ចម្ងល់ចាក់ស្ត្រេះ ក្រោយបញ្ចប់រឿង ហ្វេនៗជំរុញឱ្យ "Squid Game" ផលិតវគ្គ២ឆាប់ៗ
Connect with us
Helistar Cambodia - Helicopter Charter Services

ជីវិតកម្សាន្ដ

ចម្ងល់ចាក់ស្ត្រេះ ក្រោយបញ្ចប់រឿង ហ្វេនៗជំរុញឱ្យ “Squid Game” ផលិតវគ្គ២ឆាប់ៗ

បានផុស

នៅ

ភាពយន្តភាគកូរ៉េខាងត្បូងល្បីកក្រើកប្រចាំខែនេះ រឿង Squid Game បានបញ្ចប់ទៅដោយបន្សល់ទុកនូវចម្ងល់ចាក់ស្ត្រេះសម្រាប់ហ្វេនៗរាប់លាននាក់ ហើយពួកគេរំពឹងឱ្យមានការផលិតវគ្គ២ បន្តទៀតក្នុងពេលឆាប់ៗ ខណៈក្រុមហ៊ុន Netflix មិនទាន់បង្ហើបពីគម្រោងបញ្ចេញ Season2​ នៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Squid Game

ជាមួយនឹងជោគជ័យ មិនធ្លាប់មានរបស់រឿងភាគកូរ៉េដែលអាចដណ្ដើមចំនួនអ្នកទស្សនា ស្ថិតក្នុងលំដាប់ទី១ក្នុងតារាង Netflix ស្ទើរទូទាំងពិភពលោក មានទស្សនិកជនជាច្រើននាក់គាំទ្រ ក៏ដូចជាជំរុញផលិតករ ធ្វើយ៉ាងណាថតរដូវកាលទី២ឱ្យបានលឿន ដោយសម្អាងហេតុផល និងចម្ងល់ដូចខាងក្រោម៖

តើអ្នកជ្រើសរើសបេក្ខជនឱ្យចូលរួមលេងហ្គេម មានមុខងារសំខាន់អ្វីក្នុង Squid Game ?

Squid Game

ផ្ដើមរឿងក្នុងភាគទី១ និងភាគបញ្ចប់តួអង្គលោក Gong Yoo បានលេចវត្តមានគួរឱ្យភ្ញាក់ផ្អើល ព្រោះគាត់តារាសម្ដែងដ៏មានប្រជាប្រិយភាព តែមកដើរតួជាអ្នកជ្រើសរើសបេក្ខជនក្នុងការប្រកួត ល្បែងលោតមឹក​។ ដំបូងគ្រប់គ្នាយល់ថា គាត់គ្រាន់តែជាអ្នកបញ្ចុះបញ្ចូលបេក្ខជន ឱ្យចូលរួមលេងហ្គេមប៉ុណ្ណឹងឯង  ប៉ុន្តែដោយសារគាត់ជាតារាសម្តែងជួរមុខលំដាប់ប្រទេស គេគិតថា គាត់មិនមែនជាតួធម្មតានោះទេ ហើយសមាសភាពរបស់គាត់អាចនឹងបកស្រាយនៅវគ្គ២។

តើភ្នាក់ងារពាក់អាវផ្កាឈូកដិត ដែលគេហៅថា Henchmen ត្រូវជ្រើសរើសមកយ៉ាងដូចម្ដេច?

Squid Game

ភ្នាក់ងាររបស់អ្នករៀបចំកម្មវិធីហ្គេមមរណៈ ទំនងសុទ្ធតែយុវជនក្មេងៗ ខណៈចម្ងល់ត្រង់នេះគឺថា តើពួកគេត្រូវបានជ្រើសរើសមកយ៉ាងម៉េច? ជាមួយនឹងលក្ខខណ្ឌការងារដ៏គ្រោះថ្នាក់ មិនឱ្យនិយាយជាមួយមិត្តរូមការងារ មិនឱ្យឆ្លើយជាមួយបេក្ខជន និងមិនឱ្យដោះរបាំងបង្ហាញមុខមាត់ពិត តើពួកគេទទួលអ្វីជាសំណង?   

តើប៉ូលិស ជុនហូ ដែលបន្លំខ្លួនជាភ្នាក់ងារ ពិតជាស្លាប់ឬយ៉ាងណា?

