កូវីដ-១៩
ប្រជាពលរដ្ឋនៅតំបន់បិទខ្ទប់ថ្លែងអំណរគុណដល់រាជរដ្ឋាភិបាលផ្តល់ជំនួយសង្គមជាអំណោយស្បៀង
ក្រុមប្រជាពលរដ្ឋរស់នៅតំបន់បិទខ្ទប់ ក្នុងរាជធានីភ្នំពេញ បានថ្លែងលើកឡើងដូចៗគ្នា អរគុណទៅដល់សម្តេចតេជោហ៊ុន សែន នាយករដ្ឋមន្ត្រីកម្ពុជា និងថ្នាក់ដឹកនាំរាជរដ្ឋាភិបាល អាជ្ញាធរគ្រប់ជាន់ថ្នាក់ ដែលបានដាក់ចេញវិធានការបិទខ្ទប់ ទប់ស្កាត់ការឆ្លងរាលដាលជំងឺកូវីដ១៩ បានទាន់ពេលវេលា និងបានផ្តល់ជំនួយសង្គម អំណោយស្បៀងអាហារ ដើម្បីដោះស្រាយការហូបចុកក្នុងគ្រាដែលឆ្លងជំងឺកូវីដ១៩ធ្ងន់ធ្ងរ។
ពលរដ្ឋរស់នៅសង្កាត់ស្ទឹងមានជ័យទី១ លោក ទ្រី តិ បានប្រាប់ថា ការចេញវិធានការបិទខ្ទប់របស់រាជរដ្ឋាភិបាល និងការផ្តល់អំណោយស្បៀងអាហារគឺជាការគិតគូពីសុខទុក្ខរបស់ប្រជាពលរដ្ឋ។
លោកថា ការបិទខ្ទប់របស់រាជរដ្ឋាភិបាល គឺជាវិធានការមិនឱ្យមានការឆ្លងរាលដាលពីមនុស្សម្នាក់ទៅមនុស្សម្នាក់ មិនមែនជាការបិទសិទ្ធសេរីភាពរបស់ប្រជាពលរដ្ឋនោះទេ គឺជាការការពារអាយុជីវិតប្រជាជនទៅវិញ ដែលអាជ្ញាធរព្យាយាមការពារមិនឱ្យឆ្លងរាលដាលច្រើន នៅតំបន់បិទខ្ទប់។
អាជីវករលក់ដូរក្នុងផ្សារក្រមួន អ្នកនាង បិន រីណា បានប្រាប់ដែរថា អំឡុងពេលបិទខ្ទប់គ្រួសារខ្លួន ទទួលបានការការពារពីអាជ្ញាធរ សមត្ថកិច្ច មិនឱ្យចេញក្រៅដើម្បីការពារខ្លួនពីការឆ្លងជំងឺកូវីដ១៩ និងទទួលបានអំណោយពីរាជរដ្ឋាភិបាល ដែលចែកជូនប្រជាជននៅក្នុងតំបន់បិទខ្ទប់។
អ្នកនាងបញ្ជាក់ថា “ខ្ញុំយល់ថា ការបិទខ្ទប់នេះ ជាយុទ្ធសាស្ត្រល្អសម្រាប់ ការពារជំងឺកូវីដ១៩ កុំឱ្យរីករាលដាលកាន់តែខ្លាំង ព្រោះអ្វីប្រសិនបើគ្មានការបិទខ្ទប់ទេអ្នកផ្សេងទៀត ចេះតែចេញទៅក្រៅ ដូច្នេះជំងឺនេះមើលមិនឃើញ ការឆ្លងតៗគ្នា”។
អ្នកនាង ក៏បានថ្លែងអំណរគុណដល់ប្រមុខដឹកនាំរាជរដ្ឋាភិបាល និងអាជ្ញាធរសមត្ថកិច្ច ដែលបានយកចិត្តទុកដាក់ការពារប្រជាជនទាំងថ្ងៃទាំងយប់ មិនខ្លាច់នឿយហត់អំឡុងពេលបិទខ្ទប់។ នាងថា “អរគុណដល់សម្តេចដែលបានផ្តល់អំណោយ ដល់តាមភូមិឃុំទាំងអស់ ដែលផ្តល់ឱ្យប្រជាជនទាំងអស់បានទទួលដែលរាជរដ្ឋាភិបាលចែកឱ្យ”។
