអ្នកឆ្លងកើនឡើងជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជា សុមេធី អភិបាលខេត្តព្រៃវែងបានឲ្យដឹងថា ការផ្អាកបណ្ដោះអាសន្នការធ្វើចរាចរណ៍ចេញចូលក្នុងភូមិសាស្ត្រភូមិទាំងពីរខាងលើនេះ ចាប់អនុវត្តពីម៉ោងសូន្យថ្ងៃទី២៩ ខែមេសា ឆ្នាំ២០២១នេះតទៅ ដោយទីតាំងបិទចេញចូលចំនួនពីរគោល គឺគោលដៅទី១សម្រាប់ភូមិសាស្ត្រភូមិត្រពាំងធំ ចំណុចផ្លូវបំបែកជាបួន ភូមិកូនពោធិ៍ ផ្ទះលោកប៉ូពេញ និងចំណុខ្លោងទ្វារវត្តរកា ភូមិត្រពាំងធំ ឃុំពានរោង។ ចំណែកគោលដៅទី២សម្រាប់ភូមិសាស្ត្រភូមិឆ្អឹងពស់ ចំណុចផ្លូវបំបែកជាបួន ភូមិកូនពោធិ៍ផ្ទះលោករឹកគុល និងចំណុចផ្ទះលោកប៉ាន់សុខ ព្រំប្រទល់ភូមិឆ្អឹងពស់ក្នុងភូមិព្រៃនគរឃុំពានរោង។

លោកអភិបាលខេត្តបានបញ្ជាក់ថា ការផ្អាកចរាចរណ៍ចេញចូលនេះ នឹងដំណើរការឡើងវិញក្រោយពីស្ថានភាពការរាល​ដាលនៃជំងឺកូវីដ១៩មានសភាពធូរស្រាល រដ្ឋបាលខេត្តនឹងជូនដំណឹងពេលក្រោយ។

គួរបញ្ជាក់ថា គិតមកដល់ពេលនេះ មានអ្នកឆ្លងជំងឺកូវីដ១៩ ចំនួន៦នាក់ស្រី២នាក់ នៅក្នុងឃុំពានរោង នៅស្រុកស្វាយ
អន្ទរ ក្នុងនោះភូមិត្រពាំងធំ១នាក់ ភូមិព្រៃជ្រាំង២នាក់ ភូមិឆ្អឹងពស់២នាក់ និងភូមិត្រពាំងល្ពៅ១នាក់។ អ្នកវិជ្ជមានទាំងនោះជាអ្នកដំណើរវិលត្រឡប់មកពីរាជធានីភ្នំពេញមកមូលដ្ឋានរបស់ខ្លួន៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services