មកដឹងប្រវត្តិអតីតម្ចាស់ជើងឯកខ្សែក្រវាត់កីឡាកាសលោក Dwayne Johnson
Connect with us
Helistar Cambodia - Helicopter Charter Services

ជីវិតកម្សាន្ដ

មកដឹងប្រវត្តិអតីតម្ចាស់ជើងឯកខ្សែក្រវាត់កីឡាកាសលោក Dwayne Johnson

Published

on

តារាសម្តែង ផលិតករ និងអ្នកកីឡាកាសអាជីពអាមេរិកលោក Dwayne Johnson ឬ “The Rock” ត្រូវបានមនុស្សស្ទើរទូទាំងពិភណលោកស្គាល់តាមរយៈកម្មវិធីប្រកួតកីឡាកាស។ ថ្មីៗនេះ លោកត្រូវបានគេដឹងថា ជាតារាសម្តែងដែលមានប្រាក់ចំណូលខ្ពស់បំផុតមួយរូបនៅលើពិភពលោកផងដែរ។ នេះបើតាមការចុះផ្សាយរបស់ទស្សនាវដ្ដី Forbes ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការប៉ាន់ប្រមាណរបស់ទស្សនាវដ្ដីដដែល គិតត្រឹមឆ្នាំ ២០២០ ទ្រព្យសម្បត្តិសុទ្ធរបស់ Dwayne Johnson មានចំនួន ៣២០ លានដុល្លារ។

តើអតីតកីឡាករបោកចំបាប់រូបនេះមានខ្សែជីវិតដំបូងបែបណា មុនត្រូវបានទទួលស្គាល់ជាអន្តរជាតិដូចសព្វថ្ងៃ?

Dwayne Johnson កើតថ្ងៃទី ២ ខែឧសភាឆ្នាំ ១៩៧២ នៅក្រុង Hayward រដ្ឋកាលីហ្វ័រញ៉ា។ គ្រួសាររបស់លោក ជាខ្សែស្រឡាយអ្នកកីឡាកាស ដែលមានឪពុកនិងជីតាសុទ្ធតែជាអតីតអ្នកកីឡាកាសអាជីព ហើយសូម្បីតែជីដូនក៏ជាអ្នកផ្សព្វផ្សាយកីឡាកាសដែរ។

Dwayne Johnson ធ្លាប់រស់នៅប្រទេសនូវែលហ្សេឡង់ជាមួយគ្រួសារខាងម្តាយក្នុងរយៈពេលខ្លីកាលពីនៅក្មេង។ ប៉ុន្តែលោកបានត្រឡប់មកសហរដ្ឋអាមេរិកវិញ ពេលរៀនថ្នាក់ទី ១០ នៅវិទ្យាល័យមួយ ក្នុងរដ្ឋហាវ៉ៃ។

នៅឆ្នាំបន្ទាប់ តារាសាច់ដុំរូបនេះ បានទទួលអាហារូបករណ៍បាល់ទាត់ពីសាកលវិទ្យាល័យ Miami និងក្លាយជាកីឡាជម្រើសក្រុមជើងឯកជាតិនៅឯទីក្រុងដដែលនេះ ប៉ុន្តែលោកមិនអាចទៅលេងបានដោយសារតែមានបញ្ហារបួស។ បន្ទាប់ពីបញ្ចប់ការសិក្សា Dwayne បានផ្លាស់ទៅប្រទេសកាណាដាដើម្បីចូលរួមជាមួយក្រុមកីឡាបាល់ទាត់ Calgary Stampeders នៅក្នុងក្របខណ្ឌ CFL។

អំពីអាជីព

ក្នុងឆ្នាំ ១៩៩៦ តារាប្រុសបញ្ចូលសំឡេងរឿង Moana រូបនេះ បានព្យាយាមបោកចំបាប់ជាច្រើននៅក្នុងកម្មវិធី WWF (World Wrestling Federation) ដែលក្នុងនោះលោកឈ្នះការប្រកួតតែម្ដងគត់ និងចាញ់ពីរដង ប៉ុន្តែនៅចុងឆ្នាំដដែល  Dwayne បានចុះកិច្ចសន្យាជាមួយអង្គការ WWF។

Dwayne Johnson បង្ហាញខ្លួនលើកដំបូងនៅក្នុងកម្មវិធីប្រកួតកីឡាកាស WWE ក្នុងឆ្នាំ ១៩៩៦ និងបានឈ្នះការប្រកួតជាបន្តបន្ទាប់ រហូតឆ្នាំ ២០០២ លោកត្រូវបានគេដាក់ឈ្មោះថា “មនុស្សជើងឯក’” (The People’s Champion)។

ដោយឡែក ខ្សែភាពយន្តធំៗរបស់ Dwayne Johnson ដែលបានសម្តែងរយៈពេលច្រើនឆ្នាំមកនេះរួមមាន៖ Central Intelligence (២០១៦), Baywatch (២០១៧), San Andreas (២០១៥), Moana (២០១៦-ជាអ្នកបញ្ចូលសំឡេង), Hercules (២០១៤), Furious 7 (២០១៥), Pain & Gain (២០១៣), The Scorpion King (២០០២), Snitch (២០១៣), Skyscraper (២០១៨) និង Jumanji (២០១៧) ។ល។

តើ Dwayne Johnson ចំណាយប្រាក់របស់ខ្លួនដូចម្តេច?