ចំណែកឯ បុរសម្នាក់មកពីខេត្តព្រៃវែង មកប្រកបរបរជាជាងកាត់សក់នៅរាជធានីភ្នំពេញ ក៏ជាប់នៅក្នុងតំបន់ក្រហមដែរ ក៏ថ្លែងដែរថា ប្រជាពលរដ្ឋនៅពេលបិទខ្ទប់មានការខ្វះខាត ឥឡូវដល់លោកបានទទួលអំណោយពីរាជរដ្ឋាភិបាល គឺបានជួយសម្រួលដល់ការរស់នៅបានមួយរយៈ។ លោកថា អាជ្ញាធរ រាជរដ្ឋាភិបាល តែងតែមើលឃើញពីការខ្វះខាតជីវភាពរបស់ប្រជាពលរដ្ឋ គ្រប់កន្លែងដែលបិទខ្ទប់។
លោកនៅតែអះអាងថា “នេះមិនមែនជាការបិទសិទ្ធទេ គឺជាការការពារអាយុជីវិតរបស់ប្រជាពលរដ្ឋទាំងអស់គ្នាកុំឱ្យមានការឆ្លងជំងឺ និងអាចដល់បាត់បង់ជីវិតដោយសារជំងឺកូវីដ១៩ប្រសិនបើមិនមានការបិទខ្ទប់ នឹងធ្វើឱ្យប្រជាពលរដ្ឋមានការឆ្លងច្រើន ធ្វើឱ្យប្រជាជនបាត់បង់ជីវិតក៏ច្រើន”។
ដោយឡែក អ្នកស្រី អាត ណារី មានស្រុកកំណើតនៅឯស្រុកព្រះស្តេច ខេត្តព្រៃវែង មកបម្រើការងារជាកម្មកររោងចក្រនៅរាជធានីភ្នំពេញ បានប្រាប់ថា អំឡុងពេលបិទបិទខ្ទប់ខ្លួនទទួលបានអត្ថប្រយោជន៍ពីរដ្ឋាភិបាល ដូចជាអង្ករ ២៥ គីឡូ មានមី ត្រីខ ទឹកត្រី។ អ្នកស្រី ថាការផ្តល់ជំនួយស្បៀងនេះ គឺអាចជួយសម្រួលជីវភាពដល់គ្រួសារខ្លួនបានមួយរយៈ ពីការខ្វះខាតស្បៀងអាហារអំឡុងពេលបិទខ្ទប់។
លោក នួន ផារ័ត្ន អភិបាលរងរាជធានីភ្នំពេញ បានប្រាប់ថា គិតត្រឹមថ្ងៃទី ០៦ ខែឧសភា រាជរដ្ឋាភិបាលបានរៀបចំផ្គត់ផ្គង់ស្បៀងនៅក្នុងតំបន់ក្រហម លឿងទុំ និងលឿងបានចំនួនប្រមាណ ៣០ ម៉ឺនកញ្ចប់ ដែលបានផ្តល់ជូនខ្លះជាគ្រួសារ ខ្លះជាបន្ទប់ជួល។
លោកអភិបាលរងរាជធានីភ្នំពេញរូបនេះបញ្ជាក់ថា អ្នកដែលមានលំនៅឋានអចិន្ត្រៃយ៍នៅរាជធានីភ្នំពេញ មានត្រឹមជាង ៣០ ម៉ឺន ដូច្នេះ តួលេខ ដែលយើងចែកស្បៀងបានជាតួលេខមួយដែលមានចំនួនច្រើន ច្រើនត្រង់ថា ជិត៣០ ម៉ឺន ត្រូវបានយកជូនទៅឱ្យប្រជាពលរដ្ឋនៅក្នុងរយៈពេលមួយខ្លី៕ អត្ថបទ៖ ឡេង ដេត
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង