ជីវិតកម្សាន្ដ

ឈុតពណ៌ស្វាយចាស់ Mai Davika ត្រូវគេប្រដូច ស្អាតដូចព្រះនាងក្នុងរឿងព្រេង

បានផុស

៤ years មុន

នៅ

ថ្ងៃអង្គារ ១៨ តុលា ២០២២

ដោយ

តារាសម្ដែងថៃ Mai Davika បង្អួតសម្រស់ក្នុងឈុតពណ៌ស្វាយចាស់យ៉ាងស្រស់ស្អាត ក្នុងកម្មវិធីសម្ពោធគ្រឿងអលង្ការ High Jewellery ខណៈនាងត្រូវគេប្រដូចថា ស្អាតដូចព្រះនាងក្នុងរឿងព្រេង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃចុងក្រោយនៃកម្មវិធី តារាស្រីចង្កេះតូចរូបនេះ បានមកក្នុងរូបរាងដ៏ស្រស់ស្អាតដូចតុក្កតា Barbie ជាមួយនឹងរ៉ូបរាត្រីពណ៌ស្វាយចាស់ ដែលត្រូវបានរចនាយ៉ាងប្រណិត ភ្ជាប់ជាមួយគ្រឿងអលង្ការលំដាប់ខ្ពស់ ធ្វើឲ្យនាងកាន់តែស្រស់ស្អាត និងឆើតឆាយដូចជាព្រះនាងក្នុងរឿងនិទាន ក្នុងពិធីសម្ពោធគ្រឿងអលង្ការពីម៉ាកយីហោ GUCCI ។

ស្របពេលដែលអ្នកគាំទ្រជាច្រើនឃើញហើយ បានចូលស៊ែរនិងបញ្ចេញមតិ លាន់មាត់សរសើរសម្រស់នាងថា ស្អាតខ្លាំងណាស់ ត្បិតថាមានរូបរាងស្គមស្គាំង តែយ៉ាងណា Mai នៅតែស្អាតដូចព្រះនាង បន្ទាប់ពីគ្រងឈុតពណ៌ស្វាយនេះរួចមក។

សូមបញ្ជាក់ថា Mai Davika ជាតារាថៃមួយរូបទៀត ដែលបញ្ចេញស្ទីលនៃការតុបតែងខ្លួនខ្លាំង ក្នុងព្រឹត្តិការណ៍បង្ហាញម៉ូដលំដាប់ពិភពលោក Paris Fashion Week 2022 ហើយនាងក៏ត្រូវបានគេដឹងថា ជាទូតសុឆន្ទៈឲ្យប្រេនលំដាប់ Gucci ខណៈគ្រប់ព្រឹត្តិការណ៍ធំៗ តារារូបនេះតែងបង្ហាញវត្តមានដើរបង្ហាញម៉ូដឲ្យយីហោនេះជានិច្ច៕