ខណៈនេះ ឥណ្ឌូណេស៊ី មានអ្នកស្លាប់ដោយសារកូវីដកើនលើស ១០ ម៉ឺននាក់ហើយ

ចំនួនអ្នកស្លាប់ដោយសារជំងឺកូវីដ ១៩ នៅក្នុងប្រទេសឥណ្ឌូណេស៊ី បានកើនលើស ១០ ម៉ឺននាក់ហើយ ខណៈមានការកើនឡើងយ៉ាងខ្លាំងនៃចំនួនអ្នកឆ្លងថ្មី ចាប់តាំងពីខែកក្កដា ។

រដ្ឋាភិបាលបាននិយាយថា គិតត្រឹមថ្ងៃពុធ ចំនួនអ្នកស្លាប់គឺមានចំនួន ១០០,៦៣៦ នាក់ ។

ទន្ទឹមនោះ គ្រាន់តែក្នុងខែកក្កដា មានចំនួនអ្នកស្លាប់ប្រហែល ៣៥,០០០ នាក់បានកើតឡើង ចំពេលមានការកើនឡើងនៃវីរុសបំប្លែងខ្លួនឥណ្ឌា “Delta” ។

ស្របពេលជាមួយគ្នានេះ ឥណ្ឌូណេស៊ី ក៏បានបញ្ជាក់ពីកើនឡើងករណីឆ្លងពី ៣ ម៉ឺនទៅ ៥ ម៉ឺនករណីក្នុងមួយថ្ងៃ ខណៈចំនួនអ្នកស្លាប់ប្រចាំថ្ងៃក៏ខ្ពស់ផងដែរគឺច្រើនជាង ១,៥០០ នាក់ ។

បន្ថែមពីនេះ រដ្ឋាភិបាលឥណ្ឌូនេស៊ី ក៏កំពុងពន្លឿនកិច្ចខិតខំប្រឹងប្រែងរបស់ខ្លួន ក្នុងការសាងសង់កន្លែងធ្វើចត្តាឡីស័កបណ្តោះអាសន្ន ដោយមានទាំងវេជ្ជបណ្ឌិត និងគិលានុបដ្ឋយិកា ខណៈអ្នកជំងឺជាច្រើនបានស្លាប់ ពេលកំពុងសម្រាកព្យាបាលនៅផ្ទះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ឥណ្ឌូណេស៊ី ប្រកាសរកឃើញករណីឆ្លង វីរុសបំប្លែងខ្លួន “Delta Plus” មួយទៀត