កូវីដ-១៩
រដ្ឋបាលខេត្តកំពង់ស្ពឺ បន្តរៀបចំផ្សារឲ្យបានរៀបរយនិងមានលក្ខណៈស្តង់ដារសុវត្ថិភាព ដើម្បីទប់ស្កាត់ការរីរាលដាលជំងឺកូវីដ-១៩
រដ្ឋបាលខេត្តកំពង់ស្ពឺនឹងរៀបចំផ្សារស្តង់ដារសុវត្ថិភាព បន្តបន្ទាប់ទៀត ព្រោះមានផ្សារជាច្រើនបានយកចំណីផ្លូវដាក់លក់ដូរធ្វើឲ្យបាត់នូវរបៀបរៀបរយ និងសណ្តាប់ធ្នាប់សាធារណៈបង្កឲ្យមានគ្រោះថ្នាក់ជារៀងរាល់ថ្ងៃ ពិសេសស្ថិតក្រោមបរិការណ៍នៃការរីករាលជំងឺកូវីដ-១៩តែម្តង។
ក្នុងនោះ រដ្ឋបាលខេត្តកំពង់ស្ពឺ ដឹកនាំដោយលោក វ៉ី សំណាង នឹងធ្វើការរៀបចំផ្សារមិនរៀបរយទាំងនោះឲ្យក្លាយជាផ្សារ ដែលមានស្តង់ដារសុវត្ថិភាពស្របតាមកាលៈទេសៈបច្ចុប្បន្នកំពុងមានការរីករាលដាលជំងឺកូវីដ-១៩ ចូលក្នុងសហគមន៍។ វិធានការរៀបចំផ្សារមិនរៀបរយឲ្យទៅជាទីផ្សារមានសុវត្ថិភាព សណ្ដាប់ធ្នាប់ប្រកបដោយផាសុកភាពនេះ អនុវត្តតាមសេចក្តីណែនាំរបស់រដ្ឋបាលខេត្ត ស្តីពី ស្តង់ដារផ្សារសុវត្ថិភាព ក្នុងភូមិសាស្ត្រខេត្តកំពង់ស្ពឺ ចុះនៅថ្ងៃទី០៣ ខែឧសភា ឆ្នាំ២០២១ កន្លងមកនេះ។
រដ្ឋបាលខេត្តកំពង់ស្ពឺ កំពុងរៀបចំផ្សារគ្មានរបៀបរាប់ឲ្យក្លាយជាផ្សារសុវត្ថិភាព មានលក្ខណៈស្តង់ដារ ដើម្បីធានាបាននូវសណ្តាប់ធ្នាប់សាធារណៈ សុវត្ថិភាពសង្គម ពិសេសសុខភាពសាធារណៈដើម្បីចូលរួមបង្ការ និងទប់ស្កាត់ការឆ្លងរីករាលដាលជំងឺកូវីដ-១៩តែម្តង។ តាមរដ្ឋបាលខេត្តកំពង់ស្ពឺ បានបញ្ជាក់ថា «វិធានការណ៍ការពារ នៃការឆ្លងរីករាលដាលជំងឺកូវីដ-១៩ ចូលក្នុងសហគមន៍ក្នុងព្រឹត្តិការណ៍២០កុម្ភៈ គឺតម្រូវឲ្យអាជីវករ និងអ្នកទិញទាំងអស់ត្រូវតែចូលរួមអនុវត្តវិធានការសុខាភិបាល ៣កុំ ៣ការពារ និងផ្សារ ដែលមានលក្ខណៈស្តង់ដារសុវត្ថិភាព» ។
ជាគោលការណ៍ផ្សារសុវត្ថិភាព ដែលរៀបចំដោយរដ្ឋបាលខេត្តកំពង់ស្ពឺនេះ តម្រូវឲ្យគ្រប់ផ្សារត្រូវតែមានច្រកចូល និងចេញដាច់ដោយឡែកពីគ្នា, មានម៉ាស៊ីនស្កេន QR Code, ម៉ាស៊ីនវាស់កម្ដៅ, បាញ់អាល់កុល និងកត់ត្រាឈ្មោះ និងលេខទូរសព្ទមុននឹងចូល ផ្សាររកទិញគ្រឿងឧបភោគបរិភោគ និងសម្ភារៈប្រើប្រាស់ផ្សេងៗ។ គណៈកម្មការគ្រប់គ្រងផ្សារ សន្តិសុខ អ្នកលក់ អ្នកទិញត្រូវតែពាក់ម៉ាសឲ្យបានត្រឹមត្រូវលើកលែងតែពេលពិសាអាហារ។ ចំពោះសន្តិសុខជួរមុខត្រូវតែមានស្រោមដៃ និងរបាំងមុខបន្ថែម, រក្សាគម្លាតឲ្យបានមួយម៉ែត្រកន្លះពីគ្នា ហើយសមត្ថភាពផ្ទុកអតិបរមាក្នុងមួយពេលក៏មិនឲ្យលើសពី៥០% នៃសមត្ថភាពផ្ទុកផងដែរ។ ចំពោះតុអាហារផ្សេងៗត្រូវតែមានទឹកក្តៅដាក់នៅខាងមុខ ដើម្បីស្រុះលាងកែវ ចាន ស្លាបព្រាសម្លាប់មេរោគ ។
