ជីវិតកម្សាន្ដ
ភ្ញាក់ផ្អើលខ្លាំង! ខ្ញុង សារភាពជំពាក់បំណុលគេជាង ៥០ម៉ឺនដុល្លារ និងសុំឲ្យមហាជនជួយនាង
មានការភ្ញាក់ផ្អើលខ្លាំងសម្រាប់មហាជន និងអ្នកគាំទ្រ បន្ទាប់តារាកំប្លែងអ្នកនាង ស្រេង សុកាន់ដា ហៅខ្ញុង បានចេញមុខសារភាព តាមរយៈការផ្សាយផ្ទាល់នៅលើទំព័រហ្វេសប៊ុក រៀបរាប់ពីរឿងជំពាក់លុយគេជាង ៥០ម៉ឺនដុល្លារ។
អ្នកនាង ខ្ញុង បានយំរៀបរាប់ទាំងទឹកភ្នែក នៅព្រឹកថ្ងៃទី១៨ ខែតុលា ឆ្នាំ២០២១នេះ ដោយសារភាពថា ខ្លួនបានជំពាក់បំណុលគេចំនួន ៥៧២,០០០ដុល្លារ។ ខណ:ម្ចាស់បំណុល ដែលនាងបានជំពាក់នោះ មានជាង ២០នាក់ទាំងខ្ចីការប្រាក់ គ្មានការប្រាក់ និងតាមរយ:សែកផងដែរ។
តារាកំប្លែង ខ្ញុង និយាយទៀតថា បំណុលរបស់នាងជំពាក់ គិតមកដល់ពេលនេះ មានរយ:ពេល ៣ឆ្នាំហើយដោយសារមូលហេតុក្ស័យធន ក្នុងការរកស៊ីដែលមិនច្បាស់លាស់។ អ្នកនាង ខ្ញុង ក្រៅតែចូលខ្លួនសារភាព (ប្តឹងខ្លួនឯង) នៅសាលាដំបូងរាជធានីភ្នំពេញ នាងក៏បានអំពាវនាវដោយស្នើសុំការយោគយល់ ពីម្ចាស់បំណុលទាំងអស់ទុកឱកាសជាថ្មី ដើម្បីឲ្យនាងមានពេលរកស៊ី ដោះបំណុលទាំងនេះផង ព្រោះនាងមិនបានរត់គេចវេសឡើយ។
ខ្ញុង បានក៏បានបញ្ជាក់ដែរថា «នាងខ្ញុំពិតជាបានខ្ចីបំណុល ម្ចាស់បំណុលជាច្រើនទាំងមានសែក គ្មានសែក នាងខ្ញុំពិតជាអស់លទ្ធភាព ក្នុងការរកប្រាក់មកសងបំណុលតទៅទៀតហើយ។ នាងខ្ញុំមានតែត្រូវជាប់ពន្ធនាគារ ដែលមូលហេតុមិនមានប្រាក់ សងម្ចាស់បំណុលតទៅទៀតទេ»។
នាងបន្តទៀតថា «ដោយនាងខ្ញុំអាណិតកូនប្រុសទាំងពីរនាក់ ដែលមានម្ដាយនឹងត្រូវជាប់ពន្ធនាគារ ដូចនេះហើយដើម្បីឲ្យកូនខ្ញុំ បានបន្តរៀនសូត្រនឹងបានបាយហូប សូមបងប្អូនដែលធ្លាប់គាំទ្រនាងខ្ញុំ ជួយអនុគ្រោះផ្តល់ជូនខ្ញុំ ១ដុល្លារផងចុះ។ នាងខ្ញុំពិតជាអរគុណ បងប្អូនទាំងអស់គ្នាទុកជាមុន និងជូនពរបងប្អូនទាំងអស់គ្នា ជួបតែសំណាងល្អ សូមកុំជួបរឿងដូចខ្ញុំអី»៕
អត្ថបទ៖ ចាន់ រ៉ា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង