ជីវិតកម្សាន្ដ

សំណាងណាស់ ពិធីករ សុខ រ៉ាស៊ី សរសៃដែកធ្លាក់ពីលើការដ្ឋានចំរថយន្តស៊េរីទំនើប មិនត្រូវខ្លួន

បានផុស

៦ years មុន

នៅ

ថ្ងៃសុក្រ ១ មករា ២០២១

ដោយ

ភ្នំពេញ ៖ នេះចាត់ទុកថាជារឿងដ៏ហួសចិត្តសម្រាប់ពិធីករប្រុសសង្ហាលោក សុខ រ៉ាស៊ី ខណៈទើបតែចូលដល់ថ្ងៃទី១ នៃដើមឆ្នាំ២០២១សោះ ក៏មកត្រូវជួបរឿងស៊យដោយ សរសៃ ដែក មួយ កំណាត់ធ្លាក់ ពីលើ ការដ្ឋាន កំពុង សាងសង់មួយកន្លែងត្រូវ ចំ រថយន្តស៊េរីទំនើបរបស់លោកតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះហេតុការណ៍ ដែលធ្លាក់ដែកសរសៃពីលើអគារកំពុងសាងសង់ត្រូវមកចំរថយន្តលោក សុខ រ៉ាស៊ីនេះ គឺកើតឡើងស្ថិត នៅតាម បណ្ដោយ ផ្លូវ ៩៥សង្កា ត់បឹងកេងកង៣ខណ្ឌ បឹង កេងកង រាជធានី ភ្នំពេញ កាលពី វេលា ម៉ោង ៣ និង ៤៥នាទីរសៀលថ្ងៃ ទី ០១ ខែមករា ឆ្នាំ ២០២០នេះ។

យ៉ាងណាមិញក្នុងហេតុការណ៍គ្រោះថ្នាក់នេះដែរ គឺពិតជា សំណាងល្អ ណាស់ដែលមិន បណ្តាលឲ្យរងរបួសដល់លោក សុខ រ៉ាស៊ី នោះទេគ្រាន់តែ រថយន្ត ទំនើប រង ការ ខូចខាត ផ្នែកដំបូលខាងមុខប៉ុណ្ណោះ។នេះបើតាមការបញ្ជាក់ឲ្យដឹងពីសាមីខ្លួនលោក រ៉ាស៊ី នារសៀលថ្ងៃទី០១ ខែមករានេះ។

បើតាមការបញ្ជាក់ពិធីករ សុខ រ៉ា ស៊ី បាន រៀបរាប់ឲ្យ ដឹង ដោយខ្លីថានេះចាត់ទុកជាសំណាង ហើយ ដែល មិនបណ្តាលឲ្យមានគ្រោះថ្នាក់មកលើលោកដែលកំពុងជិះក្នុងរថយន្តពោលគឺត្រឹមធ្លាក់ ត្រូវ ចំ រថយន្ត រង ការខូចខាត។ម្យ៉ាងទៀតបើសិនជាធ្លាក់ ត្រូវ អ្នក ជិះ ម៉ូតូវិញ មិនដឹមិនដឹងមានគ្រោះថ្នាក់យ៉ាងណានោះទេ។

លោក សុខ រ៉ាស៊ី បានបន្ថែមទៀតថាសារដែលសំខាន់គឺលោកសំណូមពរដល់ម្ចាស់ការដ្ឋានត្រូវ បង្កើនការប្រុងប្រយ័ត្ន និង អំពាវនាវ ឲ្យ អាជ្ញាធរ ជួយពិនិត្យមើលឡើងវិញផង ដើម្បីឲ្យដំណើរការសាងសង់ត្រូវប្រកបដោយសុវត្ថិភាពត្រឹមត្រូវនិង តាមបច្ចេកទេសព្រោះ នៅម្តុំនោះ មានអ្នកធ្វើ ដំណើរ ឆ្លងកាត់ ច្រើន៕
ដោយ ៖ ចាន់រ៉ា