អង្គរក្សតាមហែហមបវរកញ្ញា Engfa ដើរផ្សារ ត្រូវមហាជនទើសចិត្តខ្លាំង

បវរកញ្ញា Engfa Waraha ម្ចាស់តំណែងឯក Miss Grand Thailand ​2022 ត្រូវមហាជន​សម្ដែងការមិនពេញចិត្ត និងទើសទាល់ជាខ្លាំង បន្ទាប់ពីបវរកញ្ញារូបនេះដើរលេងផ្សារ ដោយមានអង្គរក្សហែហមឆ្វេងស្ដាំជាច្រើននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ដោយ​សារ​តែ​ភាព​ល្បីល្បាញផង និងទើបតែមានរឿងក្ដីប្ដឹងផ្ដល់ទាមទារសំណងជាង ៣៣លានដុល្លារផង បវរកញ្ញា Engfa ត្រូវបានក្រុមអង្គរក្សតាមការពារប្រកិត ពេលនាងកំពុងដើរនៅផ្សារទំនើបមួយកន្លែង។ តាមរយៈវីដេអូឃ្លីប គេបានឃើញអង្គរក្សជាច្រើន តាមប្រកៀកនឹង Engfa ព្រមទាំងលើកដៃព័ទ្ធបវរកញ្ញារូបនេះ មិនឱ្យមានមនុស្សចូលក្បែរទៀតផង។

បន្ទាប់ពីឃើញឃ្លីបរួចមក មហាជនរាប់សិបបានសម្ដែងការហួសចិត្ត និងចូលទៅបញ្ចេញមតិរិះគន់មិនសំចៃមាត់។ ពួកគេភាគច្រើននិយាយថា តើនាងបានជួយអ្វីដល់ប្រជាជនថៃ? ហេតុអ្វីអង្គរក្សច្រើនម្ល៉េះ? អង្គរក្សច្រើនពេកហើយ! ពិតជារឿងគួរឱ្យទើសចិត្តណាស់!

យ៉ាងណាមិញ ក៏មានមតិគាំទ្រមួយចំនួនផងដែរ ដោយពួកគេលើកឡើងថា មនុស្សប៉ុនណេះ​មិន​ច្រើន​ពេក​ទេ ព្រោះបើ​មាន​គ្រោះថ្នាក់ គ្មាននរណាទទួល​ខុស​ត្រូវឡើយ។ ដូច្នេះការការពារ គឺពិតជាប្រសើរជាងព្យាបាល៕

ប្រែសម្រួល៖ សន្យា

ចុចអាន៖ បវរកញ្ញា Ingfah ទម្លាយថា ខ្លួនធ្លាប់មានសង្សារជាមនុស្សស្រី

ចុចអាន៖ Ingfah ម្ចាស់មកុដ Miss Grand Thailand រងបណ្ដឹងទាមទារសំណងជាង ៣៣លានដុល្លារ