Connect with us

ជីវិតកម្សាន្ដ

K-pop ល្អឥតខ្ចោះគ្មានចំណុចទាស់ តែនៅពីក្រោយ​ គឺទុក្ខលំបាក ដែលគ្មានអ្នកណាដឹងឡើយ

បានផុស

នៅ

K-pop បានក្លាយជាការពេញនិយមកាន់តែខ្លាំងឡើង ក្នុងចំណោមមនុស្សគ្រប់វ័យ។ ក្រុម​ចម្រៀង​ប៉ុបរបស់កូរ៉េ​ខាងត្បូង​ បាន​បំបែក​ឯតទគ្គកម្ម​ គ្រប​ដណ្តប់​តារាង​តន្ត្រី​ ដោយ​លេច​ចេញ​ក្នុង​ឧស្សាហកម្ម​កម្សាន្ត​លោក​ខាងលិច ​និង​យក​ឈ្នះ​អ្នក​ស្តាប់​មកពីទូទាំង​ពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកគាំទ្រកោតសរសើរចំពោះ​តារាកូរ៉េទាំងនេះ ដោយសារតែទេពកោសល្យ​និង​សោភ័ណភាព​របស់ពួកគេ។ ទោះយ៉ាងណា អ្នកមិនបានដឹងថា ជីវិត​ដ៏​លំបាក​របស់​តារា K-pop នោះ ​គឺ​វេទនា​ប៉ុណ្ណា​ឡើយ។

K-pop ពោរពេញទៅ​ដោយភាព​ល្អឥតខ្ចោះ ​ប៉ុន្តែ​នៅ​ពី​ក្រោយ​ភាព​ជោគជ័យ​និង​ល្បីល្បាញ​លើ​សកល​លោក​នេះ​ គឺ​មាន​ការ​ពិត​ដ៏​ក្រៀមក្រំ​បំផុតដែលស្មានមិនដល់។

បើសិនពួកគេចង់ធ្វើជាតារា​ពេញសិទ្ធ​ ក្នុង​ផលិតកម្ម​នោះ គឺត្រូវទទួលវាសនាជាអ្នក​ហ្វឹកហាត់ ​ដែល​មាន​ន័យ​ថា ​ពួកគេ​ត្រូវស្ថិត​នៅ​ក្រោម​កិច្ច​សន្យា​ជា​ទាសករ។ ក្មេង​ជំទង់​អាយុ ១៣ ឆ្នាំ​ ត្រូវ​ទទួល​រង​សំពាធ​និង​មាន​របប​អាហារ​យ៉ាង​តឹងរឹង​បំផុត។ ពួកគេ​ច្រៀង​រាំ​ និង​ហាត់​តាំង​ពី​ព្រឹក​រហូត​ដល់​កណ្ដាល​អាធ្រាត្រ។ ក្នុងអំឡុងពេលហ្វឹកហាត់ ​គ្រប់គ្នាមិនអាចហូប​អាហារ​តាម​ចិត្ត​ចង់​បាន​ឡើយ​ ដើម្បី​ចៀសវាង​ការ​ឡើង​ទំងន់។ អ្នកណា​ហ៊ាន​ល្មើស​ច្បាប់​​នេះ​ នឹង​ត្រូវ​ដេញ​ចេញ​ ឬ​ពិន័យ​ធ្ងន់ធ្ងរ​មិនខាន។ ក្នុង​ពេល​ហាត់ ​ពួកគេ​អាច​ហូប​បាន​តែ​ទឹក​មួយ​មុខ​ប៉ុណ្ណោះ។

អតីត​អ្នក​ហ្វឹកហាត់​ម្នាក់​ បាន​ចេញ​មុខ​មក​ទម្លាយ​ពី​ស្ថានភាព​ពិបាក​នេះ​ និងសុំ​មិន​បញ្ចេញ​ឈ្មោះ​បាន​និយាយ​ថា ​ខ្ញុំ​ហូប​បាន​តែ ៣០០កាឡូរី​ប៉ុណ្ណោះ​ក្នុង​មួយ​ថ្ងៃ។ ពេល​ហ្វឹកហាត់​ ខ្ញុំ​មិន​អាច​ហូប​អ្វី​បាន​ក្រៅ​ពី​ទឹក​ផ្សើម​បំពង់​ក​ឡើយ។