រដ្ឋបាលខេត្តកំពង់ស្ពឺ មិនអនុញ្ញាតឲ្យលក់គ្រឿងស្រវឹងដាច់ខាតហើយរាល់ការលក់ដូរអាជីវករត្រូវតែពង្រឹងគុណភាព សេវាកម្ម អនាម័យ បរិស្ថាន និងរក្សាតម្លៃឲ្យបានសមរម្យ។ សម្រាប់សេវាបន្ទប់ទឹកក្នុងបរិវេណត្រូវមានអនាម័យដោយសម្អាតជាប្រចាំទីតាំង ដែលអតិថិជនបានប៉ះកាន់ ត្រូវមានសាប៊ូដាក់នូវច្រកចូល-ចេញបន្ទប់ទឹក និងកន្លែងចាំបាច់ផ្សេងទៀត។
រដ្ឋបាលបាលខេត្តបានបញ្ជាក់ថា រាល់មានករណីសង្ស័យដែលមានការពាក់ព័ន្ធជាមួយជំងឺកូវីដ-១៩ ក្រោយការស្កេន QR Code ត្រូវរាយការណ៍បន្ទាន់ទៅអាជ្ញាធរមានសមត្ថកិច្ចភ្លាមៗ ។ ជាមួយនោះដែរ រដ្ឋបាលខេត្តបានព្រមានបិទអាជីវកម្មឬដាក់ទោសទណ្ឌទៅលើអាជីវកររូបណាដែលមិនបានអនុវត្តខ្ជាប់ខ្ជួនតាមការណែនាំខាងលើ។ អាជ្ញាធរខេត្តកំពង់ស្ពឺ បានអំពាវនាវដល់បងប្អូនប្រជាពលរដ្ឋក្នុងខេត្តអញ្ជើញមកទិញទំនិញ, បន្លែ, ផ្លែឈើ, ត្រី, សាច់ គ្រប់ប្រភេទនៅក្នុងផ្សារសុវត្ថិភាពថ្មី បណ្ដោះអាសន្ន នៅខាងជើងផ្សារកំពង់ស្ពឺ ដែលរាល់ការលក់ដូរប្រកបដោយអនាម័យ និងសុវត្ថិភាពខ្ពស់ តាមស្តង់ដារបច្ចេកទេសនិងជៀសផុតពីការឆ្លងរីករាលដាលនៃជំងឺកូវីដ-១៩ផងដែរ៕
អត្ថបទ៖ ភួង រដ្ឋា
សូមចុចអាន៖ រដ្ឋបាលរាជធានីភ្នំពេញ បន្តបិទផ្សាររយៈពេល៧ថ្ងៃបន្តទៀត ដើម្បីទប់ស្កាត់ជំងឺកូវីដ១៩
មន្ត្រីជាន់ខ្ពស់ បញ្ជាឱ្យក្រុមហ៊ុនធ្វើផ្លូវជាតិលេខ៧ សម្រួលការធ្វើដំណើររបស់ពលរដ្ឋកុំឱ្យជួបការកកស្ទះ
នាយកប្រតិបត្តិក្រុមហ៊ុន Boeing ប្រកាសលាលែងពីតំណែង
ឯកឧត្ដម ហ៊ុន ម៉ានី៖ ហួសចិត្តដែលលោក មាស រិទ្ធី ស្រង់សម្ដីទៅផ្សាយព័ត៌មានខុសពីការពិត
អ្នកឧកញ៉ា គួច ម៉េងលី លែងជាសមាជិកក្រុមប្រឹក្សាភិបាលនៃCIC Plc តាំងពីខែវិច្ឆិកា ឆ្នាំ២០១៨ មកម៉្លេះ
ត្រឹម ២ពាន់រៀល! ទេសចរជាតិ អាចចូលទស្សនាស្វែងយល់ នៅសារមន្ទីរធម្មជាតិសកល ទឹកដីខេត្តព្រះវិហារ
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ២ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ម៉ោង agoបឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