ជីវិតកម្សាន្ដ

Selena និងភិរិយា Justin ថតរូបឱបគ្នាយ៉ាងស្និទ្ធស្នាល បង្កការភ្ញាក់ផ្អើលជុំវិញពិភពលោក

បានផុស

៤ years មុន

នៅ

ថ្ងៃចន្ទ ១៧ តុលា ២០២២

ដោយ

Selena Gomez និងភរិយា Justin គឺតារាម៉ូដែល Hailey បានបង្ហាញរូបថតជាគ្នាយ៉ាងស្អិតរមួត ដើម្បីបញ្ចប់ពាក្យចចាមអារ៉ាមដែលថា អ្នកទាំងពីរមានស្នេហាត្រីកោណ។

នៅក្នុងរូបថតប៉ុន្មានសន្លឹក ដែលបង្ហោះដោយអ្នកថតរូប Tyrell Hampton កាលពីពេលថ្មីៗនេះក្នុងកម្មវិធី Star-studded Academy Museum Gala នៅ Academy Museum of Motion Pictures គេឃើញ Selena និងHailey ឱបគ្នាយ៉ាងស្និទ្ធស្នាលនៅពីមុខកាំមេរ៉ា។ ព្រឹត្តិការណ៍នេះ បានបង្កើតការភ្ញាក់ផ្អើលយ៉ាងខ្លាំងសម្រាប់អ្នកលេងអ៊ីនធឺណិតជុំវិញពិភពលោក។

យ៉ាងណាមិញ កាលពីដើមខែកញ្ញា ភរិយា Justin បានឆ្លើយតបនឹងសំណួរដែលអ្នកនិយមលេងអ៊ីនធឺណិតនិយាយថា នាងគឺជាមនុស្សទីបីដែលបានយក Justin ពី Selena ។ ដោយ Haley នាងបានលាតត្រដាងថា ” “ក្នុងនាមជាមនុស្សស្រី ខ្ញុំមិនចង់មានស្នេហា ឬភ្ជាប់ពាក្យ និងរៀបការជាមួយមនុស្សដែលខ្ញុំនៅតែសង្ស័យថា នៅមានជាប់ពាក់ព័ន្ធនឹងនរណាផ្សេងទេ។ ខ្ញុំដឹងច្បាស់ហើយថា យើងអាចមកជួបគ្នាវិញដោយសារតែគាត់ដាច់ស្រេច” នាងបញ្ជាក់ទៀតថានាងមិនដែរមានទំនាក់ទំនងជាមួយ Justin សោះ ក្នុងអំឡុងពេលគាត់ស្រឡាញ់គ្នាជាមួយ Selena Gomez។

គួររម្លឹកដែរថា Selena Gomez និង Justin Bieber បានចែកផ្លូវគ្នាកាលពីខែមីនា ឆ្នាំ២០១៨ បន្ទាប់ពីការផ្សះផ្សាកាលពីចុងឆ្នាំ ២០១៧ ។ ប៉ុន្តែវាជាការផ្សះផ្សាចុងក្រោយ។ ក្រោយមក Justin Bieber បានរៀបការជាមួយ Hailey នៅខែកញ្ញា ឆ្នាំ ២០១៨៕

ប្រែសម្រួលដោយ៖ វារី

ចុចអាន៖ភរិយា Justin Bieber ចែករំលែកបទពិសោធន៍រឿងលើគ្រែជាមួយស្វាមី

ចុចអាន៖Selena ស្រក់ទឹកភ្នែក ក្រោយទស្សនាភាពយន្ត ‘My Mind & Me’ ឆ្លុះបញ្ចាំងពីជីវិតពិតនាង