ជា​ពិសេស ​អ្នកណា​ដែល​មាន​រូបរាង​មិន​ស្អាត ​ឬ​ស្អាត​មិន​គ្រប់​តាម​លក្ខខណ្ឌ (យោង​តាម​ស្តង់ដារ​តារា​នៅ​កូរ៉េ​ខាងត្បូង) នឹង​ត្រូវ​បាន​បាន​ណែនាំ​ឲ្យ​ទៅ​ធ្វើការ​កែសម្ផស្ស​ចេញ​ ហើយ​អ្នកណា​ដែល​ជា​ខ្ទើយឬ​ប្រភេទស្រីស្រលាញ់​ស្រី ត្រូវ​លាក់បាំង​ពី​សមភាព​របស់​ខ្លួន ​មិន​ឲ្យ​មហាជន​បាន​ដឹង​ឡើយ។

ពេល​នៅជាប់កិច្ច​សន្យា​ អ្នក​ហ្វឹកហាត់​ហាម​មានស្នេហា និង​មាន​ទំនាក់ទំនង​ជាមួយមនុស្ស​​ប្រុស​ ឬ​ទៅ​លេង​ផ្ទះ​រហូត​ដល់​កិច្ចសន្យា​បាន​បញ្ចប់។ ការឈឺចាប់​ទាំង​នេះ ​គ្រាន់​តែ​ជា​ឱកាស​ជោគជ័យ​តិចតួច​ប៉ុណ្ណោះ។ ឧទាហរណ៍​ថា​ ពួកគេ​មាន​អាច​មាន​សំណាង​គ្រាប់គ្រាន់​ បាន​ក្លាយ​ជា​ផ្នែក​មួយ​នៃ​ក្រុម K-pop ថ្មី។ នោះ​ជា​ការ​អបអរ​មួយ​នៃ​ជ័យជន្នះ​ ដែល​ពួកគេ​អាច​ឆ្លង​ផុត​វគ្គ​ដ៏​លំបាក​នេះ​បាន។ ប៉ុន្តែ​ក្រោយ​មាន​ក្រុម​ជា​របស់​ខ្លួន​ហើយ ​ជីវិត​របស់ពួគគេ​មិនមែន​ជា​របស់​ខ្លួន​គេ​ទៀត​នោះ​ទេ។

អតីត​តារា K-pop ម្នាក់​បាន​រៀបរ៉ាប់​ថា​ នៅពេលតារាថ្មីរក​ចំណូល​បាន​ មួយ​ផ្នែក​ធំ​ត្រូវ​បាន​ផ្ទេរ​ទៅ​អ្នក​ចាត់ការ​ ដើម្បី​សង​បំណុល​ក្រុមហ៊ុន ​ថ្លៃ​ដែល​ក្រុមហ៊ុន​បាន​មើលថែ​ពួកគេ​កាល​នៅ​ជា​អ្នក​ហ្វឹកហាត់​កន្លងមក។

ចំណែក​អ្នក​លំដាប់ Top ក៏​ត្រូវ​មាន​វិន័យ​ជាក់លាក់​ដែរ។ ឋានៈ​លំដាប់​ខុស​គ្នា ម៉ូដ​សក់ ​អាកប្បកិរិយា ​និង​សូម្បី​តែ​ម៉ូដ​សំលៀកបំពាក់​នៅ​ព្រលានយន្តហោះ​ គឺ​ជា​ផ្នែក​មួយ​នៃ Brand ល្បីៗ​ទាំងអស់។

K-pop ដូចជា​ការ​ដើរ​សម្ដែង​រឿង​ ដែល​គ្មាន​ថ្ងៃ​បញ្ចប់​។ ស្ទើរ​តែ​គ្រប់​ម៉ោង ​ពេល​វេលា​របស់​ពួកគេ​ នឹង​ត្រូវ​បាន​ផ្ដល់​ទៅ​លើ​ការ​ហាត់​រាំ ​ច្រៀង ​និង​ការ​ប្រគំ​តន្ត្រី។ បូករួម​ជាមួយ​នឹង​របប​អាហារ​ដ៏​តឹងរ៉ឹង​ខ្លាំង ​អាច​ធ្វើ​ឲ្យ​​តារា​ទាំងនោះ​បាត់បង់​សតិ​ ការគ្រប់គ្រង​ និង​គ្មាន​កម្លាំង​នៅ​លើ​ឆាក​សម្ដែង។ ប្រសិន​បើ​មាន​នរណា​ម្នាក់​ដួល​សន្លប់​ សមាជិក​ក្រុម​នឹង​ជួយ​ ដោយសារ​ពួកគេ​បាន​រស់នៅ​ជាមួយ​គ្នា ​ដូច​គ្រួសារ​តែ​មួយ​ទៅ​ហើយ។

