Lisa សមាជិកក្រុម BLACKPINK បង្កើតប្រវត្តិសាស្ត្រ Billboard លើកដំបូង

កញ្ញា Lisa សមាជិកក្រុម BLACKPINK បានបង្កើតប្រវត្តិសាស្ត្រនៅលើតារាង Billboard ដំបូងគេក្នុងប្រទេសកូរ៉េ ជាប់ឈ្មោះជាតារាចម្រៀងស្រីទោលមានការពេញនិយមបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី១៤ ខែធ្នូ ឆ្នាំ២០២១ ​Billboard បានប្រកាសឈ្មោះតារាចម្រៀង Lisa ជាតារាចម្រៀងស្រីទោលទី១ ដែលទទួលបានពិន្ទុខ្ពស់នៅលើតារាង Billboard’s Pop Airplay ដោយសារបទចម្រៀងទោលរបស់នាងគឺបទ “MONEY” បានជាប់ក្នុងតារាង​ top 40 ។

ជាមួយនឹងសមិទ្ធិផលថ្មីនេះ Lisa បានក្លាយជាសិល្បការិនីទោលក្នុងពិភព K-pop និងជាតារាស្រីតែម្នាក់គត់ក្នុងប្រវត្តិសាស្ត្រ Billboard ដែលបានបង្ហាញខ្លួននៅលើតារាង Pop Airplay ខណៈមុនពេលមានឈ្មោះរបស់នាង មានតារា K-pop ពីររូបប៉ុណ្ណោះដែលធ្លាប់បានចូលក្នុងតារាងនេះ នោះគឺ PSY ម្ចាស់បទ “Gangnam Style” និងតារាចម្រៀង Suga សមាជិក BTS ម្ចាស់បទ “Blueberry Eyes” ។

គួររលឹកដែរថា ក្រុម BLACKPINK ក៏ធ្លាប់មានឈ្មោះក្នុងតារាង Pop Airplay កាលពីឆ្នាំ២០២០ ផងដែរ ជាមួយនឹងបទ “Ice Cream” ដែលច្រៀងរួមគ្នាជាមួយតារាចម្រៀង Selena Gomez ។ យ៉ាងណាមិញ បទនោះជាបទច្រៀងជាក្រុមប៉ុណ្ណោះ ខណៈបពេលនេះ Lisa ដណ្ដើមឈ្មោះនៅក្នុងតារាកំពូលតែឯង។

បទ “MONEY” ​បាន​បំបែកក​កំណត់​ត្រា​​ ជា​បទ​ចម្រៀង​​ដែលច្រៀងដោយតារាស្រីទោលរបស់ K-pop នៅ​លើ​ Billboard’s Global 200 និង Global Excl ។ រាប់តាំងពីពេលចេញផ្សាយ បានរយៈពេល ១៣សប្តាហ៍ បទ “MONEY” ហក់ចូលក្នុងចំណាត់កំពូលទាំង ៣០បទ នៅលើតារាង Global Excl  និងឈរលំដាប់ទី ៥៣ នៅលើតារាង Global 200។ ចំណែកបទចម្រៀងទោលរបស់ Lisa គឺ “LALISA” នៅតែឈរក្នុងបទពេញនិយមបំផុតនៅលើតារាង Global Excl ដូចមុនដដែល៕

ប្រែសម្រួល៖ ​សន្យា

ចុចអាន៖ Jin សមាជិក BTS លេចមុខលើទស្សនាវដ្ដី Forbes ជា “សិល្បករប្រុសជោគជ័យខ្លាំង” ក្នុងវិស័យ K-Pop

ចុចអាន៖ Chansung សមាជិកក្រុម 2PM ប្រកាសរៀបការយ៉ាងតក់ក្រហល់ ក្រោយជិតក្លាយជាឪពុកគេ