នាយក្រិន ធ្លាក់ខ្លួនឈឺធ្ងន់ដេក ស្តូកស្តឹងក្នុងមន្ទីពេទ្យ

តារាកំប្លែងអភ័ព្វស្នេហ៍នាយក្រិន ត្រូវបានប្រភពពីមិត្តភក្តិរួមអាជីពទម្លាយឲ្យដឹងថា នាយពេលនេះបានធ្លាក់ខ្លួនឈឺធ្ងន់ត្រូវបានចូលសង្គ្រោះនៅមន្ទីពេទ្យ។

ដំណឹងនៃការធ្លាក់ខ្លួនឈឺរបស់តារាកំប្លែងនាយក្រិន នេះបានធ្វើឲ្យមហាជននិងអ្នករួមអាជីពសិល្បៈ ជាច្រើនបានបង្ហាញការអាណិតអាសូរខ្លាំងខណ: ដែលនាយជាតារាម្នាក់ដែលកម្សត់ទាំងស្នេហ៍បរាជ័យទាំង​មុខជំនួញរកស៊ីក្រោយបែកបាក់ស្នេហ៍លើកទីពីរ ដោយបន្សល់កូនកំព្រា៣នាក់ក្នុងបន្ទុក។

បើតាមការបញ្ជាក់ឲ្យដឹងពីនាយ ធុង ដែល ជាមិត្តភក្តិរួមអាជីពក្រុមកំប្លែងនាយ ក្រិន បាននិយាយនៅថ្ងៃនេះថា “សូមជូនពរឲ្យបងឆាប់ជាមានកម្លាំងឡើងវិញ ណា ( បង ក្រិន)។ក្នុងនោះក៏មានសំនួរជា ច្រើនដោយចង់ដឹងថានាយ ក្រិន កំពុងមានជំងឺអ្វី?”។

ឆ្លើយតបទៅនឹងសំនួរនេះត្រូវបាននាយ ធុង បញ្ជា ក់ថា នាយក្រិនគាត់មានជំងឺពោះវៀនធ្លាក់ចូលក្រោមពង។ដោយឡែកនាយ ក្រិន នៅរសៀលថ្ងៃទី០៩ ខែឧសភាឆ្នាំ២០២១នេះ មិនទាន់អាចសួរនាំពីនាយ ក្រិន បាននៅឡើយទេ។

គេនៅចាំបានថាកាលជាងកន្លះឆ្នាំមកនេះមហាជនជាច្រើនបានសម្ដែង ការអាណិត ចំពោះនាយក្រិន គ្រប់គ្នាក្រោយពី នាយជួបទុក្ខផ្ទួនៗ គ្នាដោយសារប្រពន្ធរត់ចោលទៅមានប្រុសថ្មីទុក ឲ្យនាយចិញ្ចឹមបីបាច់កូនចំនួន ៣ នាក់ហើយ ក្រោយមកហាងរបស់នាយក៏ត្រូវបិទទៀតដោយសារ វិបត្តិ កូវីដ -១៩ ៕

អត្ថបទ៖ ចាន់រ៉ា