អៀ ម៉េងលិ ប្រកាសឲ្យអតីតគូស្នេហ៍ចូលខ្លួនដោះស្រាយរឿងបំណុលជាង៨ម៉ឺនដុល្លារ

តារាសម្តែងស្រីរូបស្រស់កញ្ញា អៀ ម៉េងលិ កាលពីថ្មីៗកន្លងទៅនេះ គឺបានប្រកាសពីការបែកបាក់ស្នេហ៍ជាមួយអតីតសង្សាដែលស្រាលាញ់គ្នាប្រមាណ៥ឆ្នាំមកហើយបង្កការភ្ញាក់ផ្អើលដល់មហាជន។

ក្រោយពេលរឿងរ៉ាវស្នេហាត្រូវបានបញ្ចប់តាមរយ:ការចែកផ្លូវគ្នាដើររៀងខ្លួននោះ តារាស្រី អៀ ម៉េងលិ មកទល់ពេលនេះគេមិនទាន់ដឹងទេថានាងអាចទទួលយកបុរសណាម្នាក់ដើម្បើស្អំបេះដូងនៅឡើយទេ ខណ:មានការបង្ហើបថា កំពុងមានបុរសជាច្រើនតាមលួងលោកសុំស្នេហ៍ពីតារាស្រីរូបនេះ។

ដោយឡែករឿងដែលទស្សនិកជនកាន់តែចាប់អារម្មណ៍ និងភ្ញាក់ផ្អើលថែមទៀតនោះ ស្រាប់តែតារាស្រី អៀ ម៉េងលិ ប្រកាសឲ្យអតីតគូស្នេហ៍ចូលខ្លួនដោះស្រាយរឿងបំណុលប្រមាណ៨ម៉ឺនដុល្លារថែមទៀតផង។ ខ្លឹមសារនៅលើទំព័រហ្វេសប៊ុកកញ្ញា អៀ ម៉េងលិ បានរៀបរាប់ថា នាងខ្ញុំស្រីលិ សូមអញ្ជើញ លោក វ៉ុនប៊ុន លក្ម្សី ហៅសកល អញ្ជើញចេញមុខដោះស្រាយលុយបំណុលចំនួន៨០០០០​ជាងដុល្លារ!។

កញ្ញា អៀ ម៉េងលិ បន្តថា កុំស្ងាត់បាត់ឈឹងអ៊ីចឹងហើយនឹងបានយកIpad Air និងiPhone12proma x របស់នាងខ្ញុំទៅដែរ។ សូមចេញមុខយកមកឱ្យខ្ញុំវិញ។ ខ្ញុំទុកពេលឱ្យយូរមែនទែនដោយបុគ្គលម្នាក់នេះមិនមានដំណោះស្រាយ ហើយបានគេចខ្លួន។ ខ្ញុំមិនចង់បង្ហោះជាសារធាណ:ទេ តែវាអស់កំណត់ហើយ។ ជួយស៊ែរឱ្យបុគ្គលនោះមើលផង​ថោក​ទាបណាស់ ហើយលុយដែលនាងខ្ញុំបានចាញ់បោកបុគ្គលនេះ គឺដោយសារបុគ្គលនេះនិយាយថា ចូលហ៊ុនគ្នារកស៊ីនិងយកទៅលេងភាគហ៊ុនតែតាមការពិត គឺប្រព្រឹត្តល្បែងស៊ីសង ។

តារាស្រីរូបស្រស់កញ្ញា អៀ ម៉េងលិ បានបញ្ជាក់បន្ថែមថា បុគ្គលជាអតីតសង្សាខាងលើបានយកលុយពីខ្លួនទៅចាប់តាំងពីដើមឆ្នាំ២០២០ រហូតមកដល់ថ្ងៃនេះ គឺគ្មានដំណោះស្រាយទេ។ ហេតុនេះទើបនាងអស់ការទ្រាំមែនហើយនាងសម្រេចដាច់ចិត្តបង្ហោះ!។ អ្នកដឹងបានដឹងថាម៉េច។

យ៉ាងណាមិញរហូតមកទល់ពេលនេះមិនទាន់មានប្រតិកម្មណាមួយពីភាគីបុរសដែលជាអតីតសង្សារបស់នាងនៅឡើយទេ៕

អត្ថបទ៖ ចា ន់រ៉ា