IU ក្លាយជាទូតសុឆន្ទៈប្រេន Gucci ជាមួយនឹងរូបថតដ៏ស្រស់ស្អាតជាច្រើនសន្លឹក

រូបថតច្រើនសន្លឹករបស់តារាចម្រៀង និងជាតារាសម្ដែង​កូរ៉េ កញ្ញា IU បានធ្វើអ្នកគាំទ្រចាប់អារម្មណ៍ជាខ្លាំងជាមួយស្ទីលប្លែកៗ ស្រស់ស្អាត ក្នុងការផ្សព្វផ្សាយម៉ាកកាបូបដ៏ល្បី ‘Love Parade’ របស់ប្រេន Gucci នៅលើទស្សនាវដ្ដី Marie Claire។

នៅថ្ងៃទី១៥ ខែកុម្ភៈ ឆ្នាំ២០២២ នេះ តារាស្រី IU បានបង្ហាញខ្លួនជាមួយប្រេនលំដាប់ពិភពលោក Gucci នៅលើគ្របទំព័រមុខរបស់ទស្សនាវដ្ដី Marie Claire ដែលនឹងបោះពុម្ពសម្រាប់ខែមីនាខាងមុខ។ នេះបើតាមការឱ្យពីសារព័ត៌មាន Allkpop។

ការបង្ហាញខ្លួនរបស់ IU ត្រូវបានសារព័ត៌មានដដែល បានឱ្យដឹងថា ដោយសារនាងទើបតែបានតែងតាំងជាទូតសុឆន្ទៈសកលសម្រាប់ប្រេន Gucci ដូច្នោះហើយ ទើបនាងត្រូវថតផ្សព្វផ្សាយឱ្យម៉ាកយីហោនេះ។ ជាមួយរូបថតដែលបានចេញផ្សាយ IU ពិតជាទាក់ទាញឥតចន្លោះជាមួយសម្រស់ដ៏ស្រស់ស្អាត និង​ស្ទីលលេងទឹកមុខ បូករួមនឹងសម្លៀកបំពាក់ទាន់សម័យទៀតនោះ ធ្វើឱ្យនាងកាន់តែលេចធ្លោ ស្រស់ស្អាតទ្វេឡើង៕

ប្រែសម្រួល៖ សន្យា

ចុចអាន៖ តារាកូរ៉េទាំងនេះ ក្លាយជាទូតសុឆន្ទៈប្រចាំម៉ាកយីហោល្បីៗ​ នៅទូទាំងពិភពលោក

ចុចអាន៖ បវរកញ្ញាចក្រវាល ថៃ ៣ រូប បញ្ចេញរូបសិចស៊ី ក្នុងទិវាក្ដីស្រលាញ់ម្សិលមិញ