ជីវិតកម្សាន្ដ

Ingfah ម្ចាស់មកុដ Miss Grand Thailand រងបណ្ដឹងទាមទារសំណងជាង ៣៣លានដុល្លារ

បានផុស

២ years មុន

នៅ

ថ្ងៃសុក្រ ២៦ សីហា ២០២២

ដោយ

បវរកញ្ញា Ingfah Waraha ដែលជាម្ចាស់មកុដ Miss Grand Thailand 2022 រងការចោទប្ដឹងពីផលិតកម្ម Saengrawee ពីបទរំលោភកិច្ចសន្យា ដោយខាងភ្នាក់ងារផលិតកម្មអះអាងថា នាងមិនទាន់ចប់កុងត្រា តែបែរជាទៅចូលរួមប្រកួតសម្រស់ ហើយខាងដើមបណ្ដឹងបានប្តឹងទាមទារប្រាក់សំណងចំនួន ១២០០លានបាត (ជាង ៣៣លានដុល្លារ)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះករណីបណ្ដឹងនេះ លោក Nawat Isarakraisin នាយក និងជាស្ថាបនិកកម្មវិធីប្រកួត Miss Grand International បានចេញមុខការពារបវរកញ្ញា Ingfah យ៉ាងពេញទំហឹង ដោយលោកបានសរសេរបង្ហោះនៅគណនីហ្វេសប៊ុកផ្ទាល់ខ្លួនថា លោកមិនអនុញ្ញាតឱ្យនរណាធ្វើបាបកូនស្រីរបស់លោកឡើយ ហើយក្រុមការងារ Miss Grand នឹងរួមកម្លាំងគ្នាឱ្យអស់ពីសមត្ថភាពដើម្បីជួយ Ingfah ព្រមទាំងស្វែងរកមេធាវីល្អម្នាក់មកជួយការពារក្ដីឱ្យនាងផងដែរ។

ងាកទៅសាមីខ្លួនវិញ នាថ្មីៗនេះដែរ នាងបានបង្ហោះសារបង្ហាញពីគំនិតរបស់នាងទាក់ទងនឹងផលិតកម្មដែលជាដើមបណ្ដឹងថា ខាងផលិតកម្មបានទុកនាងចោលជាយូរមកហើយ។ ក្នុងរឿងនេះនាងទេដែលជាអ្នកទទួលភាពអយុត្តិធម៌ពិតប្រាកដ។

ទោះយ៉ាងណា ករណីរឿងក្ដីប្ដឹងផ្ដល់មួយនេះ មហាជននៅមិនទាន់ដឹងការពិតឡើយថាយ៉ាងណា ប៉ុន្តែជាមួយគ្នាដែរ ហ្វេនៗរបស់ Ingfah បាននាំគ្នាបញ្ចេញមតិគាំទ្រនាងយ៉ាងច្រើនលើសលប់៕

ប្រែសម្រួល៖ សន្យា

ចុចអាន៖ មកុដ Miss Grand International ២០២២ ឆ្នាំនេះស្អាតខ្លាំង រហូតធ្វើឲ្យបវរកញ្ញារំភើបចិត្ត

ចុចអាន៖ សាវតាបវរកញ្ញា Ingfah Waraha ម្ចាស់មកុដ Miss Grand ថៃ ឆ្នាំនេះ