សុខៗ G-Devith ប្រកាសបិទឆាណែល Youtube នៅខែឧសភានេះ

ភ្នំពេញ៖ តារាចម្រៀងរ៉េបលោក ងួន ចាន់ដេវីដ ហៅ G-Devith ថ្មីៗនេះស្រាប់តែប្រកាសយ៉ាងភ្ញាក់ផ្អើលថា លោកនឹងសម្រេចបិទជាផ្លូវការនូវឆាណែល Youtube របស់ខ្លួននៅដើមខែឧសភា ឆ្នាំ២០២១នេះ។

ការប្រកាសរបស់ G-Devith នេះបានធ្វើឱ្យអ្នកគាំទ្រ និងមហាជនជាច្រើនភ្ញាក់ផ្អើល ហើយមានចម្ងល់គ្រប់គ្នាចំពោះការសម្រេចចិត្តបិទពី G-Devith បែបនេះ។ ប៉ុន្តែយ៉ាងណាមិញមិនទាន់មានការបញ្ជាក់ច្បាស់ពីសាមីខ្លួននៅឡើយទេ។

លោក G-Devith បានបញ្ជាក់នៅលើផេករបស់ខ្លួនថា សេចក្តីប្រកាសជូនដល់អ្នកគាំទ្រ អ្នកគាំទ្រអាចមានពេលចាប់ពីយប់នេះរហូតដល់ថ្ងៃទី០១ ខែឧសភា ដើម្បី download ចម្រៀងចាស់ៗនៅក្នុង channel មួយនេះទុកជាអនុស្សាវរីយ៍មុនពេលវាត្រូវបានលុប។

លោកបន្តទៀតថា៖ “ដោយការគិតរយៈពេលជាយូរមកហើយ ខ្ញុំជាម្ចាស់ channel មួយនេះក៏បានសម្រេចថានឹងបិទ channel នេះជាផ្លូវការនៅថ្ងៃទី០១ ខែ ឧសភា”។

ជុំវិញការប្រកាសបិទរបស់ G-Devith ខាងលើនេះមិនទាន់មានការបញ្ជាក់ច្បាស់ពីមូលហេតុទេ ខណ:មានប្រភពខ្លះសង្ស័យថា G-Devith ត្រៀមបើកមុខរបរថ្មី៕

អត្ថបទ៖ ចាន់រ៉ា