ជីវិតកម្សាន្ដ

កុំភ្លេចយប់នេះ! បវរកញ្ញាកម្ពុជា ងិន ម៉ារ៉ាឌី គ្រងឈុតតំណាងជាតិឈ្មោះថា «វប្បការិកា ចត្វានិមិត្ត»លើឆាកអន្តរជាតិ

បានផុស

៤ years មុន

នៅ

ថ្ងៃសុក្រ ១០ ធ្នូ ២០២១

ដោយ

ភ្នំពេញ ៖ បវរកញ្ញាកម្ពុជាកញ្ញា ងិន ម៉ារ៉ាឌី ដែលជាម្ចាស់ម្កុដMiss Universe Cambodia 2021 គឺតំណាងឱ្យកម្ពុជាទៅចូលរួមប្រកួតក្នុងកម្មវិធីប្រកួតMiss Universe លើកទី៧០ឆ្នាំ២០២១នៅប្រទេសអ៊ីស្រាអែល។

ក្នុងកម្មវិធីដ៏អស្ចារ្យនេះដែរ បវរកញ្ញាកម្ពុជាកញ្ញាងិន ម៉ារ៉ាឌី ក៏បាននាំយកនូវឈុតតំណាងជាតិដែល បានសម្រិតសម្រាំងយ៉ាងល្អប្រណីតឈ្មោះថា« វប្បការិកា ចត្វានិមិត្ត»ដើម្បីបង្ហាញលើឆាកអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅរាត្រីថ្ងៃទី១០ ខែធ្នូ ឆ្នាំ២០២១នេះ វេលាម៉ោង១២យប់តទៅម៉ោងនៅកម្ពុជាកញ្ញា ងិន ម៉ារ៉ាឌី នឹងគ្រងឈុតតំណាងជាតិបង្ហាញនៅលើឆាកអន្តរជាតិដើម្បីឲ្យពិភពលោកបានស្គាល់កាន់តែច្បាស់នូវអរិយធម៌ វប្បធម៌ពីបុព្វកាលរបស់ដូនតាយើងបន្សល់ទុក។

សម្រាប់ការត្រៀមបង្ហាញខ្លួនរបស់កញ្ញា ងិន ម៉ារ៉ាឌី ជាមួយឈុតតំណាងជាតិ«វប្បការិកា ចត្វានិមិត្ត » នារាត្រីថ្ងៃទី១០ខែធ្នូនេះបានធ្វើឱ្យមហាជននិងអ្នកគាំទ្រពិសេសអ្នកប្រើប្រាស់បណ្ដាញសង្គមហ្វេសប៊ុកសម្តែងក្តីរំភើបខ្លាំងនិងរង់ចាំទស្សនាយ៉ាងអន្ទះសាផងដែរ។

ដោយឡែកបើចាប់អារម្មណ៍នៅលើទំព័រហ្វេសប៊ុករបស់បវរកញ្ញា ងិន ម៉ារ៉ាឌី កាលពីថ្ងៃម្សិលមិញនា ងក៏បានស្នើឲ្យមហាជនជួយគាំទ្រនិងផ្តល់កម្លាំងចិត្តផង។ កញ្ញា ងិន ម៉ារ៉ាឌី បានលើកឡើងថា សូមរង់ចាំតាមដានទស្សនាការប្រកួតនិងផ្តល់កម្លាំងចិត្តដល់រូបនាងខ្ញុំផងណា។សូមអរគុណអ្នកទាំង អស់គ្នាសម្រាប់ការស្រលាញ់មកលើរូបនាងខ្ញុំ៕

ដោយ ៖ ចាន់រ៉ា