Dwayne Johnson ជាកំពូលតារាដែលរកចំណូលបានច្រើនបំផុតមួយរូបនៅពិភពហូលីវូដ។ តាមរយៈការសម្តែង ការផលិតកម្មវិធីទូរទស្សន៍ និងកិច្ចសន្យាផ្សាយនានា លោកកើបលុយមិនតិចទេក្នុងមួយឆ្នាំៗ។

នៅឆ្នាំ ២០០៦ លោកបានបង្កើតមូលនិធិ Dwayne Johnson Rock Foundation ជាមូលនិធិសប្បុរសធម៌ដែលធ្វើការជាមួយកុមារពិការភាពដើម្បីលើកស្ទួយសមត្ថភាព និងជួយផ្តត់ផ្គង់ដល់ការរស់នៅរបស់ពួកគេ។

ចំពោះចំណាយផ្សេងទៀត តួឯករឿង Furious រូបនេះ មានការចំណាយប្លែកពីគេមួយនោះគឺ លោករមែងចាយលុយជាច្រើនទៅលើម្ហូបអាហារប្រចាំថ្ងៃ ដោយក្នុងមួយថ្ងៃលោកញ៉ាំអាហារប្រហែល ១០ ផោន ( ជាង ៤,៥ គីឡូក្រាម) ឯណោះ។

ក្រោពីនោះ តារាហូលីវូដរូបនេះចូលចិត្តជះលុយទិញឡានធុនធំៗដូចជា Ford F-150 ហើយកែច្នៃវាជារបៀបផ្ទាល់ខ្លួន និងបានចាយប្រាក់មួយចំណែកលើការចាក់សាក់ផងដែរ។

សម្រង់សម្ដី

“ភាពជោគជ័យមិនសុទ្ធតែជាភាពអស្ចារ្យនោះទេ ប៉ុន្តែវានិយាយអំពីការខំប្រឹងប្រែង។ កាលណាមានការខិតខំប្រឹងប្រែង នោះនឹងទទួលបានជោគជ័យ ហើយភាពអស្ចារ្យនឹងមកជាក្រោយ”៕

ប្រែសម្រួល៖ សន្យា

ប្រភព៖ Wealthy Gorilla

ចុចអាន៖​ រឿងរ៉ាវ​ជីវិត​មួយ​ចំនួន​ របស់​តារា​ប្រុស​​ Kem ​Hussawee ​ដែល​អ្នក​គ្រប់គ្នាមិនធ្លាប់ដឹង

ចុចអាន៖ ទម្លាប់​មួយ​ដែល​ក្សត្រី Elizabeth បាន​បង្ខំ​ឲ្យ​ព្រះអង្គ Philip ដាច់ខាត​ត្រូវ​តែ​ឈប់​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ2 mins ago

លោក គឹម សន្តិភាព ៖ អ្នក​ល្មើស​វិធានការ ហាមឃាត់​ការធ្វើដំណើរ ត្រូវ​ផ្ដន្ទាទោស​ពី ៣​ឆ្នាំ ទៅ​៥​ឆ្នាំ ឬ​ធ្ងន់​ជាង​នេះ

ព័ត៌មានជាតិ44 mins ago

លោកជំទាវ ម៉ែន សំអន ថ្លែងអំណរគុណ លោក ប៉ិច បូឡែន និងលោក ហុង លីម ដែលបានផ្តល់អំណោយក្នុងការចូលរួមប្រយុទ្ធប្រឆាំងនឹងកូវីដ១៩

ព័ត៌មានជាតិ1 hour ago

អតីតយុទ្ធជន​ជាង​៣​ម៉ឺន​៥​ពាន់​នាក់​ ហើយ​ទទួល​បាន​ចាក់​វ៉ាក់សាំង​ការពារ​កូ​វីដ​១៩

ព័ត៌មានជាតិ2 hours ago

អ្នកជំងឺកូវីដ១៩នៅផ្សារអូរឫស្សីបានទៅដើរផ្សារនៅផ្សារម៉ាក្រូសែនសុខ

ព័ត៌មានអន្ដរជាតិ3 hours ago

Breaking News! លោកស្រី អ៊ុងសាន ស៊ូជី រងការចោទប្រកាន់បទឧក្រិដ្ឋថ្មីមួយទៀត សរុបឡើងដល់ ៦ ករណី

Sokha Hotels

ព័ត៌មានពេញនិយម

Helistar Cambodia - Helicopter Charter Services