Kim Soo Hyun បំបែកកំណត់ត្រាជាថ្មី ក្លាយជាតារាប្រុសស៊ីថ្លៃបំផុត ក្នុងវិស័យភាពយន្តកូរ៉េ

តារាសម្តែង Kim Soo Hyun បានក្លាយជាតារាសម្តែងលំដាប់ A របស់កូរ៉េខាងត្បូង ជាមួយនឹងតម្លៃនៃការបង្ហាញខ្លួនបំបែកកំណត់ត្រា នៅក្នុងខ្សែភាពយន្តភាគថ្មីបំផុតរឿង One Ordinary Day ។

ស្ថិតក្នុងវ័យ ៣៣ឆ្នាំ តារាសម្តែងដ៏មានទេពកោសល្យរូបនេះ បានយកឈ្នះចិត្តទស្សនិកជនរាប់លាននាក់ ​រហូតបានឈរលើបញ្ជីរតារាប្រុសស៊ីថ្លៃបំផុត ខណៈសម្ដែងតែមួយភាគប៉ុណ្ណោះ Kim Soo Hyun បានតម្លៃខ្លួន ៥០០លានវ៉ុន (ប្រហែល ៤២៣,០០០ ដុល្លារអាមេរិក)។

ប្រភពពី Koreaboo បានឱ្យដឹងថា Kim Soo Hyun ជាតារាប្រុសដ៏មានទេពកោសល្យ សម្ដែងបានគ្រប់ទម្រង់ ជាពិសេសជំនាញខាងបង្ហូរទឹកភ្នែក ​ទើបធ្វើឱ្យ​ផលិតកម្ម​ជាច្រើនទាក់ទងថត សឹងគ្មានពេលសម្រាក។

ឆ្នាំ ២០២១ នេះ Kim So Hyun មានទ្រព្យសម្បត្តិសុទ្ធ ១១៧ លានដុល្លារអាមេរិកនៅក្នុងដៃ និងបានក្លាយជាតារាសម្ដែងកូរ៉េដែលមានជាងគេបំផុតក្នុងវិស័យភាពយន្ត។ ភាពយន្តល្បីៗរបស់ Kim So Hyun គឺរឿង “សង្សារខ្ញុំជាមនុស្សភពផ្កាយ” រឿង “It’s Okay to be not Ok” និងចុងក្រោយនេះគឺរឿង “One Ordinary Day” ។ លោកជាតារាប្រុសជួរមុខក្នុងប្រទេសដែលស៊ីថ្លៃជាងគេក្នុងទឹកប្រាក់ប្រមាណ ៨៤,០០០ ដុល្លារអាមេរិកក្នុងការសម្ដែងរឿងមួយភាគ កាលពីដើមឆ្នាំ ២០២១។ ប៉ុន្តែមកទល់នឹងបច្ចុប្បន្ន តារាសម្ដែងរូបនេះ ឡើងតម្លៃខ្លួនរហូតជាង ៤០ម៉ឺនដុល្លារ៕

ប្រែសម្រួល៖ ​សន្យា

ចុចអាន៖ Song Hye Kyo និង Jun Ji Hyun ក្លាយជាតារាស្រី​កូរ៉េខាងត្បូង រកចំណូលបានច្រើនជាងគេ ក្នុងរឿងមួយភាគ

ចុចអាន៖ Miss Grand International ឲ្យនិមយមន័យ ៤ នេះ លើឈុតតំណាងជាតិ ទើបក្លាយជា Best ” National Costume ” បាន