ជីវិតកម្សាន្ដ

តារាខ្មែរ២ដួងលង់ខ្លួនជាមួយការលេងតុងទីនអស់លុយរាប់សែនដុល្លារ

បានផុស

២ years មុន

នៅ

ថ្ងៃសុក្រ ១៨ កុម្ភៈ ២០២២

ដោយ

ភ្នំពេញ ៖ បើតាមការកត់សម្គាល់ឈានចូលដល់ដើម ឆ្នាំ២០២២នេះភ្លាមគេឃើញមានតារាប្រុស-ស្រីល្បីចំនួន២ដួង ដែលបានប្រកាសដំណឹងនូវដ៏រសើបនិងភ្ញាក់ផ្អើលខ្លាំងនៅក្នុងសង្គមខ្មែរដូចគ្នាជុំវិញការផុងខ្លួនអស់លុយរាប់សិបម៉ឺនដុល្លារព្រោះបញ្ហានៃការលេងតុងទីន(មេតុងទីន)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីត្បិតតែរឿងរ៉ាវនេះកើតឡើងផ្សេងគ្នាក៏ពិតមែប៉ុន្តែ បើចាប់អារម្មណ៍មើលពីទំហំទឹកប្រាក់របស់អ្នកទាំងពីរដែលត្រូវបានលង់ខ្លួនជាមួយការលេងតុងទីននោះគឺសុទ្ធសឹងតែចំណាយអស់ខ្ទង់ប្រហាក់ប្រហែលគ្នា។ ចំពោះតារាប្រុស-ស្រីទាំង២ដួងដែលកំពុងផុងខ្លួននឹងការលេងតុនទីននោះគឺ,១.តារាសម្តែងអ្នកនាង សូ ដានីតា កាលពីថ្មីៗនេះបានប្រកាសដោយទម្លាយយ៉ាងភ្ញាក់ផ្អើលនូវរឿងរ៉ាវផុងខ្លួនខាតបង់ទំហំទឹកប្រាប់ប្រមាណជិត៦០ម៉ឺនដុល្លារដោយសារតែការចាញ់បោកគេតាមរយៈការលេងតុនទីន។ ខណៈកន្លងមកនាងក៏ធ្លាប់ប្រកាសករណីអ្នកនាងសឿ សុធារ៉ា ជំពាក់លុយជិត៤ម៉ឺនដុល្លារមិនទាន់សងផងនោះ។

ដោយការអស់ភាពអត់ធ្មត់ស្រី សូ ដានីតា កាលពីប៉ុន្មានថ្ងៃមុននេះក៏បានប្រកាសស្វែងរកនិងបង្ហាញ មុខបុគ្គលដែលជំពាក់លុយខ្លួនជិត៦០ម៉ឺនដុល្លារ ដើម្បីចូលខ្លួនដោះស្រាយបន្ទាន់។ អ្នកនាង សូ ដានីតា បញ្ជាក់ថា នេះជាលើកទី២ហើយដែលនាងបានប្រកាសតាមរកបុគ្គលរូបនោះ។

២.តារាសម្តែងលោក ម៉ា ដូណា ថ្មីៗនេះក៏បានទម្លា យយ៉ាងភ្ញាក់ផ្អើលនូវរឿងរ៉ាវដែលលោកបានផុងខ្លួ នជាមួយការលេងតុងទីនអស់លុយជាង៥០ម៉ឺនដុល្លារផងដែរ ខណៈលោកថាខ្លួនគឺជាជនរងគ្រោះដោយសារកូនតុងទីនបោកជាច្រើននាក់។

លោក ម៉ា ដូណា បានបញ្ជាក់ថា ដោយសារតែបញ្ហានេះហើយទើបរុញច្រានជីវិតរបស់លោករហូតលង់ ខ្លួនយកប្លង់ដីជាង៣ហិតាទៅដាក់បញ្ចាំលក់ខុនដូរអស់១កន្លែង ឡាន១គ្រឿងនិងរបស់របរលំអខ្លួនជាច្រើនទៀតដើម្បីដោះបំណុលគេ។

សូមបញ្ជាក់ដែរថា នាអំឡុងចុងឆ្នាំ២០២១និងចូលដល់ដើមឆ្នាំ២០២២នេះគេឃើញមានតារាប្រុស- ស្រីល្បីៗមួយចំនួនបានផ្ទុះនូវរឿងរ៉ាវដ៏រសើបនិងភ្ញាក់ផ្អើលខ្លាំងនៅក្នុងសង្គមខ្មែរប្រហែលគ្នាជុំវិញការផុងខ្លួនអស់លុយរាប់សិបម៉ឺនដុល្លារដោយហេតុផលផ្សេងៗផងដែរ៕

ដោយ ៖ ចាន់រ៉ា