ឈុតតំណាងជាតិ​បវរកញ្ញាចក្រវាល និមិត្តរូបវប្បធម៌ដ៏សំបូរបែបនៃព្រះរាជាណាចក្រកម្ពុជា

កម្មវិធីប្រកួតជ្រើសរើស​បវរកញ្ញាចក្រវាល​កម្ពុជា​២០២០ ដែលធ្វើការផ្សាយផ្ទាល់លើកញ្ចក់ទូរទស្សន៍បាយ័ន កាលពីយប់មិញនេះ ទទួលបានការគាំទ្រពីមហាជន លើឈុតតំណាងជាតិរបស់បេក្ខនារីម្នាក់ៗថា ពិតជាស្រស់ស្អាត និងគួរឲ្យកោតសរសើរ។

ឈុតតំណាងជាតិ ដែលបវរកញ្ញាចក្រវាលរបស់យើងបានគ្រង ធ្វើឲ្យទស្សនិកជនមានមោទកភាពចំពោះស្នាដៃកូនខ្មែរ​ ព្រោះការច្នៃម៉ូដប្រកបដោយភាពប្រតិដ្ឋ មានអត្ថន័យពេញលេញ និងរស់រវើកតែម្ដង។

តាមប្រភពពីផេកផ្លូវការ Miss Universe Cambodia បានឲ្យដឹងថា ឈុតតំណាងជាតិដែលគ្រងដោយបេក្ខនារីទាំង ២០រូប​ គឺជាការប្រកួតប្រជែងបឋម​ ហើយឈុតនីមួយៗសុទ្ធសឹងតែជាការរចនាដោយអ្នកច្នៃម៉ូដកូនខ្មែរ។

ប្រភពដដែលបន្ថែមថា សម្លៀកបំពាក់ប្លែកៗគ្នាទាំងនោះបង្ហាញពីបេតិកភណ្ឌវប្បធម៌ដ៏សំបូរបែបនៃព្រះរាជាណាចក្រកម្ពុជា។  ក្នុងនោះបេក្ខនារីបានសហការជាមួយក្រុមរចនារបស់ខ្លួន​ ដើម្បីបង្កើតនូវស្នាដៃថ្មីដែលបង្ហាញពីភាពច្នៃប្រតិដ្ឋនិងភាពគួរឱ្យចងចាំ។

ទន្ទឹមគ្នានេះ ផេក Miss Universe Cambodia បានបញ្ជាក់ពីថ្ងៃដែលត្រូវបានប្រកាសលទ្ធផលស្វែងរកបេក្ខនារីរូបណាជាអ្នកគ្រងឈុតតំណាងជាតិល្អបំផុតនៅក្នុងរាត្រីគ្រងមកុដនៃបវរកញ្ញាចក្រវាលកម្ពុជា២០២០ គឺនឹងធ្វើោឡើងនៅថ្ងៃព្រហស្បតិ៍ទី ២៦ ខែវិច្ឆិកា​ នៅក្នុងស្ទូឌីយោបាយ័នស្ទឹងមានជ័យ៕

សូមទស្សនារូបភាពខាងក្រោម!

អត្ថបទ៖ សន្យា

ចុចអាន៖ ធ្លាប់ត្រូវ​គេមើលងាយស្នាដៃ ខ្ញុំបានពិន័យ​ខ្លួនឯងពី ២-៥ ម៉ោង ដើម្បីរៀនបន្ថែម​តាមយូធ្យូប

ចុចអាន៖ អ្នកនិពន្ធវ័យក្មេងមានស្នាដៃប្រមូលផ្ដុំគ្នានៅ “ទសប៉ាកកា”