អតីតផលិតករលោក ឃុន ធារិទ្ធិ ត្រូវបានគេប្រកាសឲ្យចូលខ្លួនដោះស្រាយរឿងបំណុល

ផ្ទុះរឿងអាស្រូវដ៏រសើបមួយចំពោះអតីតផលិតករ និងជាអ្នកដឹកនាំសម្តែងវ័យក្មេង គឺលោក ឃុន ធារិទ្ធិ ខណ:ដែលសុខៗក៏មានការបង្ហោះនៅលើបណ្តាញសង្គមហ្វេសប៊ុកថា លោក ឃុន ធារិទ្ធិ ហៅ លោកRithOmega មានជាប់ពាក់ព័ន្ធរឿងបំណុល និងហៅឲ្យចូលខ្លួនដោះស្រាយ។

ដំណឹងនេះបានធ្វើឲ្យមហាជន និងអ្នកប្រើប្រាស់បណ្តាញសង្គមជាច្រើនមានការភ្ញាក់ផ្អើយហើយចាប់អារម្មណ៍គ្រប់គ្នាដោយហេតុថា អតីតផលិតករលោក ឃុន ធារិទ្ធិ កន្លងមកធ្លាប់មានលុយកាន់ពេញដៃ ហេតុអ្វីបែរជាជំពាក់បំណុលគេមិនសងរហូតធ្វើឲ្យម្ចាស់លុយខឹងទម្លាយជាសាធារណ:នៅលើបណ្តាញសង្គមយ៉ាងអាម៉ាស់ដូច្នេះទៅវិញ។

ជាក់ស្តែងនៅលើទំព័រហ្វេសប៊ុកឈ្មោះ Dara Rath បានប្រកាសជាសាធារណ:នៅព្រឹកថ្ងៃទី០៣ ខែសីហាឆ្នាំ២០២២​នេះថា សូមគោរពអញ្ជើញលោក ឃុន ធារិទ្ធិ ហៅលោក Rith Omega អតីតផលិតករ និងអ្នកជួយធានារឿងបំណុលរបស់គាត់ជួយទាក់ទងមកបន្ទាន់។ ប្រភពបានបន្ថែមថា គិតមកដល់ពេលនេះលោកបានពន្យាពេលឲ្យរហូត៣ឆ្នាំហើយ។

ពាក់ព័ន្ធរឿងរ៉ាវអាស្រូវដ៏រសើបខាងលើនេះដែរ គេនៅមិនទាន់ឃើញលោក ឃុន ធារិទ្ធិ ហៅ RithOmegaចេញមុខឆ្លើយតបឬបកស្រាយបែបណាទេ ខណ: កម្ពុជាថ្មី នៅព្រឹកថ្ងៃទី០៣ ខែសីហា ឆ្នាំ២០២២នេះ មិនទាន់អាចទាក់ទងដើម្បីសុំការបកស្រាយបានទេជុំវិញរឿងនេះ៕

អត្ថបទ៖ ចាន់រ៉ា