បវរកញ្ញា Engfa ទម្លាយថា ខ្លួនធ្លាប់មានសង្សារជាមនុស្សស្រី

បវរ​កញ្ញា Engfa ម្ចាស់​មកុដ Miss Grand Thailand 2022 ទម្លាយទៅកាន់ទស្សនិកជនជាសាធារណៈនៅលើកម្មវិធីអនឡាញដ៏មានប្រជាប្រិយមួយថា ចាប់តាំងពីចេះមានស្នេហាមក ​នាងធ្លាប់មានសង្សារ ៤នាក់ ក្នុងនោះមានម្នាក់ជា ​Tom Boy (មនុស្សស្រីមានចរិតនិងតែងដូចខ្លួនមនុស្សប្រុស)។

បវរកញ្ញាវ័យ ២៤ឆ្នាំរូបនេះ ព្រម​បើក​ចំហ​​រឿងរ៉ាវ​ស្នេហារបស់ខ្លួនពីអតីតកាលជាមួយ Tom Boy នៅក្នុងកម្មវិធីមួយដែលចាក់ផ្សាយលើ YouTube កាលពីពេលថ្មីៗនេះ ព្រោះនាងចង់ផ្សព្វផ្សាយអំពីនិន្នាការនៃស្រឡាញ់ភេទដូចគ្នា (LGBTQ+) ក៏ដូចជាការបញ្ឈប់ការើសអើងចំពោះអ្នកដែលមានទំនោរស្នេហាលើភេទដូចគ្នា។

Engfa បានរ៉ាយរ៉ាប់ថា ស្នេហាជាមួយមនុស្សស្រី មិនខុសពីមនុស្សប្រុសនោះទេ សំខាន់ក្ដីស្រឡាញ់ពិត គឺប្រើបេះដូងមកស្រឡាញ់ ដូច្នេះវាមិនសំខាន់លើភេទឡើយ។ ទោះយ៉ាងណា មកទល់នឹងបច្ចុប្បន្ន នាងនិងសង្សារ Tom Boy បានចែកផ្លូវគ្នាហើយ ដោយសារបញ្ហាមួយចំនួន ប៉ុន្តែអ្នកទាំងពីរនៅតែរក្សាទំនាក់ទំនងជាមួយគ្នា និងបន្តរាប់អានគ្នាជាមិត្តល្អ៕

ប្រែសម្រួល៖ សន្យា

ចុចអាន៖ សាវតាបវរកញ្ញា Ingfah Waraha ម្ចាស់មកុដ Miss Grand ថៃ ឆ្នាំនេះ

ចុចអាន៖ Ingfah ម្ចាស់មកុដ Miss Grand Thailand រងបណ្ដឹងទាមទារសំណងជាង ៣៣លានដុល្លារ