មិនត្រឹមតែបាត់បង់ក្លិននិងរសជាតិ វីរុសកូវីដធ្វើឱ្យអ្នកជំងឺប្រឈមបញ្ហាស្ដាប់

អ្នកវិទ្យាសាស្ត្រអង់គ្លេសប៉ាន់ប្រមាណថាជិត ១៥ ភាគរយនៃអ្នកដែលមានផ្ទុកវីរុសកូវីដ-៩ទទួលរងនូវការប៉ះទង្គិចខួរក្បាល ហើយជិត ៨ ភាគរយបានបាត់បង់សមត្ថភាពនៃការឮសំឡេង។

ក្រុមអ្នកស្រាវជ្រាវមកពីមជ្ឈមណ្ឌលស្រាវជ្រាវនៃសាកលវិទ្យាល័យ Manchester នៃចក្រភពអង់គ្លេស បានឱ្យដឹងថា អ្នកជំងឺ ៧,៦% ដែលឆ្លងមេរោគកូវីដ-១៩ មានបញ្ហាទៅលើការស្តាប់ ខណៈ ១៤,៨% ហ៊ឹងត្រចៀក និង ៧,២% ទទួលរងនូវការប៉ះទង្គិចក្រដាសត្រចៀក។ នេះបើយោងតាមទិន្នន័យចំនួន ២៤ ដែលបានសិក្សាពីការផ្សារភ្ជាប់គ្នារវាងជំងឺសរសៃឈាមនិងបញ្ហាសោតវិញ្ញាណ។

ទោះយ៉ាងណា សាស្ត្រាចារ្យ Kevin Munro ប្រធានមជ្ឈមណ្ឌលសោតទស្សន៍និងថ្លង់​អះអាងថា បញ្ហានៃការស្តាប់អាចបណ្តាលមកពីជំងឺទៀតដទៃរួមមាន ជំងឺកញ្ជ្រិល ស្រឡទែន និងជំងឺរលាកស្រោមខួរក្បាល។ល។ ដែលជំងឺទាំងនេះអាចធ្វើឱ្យខូចកោសិកាសសៃប្រសាទនៅក្នុងត្រចៀកផ្នែកខាងក្នុង ប្រហាក់ប្រហែលនឹងវីរុសកូវីដដែរ។

ទន្ទឹមនឹងការឃើញថាអ្នកជំងឺជាច្រើនកំពុងរងផលប៉ះពាល់ពីបញ្ហាស្ដាប់ អ្នកជំងឺខ្លះទៀតដែលឆ្លងវីរុសកូវីដ-១៩ ក៏ប្រឈមនូវការបាត់បង់ក្លិនក៏ដូចជារសជាតិ ក្រោយពីតេស្តវិជ្ជមានមេរោគនេះផងដែរ៕

ប្រែសម្រួល៖ សន្យា

ប្រភព៖ Sky News

ចុចអាន៖ អ្នកជំងឺកូវីដអាចបាត់បង់ក្លិននិងរសជាតិរហូតដល់ ៥ ខែ បន្ទាប់ពីការឆ្លងមេរោគ

ចុចអាន៖ វេជ្ជបណ្ឌិតព្រមានការប្រើថ្នាំពេទ្យដោយខ្លួនឯងអាចនាំឱ្យអ្នកជំងឺកូវីដមានអាការកាន់តែធ្ងន់ធ្ងរ