K-pop មិន​អាច​មាន​មិត្ត​ភេទ​ផ្ទុយ​ មិន​អាច​មាន​ស្នេហា ​មិន​អាច​រាប់អាន​សមាជិក​មកពី​ក្រុមហ៊ុន​ដៃគូ​ប្រជែង។ K-pop Idol សម្រាប់​តែ​ជា​ការ​ស្រមើស្រមៃ​រ៉ូមែនទិច ​របស់​អ្នក​គាំទ្រ​តែ​ប៉ុណ្ណោះ។

បើនិយាយ​ពី​អ្នក​គាំទ្រ​ពួកគេ​វិញ​ គឺ​ខ្លាំង​មិន​ធម្មតា​ឡើយ។ អ្នកខ្លះឈានទៅដល់ការបំពានភាព​ឯកជន​របស់​តារា​ទាំង​នោះ​ថែម​ទៀត​ផង។ តួយ៉ាង​មើល Sulli ជាតារាមួយដែលបានដកខ្លួនពី​វិស័យ​នេះ​ នាង​ក្លាហាន​គ្រប់គ្រាន់​ដើរ​ចេញ​ និង​បង្ហាញ​ពី​ទំនាក់ទំនង​ស្នេហា​ជា​សាធាណ​ ​ហើយប្រឆាំង​តបត​គំនិត​ស្ត្រី​ចាស់​បុរាណ។ នាង​បាននិយាយពីចិត្តគំនិត​របស់​នាង​ដោយ​បើកចំហ​ គ្មាន​ការ​ភ័យខ្លាច។ ប៉ុន្តែ​លទ្ធផល​នោះ​ នាងត្រូវបានគេរិះគន់​ធ្វើបាប​យ៉ាង​ធ្ងន់ធ្ងរ ​នូវអ្វី​ដែល​នាង​បាន​ចែក​រំលែក​ ក្នុង​ការឡាយ​ក្នុងអ៊ីនស្តាក្រាមចុងក្រោយរបស់នាង។

នៅ​ថ្ងៃ​បន្ទាប់ Sulli បាន​សម្រេចចិត្ត​បញ្ចប់​ជីវិត​ខ្លួនឯង។ នេះ​ជា​អ្វី​ដែល​មាន​សំពាធ​ និង​អយុត្តិធម៌​ខ្លាំង​ វា​ប្រៀប​ដូច​ជា​បិសាច​ឆក​យក​ជីវិត​​ពួកគេ​ ទាំង​មិន​បាន​ត្រៀម​ចិត្ត៕​

ប្រែសម្រួល៖ សាង ស្រីល័ក្ខ

ប្រភព៖highschool

ចុចអាន៖រូបភាពត្រជាក់ភ្នែកពីក្រុម BTS ក្រោយប្រធានាធិបតី Moon Jae In តែងតាំងជាបេសកជនពិសេសតំណាងប្រទេស

ចុចអាន៖ទស្សនាវដ្ដី Forbes កូរ៉េ ចេញចំណាត់ថ្នាក់តារា K-Pop រកចំណូលបានច្រើនជាងគេ ក្នុង ឆានែលយូធូបប្រចាំឆ្នាំ ២០២១

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១៨ នាទី មុន

លោក គួច ខេវិន ៖ ពិធីករ-ពិធីការិនី មានតួនាទីសំខាន់ក្នុងការបង្ហាញអត្តសញ្ញាណថ្លៃថ្នូរ​ជាតិសាសន៍ខ្លួន

ព័ត៌មានអន្ដរជាតិ១៨ នាទី មុន

ហាងឆេងតម្លៃប្រេងសាំងពិភពលោក បន្តធ្លាក់ថ្លៃច្រើនគួរសម

ព័ត៌មានអន្ដរជាតិ២៥ នាទី មុន

វៀតណាម ជាប់ចំណាត់ថ្នាក់ទី៦ ជាប្រជាជនមានសុភមង្គលបំផុតនៅ អាស៊ី

សន្តិសុខសង្គម៣០ នាទី មុន

មន្ត្រីជំនាញខេត្តកំពង់ចាម ចុះណែនាំដល់ម្ចាស់យានដ្ឋានជួសជុល និងកែច្នៃឧបករណ៍បំពងសំឡេងខុសបច្ចេកទេស

ព័ត៌មានជាតិ៣៦ នាទី មុន

មន្ត្រីនាំពាក្យ៖ ការរឹតបន្ដឹងអាជីវកម្មគ្រាប់រំសេវ ជាវិធានការទប់ស្កាត់ ដើម្បីបញ្ចៀសរាល់បាតុភាពផ្សេងៗ

Sokha Hotels

ព័ត៌មានពេញនិយម