អ្នកគាំទ្រភ្ញាក់ផ្អើល ពេល Pancake បង្ហាញរូបភ្ញាក់ពីគេង គ្មានការតុបតែងមុខ

ថ្មីៗនេះនៅលើបណ្ដាញសង្គម Instagram របស់ Pancake បានបង្ហោះរូបភាពដែលនាងភ្ញាក់ពីគេង ហើយបង្ហាញផ្ទៃមុខដែលគ្មានការតុបតែង​ រហូតធ្វើឲ្យអ្នកគាំទ្រហាក់​ភ្ញាក់ផ្អើល​ខ្លាំងនូវសម្រស់ពិតរបស់នាង​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាម​រយៈ​ការ​បង្ហោះ​នេះ នាង​បាន​ថតរូប​ជាមួយ​ឆ្កែជាទី​ស្រលាញ់ ​ហើយ​សរសេរ​ខេបសិន​យ៉ាង​ខ្លី​ថា “ភ្ញាក់​ឡើង​ឃើញ Jum Pook នៅ​ក្បែរ​ខ្ញុំ។ ហេតុអ្វីបានជា​កក់ក្ដៅយ៉ាងនេះ កូន​ឆ្កែ​គួរឲ្យស្រលាញ់!!!!”

ក្រោយ​បានឃើញរូបភាពរបស់តួឯកស្រីក្នុងរឿង “ចិញ្ចៀនផ្កាស្មៅ” រួចមក អ្នក​គាំទ្ររបស់នាង​សឹង​មិន​ជឿ​ថា​សម្រស់​របស់​តារា​រូប​នេះ​ នៅ​តែ​ដដែល​មិនប្រែប្រួលទៅណាសោះឡើយ។ ខណៈ​នាង​ជា​តារា​សម្ដែង និង​ជា​តារា​ម៉ូដែល​ថៃ ដែលបានចូល​ក្នុង​វិស័យ​កម្សាន្ត​តាំង​ពី​ចូល​ប្រលង និងទទួល​បាន​មុខ​តំណែង Thai Supermodel Contest 2004 ហើយថែមទាំងបានតំណែង “Top Model of the World” ពីវគ្គ Model of the World 2004 នៅប្រទេសចិនតាំងពីយូរណាស់មកហើយ។

ទន្ទឹម​នោះ​ដែរ​ អ្នក​និយមលេង​អ៊ីនធឺណិត​ជាច្រើន​​ចាប់​អារម្មណ៍​ខ្លាំង​ជាង​គេ​ គឺសម្រស់​របស់ Pancake បើទោះជាវ័យ៣៤ឆ្នាំហើយ តែនាងនៅតែអាចដើរតួឯកបានគ្រប់រឿងដដែល។ ជាពិសេសហ្វេនៗរបស់តារារូបនេះបានបញ្ចេញមតិថា នាងស្អាតខ្លាំងណាស់ មិនថាក្រោកពីគេង ឬគ្រងឈុតណាមួយ លើរាងកាយនោះទេ៕

សូមទស្សនារូបខាងក្រោម៖

ប្រែសម្រួល៖ សាង ស្រីល័ក្ខ

ចុចអាន៖Noey Chotika រំភើបខ្លាំងរហូតស្រែកពេញផ្ទះ បន្ទាប់ពីឃើញកាដូ ដែល Kimberly ឲ្យនាង

ចុចអាន៖ផ្ទុះការរិះគន់គ្រូពេទ្យ ថៃ ម្នាក់ ក្រោយលូកដៃក្នុងរឿងមានផ្ទៃពោះរបស់ភរិយា Weir