កូវីដ-១៩

លំអិត ករណីស្ត្រីមានផ្ទៃពោះ៧ខែស្លាប់ដោយសារជំងឺកូវីដ-១៩

បានផុស

៥ years មុន

នៅ

ថ្ងៃសៅរ៍ ៨ ឧសភា ២០២១

ដោយ

ស្ត្រីមានផ្ទៃពោះ៧ខែម្នាក់ បានស្លាប់ដោយសារជំងឺកូវីដ-១៩ បន្ទាប់ពីក្រុមគ្រួសារបញ្ជូនមកដល់មន្ទីរពេទ្យដើម្បីជួយសង្គ្រោះ ប៉ុន្តែដោយស្ថានភាពធ្ងន់ធ្ងរក៏ស្លាប់តែម្តង។

លោកវេជ្ជបណ្ឌិត ហុក គ្រី ប្រធានមន្ទីរពេទ្យបង្អែកខេត្តកំពង់ស្ពឺ បានបញ្ជាក់ក្នុងលិខិតមរណភាព នៅថ្ងៃទី០៨ ខែឧសភានេះថា ស្ត្រីរងគ្រោះមានឈ្មោះ សុត ម៉ៃ អាយុ៣០ឆ្នាំ ជាកម្មការនី រោងចក្រ មានទីលំនៅភូមិគោកដង្កោ ឃុំពេជ្រមុនី ស្រុកគងពិសី ខេត្តកំពង់ស្ពឺ បានស្លាប់ដោយជំងឺកូវីដ-១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីមន្ត្រីសុខាភិបាលបានបង្ហើបថា សពស្ត្រីដែលស្លាប់ដោយសារកូវីដ-១៩ គឺមានផ្ទៃពោះចំនួន៧ខែ ជាកម្មការនីបម្រើការងារនៅរោងចក្រមួយក្នុងស្រុកអង្គស្នួល ខេត្តកណ្តាល ។

បើតាមការស៊ើបប្រវត្តិសព មុនពេលស្លាប់គាត់មានអាការៈមិនស្រួលខ្លួន ហើយមិនបានទៅរកគ្រូពេទ្យ ឬទៅផ្តល់សំណាកដើម្បីតេស្តរកវីរុសកូវីដ-១៩នោះទេ រហូតដល់ធ្លាក់ខ្លួនធ្ងន់ទើបគ្រួសារបញ្ជូនមកមន្ទីរពេទ្យដើម្បីជួយសង្គ្រោះបន្ទាន់ ប៉ុន្តែដល់មន្ទីរពេទ្យប្រហែល៣០នាទីក៏ស្លាប់បាត់បង់ជីវីតតែម្តង។

ឯកឧត្តម វ៉ី សំណាង អភិបាលខេត្តកំពង់ស្ពឺ បានបញ្ជាក់នៅរសៀលថ្ងៃទី០៨ ខែឧសភា ឆ្នាំ២០២១ នេះថា ក្នុងខេត្តកំពង់ស្ពឺពេលនេះ មានអ្នកឆ្លងសរុប១១៥នាក់, អ្នកកំពុងព្យាបាល១០៦នាក់, ផ្ទេរទៅព្យាបាលនៅភ្នំពេញ០៤នាក់ និងមានអ្នកស្លាប់០៥នាក់ ក្នុងនោះស្លាប់ថ្មី០២នាក់ ៕

អត្ថបទ ៖ ភួង រដ្ឋា