កូវីដ-១៩
ទីបំផុត! ក្មេងអាយុពី ១២ ទៅ ១៥ ឆ្នាំ ទទួលការចាក់វ៉ាក់សាំង Pfizer នៅសប្តាហ៍ក្រោយនេះ មុនពេលចាប់ផ្តើមឆ្នាំសិក្សាថ្មី
រដ្ឋបាលចំណីអាហារ និងឪសថអាមេរិក (FDA) រំពឹងថា នឹងអនុញ្ញាតឲ្យចាក់វ៉ាក់សាំង Pfizer ដល់ក្មេងអាយុពី ១២ ទៅ ១៥ ឆ្នាំនៅសប្តាហ៍ក្រោយនេះ ពោលគឺមុនពេលចាប់ផ្តើមឆ្នាំសិក្សាថ្មី ។

ការប្រកាសនេះ គ្រោងនឹងធ្វើឡើងមួយខែ បន្ទាប់ពីក្រុមហ៊ុនបានរកឃើញថា ការចាក់វ៉ាក់សាំងរបស់ខ្លួន ដែលត្រូវបានអនុញ្ញាត សម្រាប់អ្នកដែលមានអាយុចាប់ពី ១៦ ឆ្នាំឡើងទៅ ក៏បានផ្តល់ការការពារ ដល់ក្រុមមនុស្សវ័យក្មេង នេះផងដែរ ។
មន្ត្រីសហព័ន្ធ ថ្លែងក្នុងលក្ខខណ្ឌអនាមិក ដើម្បីពិនិត្យមើលសកម្មភាពរបស់ FDA បាននិយាយថា ទីភ្នាក់ងារនេះ ត្រូវបានគេរំពឹងថា នឹងពង្រីកការអនុញ្ញាតឲ្យ ប្រើប្រាស់ជាបន្ទាន់របស់ខ្លួន សម្រាប់វ៉ាក់សាំងចាក់ ២ ដូសរបស់ក្រុមហ៊ុន Pfizer នៅដើមសប្តាហ៍ក្រោយ ឬក៏ឆាប់ជាងនេះ តាមដែលអាចធ្វើទៅបាន ។

សកម្មភាពរបស់ FDA នឹងត្រូវធ្វើឡើង អមដោយការប្រជុំ គណៈកម្មាធិការប្រឹក្សាវ៉ាក់សាំងសហព័ន្ធ ដើម្បីពិភាក្សាថាតើ ត្រូវណែនាំឲ្យចាក់វ៉ាក់សាំងនេះ ចំពោះក្មេងអាយុពី ១២ ទៅ ១៥ ឆ្នាំ ដែរឬយ៉ាងណា ខណៈការចាក់ថ្នាំបង្ការរោគ អាចចាប់ផ្តើម បន្ទាប់ពីមជ្ឈមណ្ឌលត្រួតពិនិត្យ និងបង្ការជំងឺ (CDC) ទទួលយកអនុសាសន៍ របស់គណៈកម្មាធិការមួយនេះ ហើយជំហានទាំងនោះ ប្រហែលជាបញ្ចប់ ក្នុងរយៈពេលតែប៉ុន្មានថ្ងៃប៉ុណ្ណោះ ។

ក្រុមហ៊ុនវ៉ាក់សាំង Pfizer កាលពីចុងខែមីនា បានចេញលទ្ធផលបឋម ពីការសិក្សាវ៉ាក់សាំងរបស់អ្នកស្ម័គ្រចិត្តអាមេរិក ចំនួន ២,២៦០ នាក់ ដែលមានអាយុពី ១២ ទៅ ១៥ ឆ្នាំ ហើយវាបង្ហាញថា មិនមានករណីឆ្លងជំងឺកូវីដ១៩ នោះទេ ក្នុងចំនោមមនុស្សវ័យជំទង់ ដែលទទួលការចាក់វ៉ាក់សាំងពេញ ២ ដូស បើធៀបទៅនឹងមនុស្ស ១៨ នាក់ ក្នុងចំណោមអ្នកដែលមិនបានចាក់វ៉ាក់សាំងសោះ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ចាក់ដូសដំបូងរបស់វ៉ាក់សាំង AstraZeneca និង Pfizer កាត់បន្ថយការចម្លងកូវីដដល់ទៅ ៥០ ភាគរយ

-
ព័ត៌មានអន្ដរជាតិ២ ថ្ងៃ ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ៣ ថ្ងៃ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ ថ្ងៃ ago
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានជាតិ១៣ ម៉ោង ago
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ១ សប្តាហ៍ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម៣ ថ្ងៃ ago
ជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន