ជីវិតកម្សាន្ដ
អ្នកលេងហ្វេសប៊ុកថៃប្រតិកម្ម ក្រោយឃើញឈុត “ព្រះរាមចូលកោដ្ឋបញ្ឆោតនាងសិតា” ក្នុងការប្រកួត Miss Grand Cambodia 2022
អ្នកលេងបណ្ដាញសង្គមហេ្វសប៊ុកថៃជាច្រើន កំពុងប្រតិកម្មចំពោះឈុត “ព្រះរាមចូលកោដ្ឋបញ្ឆោតនាងសិតា” របស់បេក្ខនារីតំណាងខេត្តស្វាយរៀង នៅក្នុងការប្រកួត Miss Grand Cambodia 2022។
កាលពីថ្ងៃទី ២៤ ខែសីហា ឆ្នាំ ២០២២ កម្មវិធី Miss Grand Cambodia 2022 បានធ្វើការប្រកួតវគ្គឈុតតំណាងខេត្ត-ក្រុងចំនួន ៣៣ ក្នុងនោះមានបេក្ខនារីជាច្រើន បានបង្ហាញពីឈុតដ៏ស្រស់ស្អាតកើតចេញពីការច្នៃប្រឌិតរបស់កូនខ្មែរ ដោយផ្សារភ្ជាប់ជាមួយប្រវត្តិ និងវប្បធម៌ប្រចាំខេត្ត-ក្រុងនីមួយៗ។
ក្រោយពីការបង្ហាញឈុតតំណាងខេត្ត-ក្រុងចប់ អ្នកលេងបណ្ដាញសង្គមហ្វេសប៊ុកថៃជាច្រើន ហាក់មានការប្រតិកម្មលើឈុតតំណាងខេត្តស្វាយរៀង ដែលគ្រងឈុតដោយកញ្ញា អេង ស្រីនូ។ មានផេកថៃជាច្រើនបានយកវីដេអូ និងរូបភាពទៅបង្ហោះក្នុងលក្ខណៈសើចចំអកមើលងាយ ហើយមួយចំនួនទៀតថា ឈុត “ព្រះរាមចូលកោដ្ឋបញ្ឆោតនាងសិតា” នេះបានលួចចំលងពីវប្បធម៌ថៃ។ ប៉ុន្តែសម្រាប់អ្នកគាំទ្រវិស័យបវរកញ្ញានៅកម្ពុជាជាច្រើន បានកោតសរសើរពីស្នាដៃ និងការច្នៃប្រឌិតរបស់ឈុតមួយនេះ ដោយបានបង្ហាញពីភាពល្អប្រណិត និងស្រស់ស្អាតបូករួមជាមួយការលើកបង្ហាញពីមរតកវប្បធម៌ខ្មែរ តាមរយៈចម្លាក់ ល្បាក់ផ្កា ជាពិសេសលើកទឹកចិត្តឲ្យខិតខំប្រឹងប្រែងបន្តទៀត។
ទន្ទឹមនឹងនេះ បើតាមហ្វេសប៊ុកឈ្មោះ Samon Koem ត្រូវបានស្គាល់ថា ជាអ្នកដំឡើងឈុតក៏បានបង្ហោះពីអត្ថន័យឈុតនេះផងដែលថា រឿងរាមកេរ្ដិ៍ ជាប្រភេទអក្សរសិល្ប៍ទេវកថា ដែលមានឥទ្ធិពលខ្លាំងលើសង្គមខ្មែរតាំងពីបុរាណមក ដូចមានបង្ហាញជាចម្លាក់ គំនូរ ល្ខោនច្រើនបែបយ៉ាង សំណេរកាព្យ និងការនិទានផ្ទាល់មាត់ជាដើម។ ទស្សនីយភាពដែលកំពុងបង្ហាញឡើងជាឈុតតំណាងជាតិ ក្នុងលក្ខណៈទម្រង់ច្នៃប្រឌិតបែបសិល្បៈបុរាណក្នុងដំណើររឿងនៃ វគ្គមួយនៅក្នុងរឿងរាមកេរ្តិ៍ បានបង្ហាញអំពីអត្តចរិតរបស់នាងសីតា ដែលបានសច្ចាថា នឹងមិនវិលទៅជួបព្រះរាមជាដាច់ខាត លុះត្រាតែព្រះរាមសុគត។ ដោយសារតែមូលហេតុនេះ ព្រះរាមបានធ្វើពុតជាចូលទិវង្គត ដើម្បីបញ្ឆោតនាងសីតាឲ្យវិលមកជួបព្រះរាមវិញ។ ពេលដឹងដំណឹងថាព្រះរាមចូលទិវង្គត នាងសីតាក៏ត្រឡប់មកនគរវិញ ហើយបានយំខ្សឹកខ្សួលនៅចំពោះកោដ្ឋដាក់ព្រះសពរបស់ព្រះរាមរហូតដល់បាត់បង់ស្មារតី។
លើសពីនេះ ម្ចាស់ហ្វេសប៊ុក Samon Koem បានបន្តថា ចលនារឿងបុរាណមួយនេះ ក៏ត្រូវបានអ្នកនិពន្ធយកមកសម្ដែងឡើងនាពេលបច្ចុប្បន្ននេះផងដែរ។ តាមរយៈការបង្ហាញនូវឈុតតំណាងជាតិមួយនេះ ក៏បានស្ដែងឲ្យឃើញពីមរតកវប្បធម៌ដ៏អស្ចារ្យនៃព្រះរាជាណាចក្រកម្ពុជា តាមរយៈចម្លាក់ ល្បាក់ផ្កា និកាយវិការក្នុងទម្រង់បុរាណនៃតួអង្គផងដែរ។ គួរបញ្ជាក់ថា ក្រោយពីមានភាពចម្រូងចម្រាសពីភាគីថៃយ៉ាងណាក៏ដោយ តែអ្នកដំឡើងឈុតហាក់មិនតបតបង្កើតជាបញ្ហាផ្សេងៗកំឡុងពេលប្រកួតឡើយ៕
អត្ថបទ៖ ផានិត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង