ជីវិតកម្សាន្ដ

Mai Davika ទម្លាយអារម្មណ៍ពិត ក្រោយ MV “Can I Call You Min” ជាបទចម្រៀងដំបូងក្នុងជីវិត

បានផុស

៤ years មុន

នៅ

ថ្ងៃចន្ទ ១៧ តុលា ២០២២

ដោយ

កាលពីពេលថ្មីៗនេះ តារាសម្ដែងនិងម៉ូដែល Mai Davika បានទម្លាយអារម្មណ៍ពិតរបស់នាង នៅពីក្រោយ MV “Can I Call You Mine” ដោយអរគុណ និងមានក្ដីរំភើបជាខ្លាំងក្នុងជីវិត។

នៅក្នុងសារដ៏វែងអន្លាយនេះផងដែរ តួឯកស្រីក្នុងរឿង “នាងណាត” បានសរសេរដើម្បីអរគុណគ្រប់គ្នាថា “រំភើបណាស់ដែលបានបង្ហោះរូបថតនេះ ហើយអរគុណដល់អ្នកទាំងអស់គ្នា ដែលចូលរួមក្នុងបទនេះ ដែលជាបទដំបូងក្នុងជីវិតរបស់ Dawi។ អរគុណបង Am និងក្រុមការងារ ដែលផ្ដល់កិត្តិយសឲ្យខ្ញុំធ្វើបទនេះ សូមអរគុណបង Kaaw ដែលបានជួប និងផ្តល់យោបល់ វាពិតជាមានតម្លៃណាស់ សូមអរគុណដល់ក្រុម MV ទាំងអស់ សូមអរគុណក្រុមបងៗ Bass ។ អរគុណចាងហ្វាងសំណព្វរបស់ Mai ឈ្មោះ Chantavit Dhanasevi ដែលបានមកជួយថត MV នេះ អរគុណ Kao Suphatsara ដែលបានសម្ដែងជាតួស្រីក្នុង MV នាងពិតជាគួរឲ្យស្រលាញ់ណាស់។ នេះជាលើកទីមួយហើយដែលខ្ញុំបានជួបអ្នក ខ្ញុំស្រលាញ់អ្នកខ្លាំងណាស់ អរគុណដល់ក្រុមដែលគាំទ្ររបស់ Mai នេះពិតជាមានន័យណាស់សម្រាប់ Dawi ។ ហើយសំខាន់បំផុតថ្ងៃនេះ Dawi នឹងសប្បាយចិត្តខ្លាំងណាស់ បើអ្នកទាំងអស់គ្នាបានស្តាប់ហើយរីករាយជាមួយបទនេះ ស្តាប់ហើយញញឹមជាមួយវា អរគុណក្រុមហ្វេនក្លឹបផ្កាឈូករ័ត្ន ដែលជាអ្នកជំរុញឲ្យ Dawi ធ្វើអ្វីៗក៏ព្រោះតែខ្ញុំដឹងថា អ្នកទាំងអស់គ្នាគឺនៅតែគាំទ្រពួកយើង។ អរគុណច្រើន!”

យ៉ាងណាមិញ ក្រោយសំណេរនិងរូបភាពផ្អែមល្ហែមបានបញ្ចេញជាសាធារណៈមក សង្សារសំណព្វរបស់ Mai ក៏បានចូលមកខមិនថា “នេះល្អបំផុត” អមដោយស្ទីកគឺរបេះដូង ដែលបញ្ជាក់ថា ខ្ញុំស្រឡាញ់អ្នកខ្លាំងណាស់!

សូមបញ្ចាក់ដែរថា សម្រាប់តារាស្រី Mai Davika មហាជនជាច្រើន ធ្លាប់តែឃើញនាងបង្ហាញម៉ូដបង្អួតរូបរាងទាំង ការងារសម្ដែង និងការងារជាតារាម៉ូដែល ប៉ុន្តែពេលនេះ Mai បែរជាប្ដូរស្ទីល រំកិលខ្លួនចាប់កាន់មីក្រូហ្វូនមកច្រៀងចម្រៀងទោលលើកដំបូងក្នុងជីវិត។ ត្បិតថានាងមិនមែនជាតារាចម្រៀងអាជីព តែបទដំបូងនេះ ក៏បានទាក់ទាញចំណាប់អារម្មណ៍អ្នកគាំទ្រជាច្រើនផងដែរ៕