Squid Game

ភាគទី៨ តួអង្គប៉ូលិស ជុនហូ (Jun-ho) ត្រូវបានបាញ់ធ្លាក់ពីលើជ្រោះចូលទៅក្នុងទឹកសមុទ្រ ​មិនដឹងរស់ឬស្លាប់។ ភាគនេះ អ៊ីនហូ (In-ho) ប្រើគ្រាប់កាំភ្លើងមួយគ្រាប់ចុងក្រោយរបស់ខ្លួន បាញ់ប្អូនប្រុសចំស្មាធ្លាក់ចុះក្រោមបាត់។។

ត្រង់ណេះ បើសិន អ៊ីនហូ ពិតជាចង់សម្លាប់ប្អូនប្រុសពិតមែន គាត់មិនមែនបាញ់ចំស្មាទេ ព្រោះក្នុងស្ថាប័ន Squid Game សុទ្ធតែបាញ់សម្លាប់ចំក្បាលទាំងអស់។ ដូច្នេះ ហ្វេនជឿជាក់ថា ជុនហូ មិនទាន់ស្លាប់ ហើយនឹងត្រឡប់មកវិញនៅរដូវកាលទី ២ ។

តើរឿងពិតរបស់ អ៊ីនហូ បែបណាដែរ?

Squid Game

អ៊ីនហូ ជាបងប្រុសរបស់ ជុនហូ ហើយគាត់ជាអ​តីតបេក្ខជនឈ្នះការប្រកួត កាលពីឆ្នាំ ២០១៥។ ទោះយ៉ាងណាអ្វីដែលទស្សនិកនៅតែមន្ទិលមិនដឹងពីមូលហេតុពិតដែលនាំឱ្យគាត់ចូលរួមលេងហ្គេមនេះ និងហេតុផលអ្វីដែលគាត់អាចក្លាយជា Frontman ។ តើលោកតា អ៊ីលណាំ (Il-nam) ជ្រើសរើសគាត់ដោយរបៀបណា? ហេតុអ្វីគាត់ព្រមធ្វើជាភ្នាក់ងារ Squid Game? តើគាត់បានធ្វើអ្វីខ្លះដើម្បីឈ្នះការប្រកួតលើកមុន? ហ្វេនៗរំពឹងថា នៅរដូវកាលទី ២ គេនឹងដឹងប្រវត្តិរបស់អ៊ីនហូកាន់តែច្បាស់។

លោកតា អ៊ីលណាំ ស្លាប់បាត់ហើយ តើអ្នកណាជាអ្នកដឹកនាំ Squid Game បន្ត?

Squid Game

ដំបូងឡើយ គេស្មានតែ Gong Yoo ជាមេធំនៃហ្គេម ដល់ចុងបញ្ចប់ទើបដឹងថា លោកតា អ៊ីលណាំ​ ជាមេកំពូលសោះ។ នៅភាគទី ៩ ដែលជាភាគចុងក្រោយនៃរឿង អ៊ិនហូ គឺជាមនុស្សចុងក្រោយដែលនៅជិតលោកតា អ៊ីលណាំ ពេលគាត់ស្លាប់​ ទើបគេហ្វេនឆ្ងល់ថា តើគាត់ជាអ្នកស្នងតំណែងលោតា អ៊ីលណាំ ឬយ៉ាងណា?

តើតួអង្គឯក ជីហុន នឹងធ្វើអ្វីបន្តទៀត?

Squid Game

នៅចុងបញ្ចប់នៃរដូវកាលទី២នេះ ជីហុន (Gi-hun) បានសម្រេចចិត្តមិនឡើងយន្តហោះទៅបរទេសឡើយ ហើយគាត់ត្រឡប់ក្រោយវិញដោយដៃមានកាន់កាតចូលរួមប្រកួត ល្បែងលោតមឹក មួយទៀត។  ទស្សនិកជនឃើញទឹកមុខរបស់គាត់ប្រកបដោយការប្ដេជ្ញាចិត្តខ្ពស់ ទើបបានជាគេរំពឹងថា វគ្គ២នឹងត្រូវផលិត ហើយហ្គេមវគ្គថ្មីនឹងបញ្ចប់ជារៀងរហូតដោយ ជីហុន នេះឯង៕

ប្រែសម្រួល៖ សន្យា

ប្រភព៖ GOGGLER

ចុចអាន៖ ការពិតគួរឱ្យភ្ញាក់ផ្អើល ពីក្រោយភាពល្បីល្បាញនៃភាពយន្ត “Squid Game”

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services